ZKIZ Archives


周顯﹕有人退黑卡 有人周圍揚

1 : GS(14)@2017-09-25 04:14:02

【明報專訊】那天看到某名做private banker的專欄作家寫運通黑卡,其實都是舊文了,不過我最近才看到,因此當新文來評說。該文講到黑卡好神奇、好難攞咁!不過,如果你識門路,都不用太有錢,也不是太難攞啫!

好似小朋友梅偉琛,前幾年不過贏咗七八千萬,簽咗不到1000萬元帳,便可以成功申請了。貼士是﹕你可以同信用卡中心講掂數,簽幾多達標,咁就好似meet target咁簽法,就可以成功申請了。

有另一個朋友,好似傾好要簽千幾萬元,才能拿到,結果在那一年內,他不停頻撲,朋友shopping,他去找數,朋友吃飯,他去埋單……當然不是請客,是拿回現金的那種啦!結果當然是成功拿到了。

為申請黑卡 「跑數」式簽帳

另外一種方法,就是你索性為朋友申請附屬卡,大家一起簽爆佢。不過我見過最勁的簽單是,有某名上市公司董事,向政府付牌照費,政府居然接受信用卡找數,1500萬元,雖然好像沒有乘機申請運通黑卡,但是換飛行里數,都夠肥啦!

我的哥哥以前好像有張黑卡,後來嫌年費太貴,居然退了。我有朋友索性運通卡都退了,理由是﹕「唓!都唔係度度收,我寧願用銀聯好過!」這叫做﹕「有人退卡話知你,有人黑卡周圍揚。」

不過在這個世界上,懶有型的人何其多,我有一個朋友S君,向來識飲識食識使錢,我上一次碰到他,是在波托菲諾,不是深圳的那個,而是意大利正宗。他自駕遊去玩,可知其幾有品味。但他甚至連馬會會籍都要退回﹕「唓!啲嘢又唔好食,我都從來唔去,退了費事煩。」

[周顯 投資二三事]


來源: http://www.mpfinance.com/fin/dai ... 7349&issue=20170921
PermaLink: https://articles.zkiz.com/?id=341414

Next Page

ZKIZ Archives @ 2019