勢輕微影響納米樓樓價
1 :
GS(14)@2017-09-17 13:45:31【本報訊】政府計劃推出的港人首置上車盤，粗略估算上車盤價錢可能是市價的一半；美聯測量師行董事林子彬指出，首置上車盤的定位在私樓與居屋之間，料會影響現行「納米樓」樓價，但影響輕微。
無礙二手居屋巿場
他解釋指，現時購買納米樓的用家，部份是一些會供得「掹掹緊、好辛苦」的自用年輕家庭，而政府推出的首置上車盤，不但售價較納米樓便宜，單位面積也會是較納米樓大的小家庭單位，「呢啲掹掹緊用家，就會改為購買首置上車盤，一定會影響咗納米樓樓價，但因為比例唔大，影響會好輕微」。中原地產研究部高級聯席董事黃良昇稱，根據現時掌握首置上車盤資料，料不會影響現時私營巿場的樓價，最主要原因是政府會嚴格限制首置上車盤單位轉售，「只係可以回購畀政府，唔可以喺巿場買賣，咁就影響唔到私樓價格」。他續稱，二手居屋的主要對象是綠表公屋買家，他們不會選擇不能在巿場自由買賣的首置上車盤，故不會影響二手居屋巿場：「我關心嘅係政府首置上車盤對象，唔好夾硬幫一啲根本無能力買樓嘅年輕人上車，畀個陷阱佢哋踩，買咗之後供唔到樓」。■記者蔡朗清
來源:
http://hk.apple.nextmedia.com/news/art/20170908/20146319