二五中環 萬南 投行游說重組 四叔快食尾胡
1 :
GS(14)@2017-08-17 08:01:42http://www.metrodaily.hk/metro_c ... %E6%81%AF%E6%94%B6/
上星期九倉(004)宣布分拆5大物業上市，消息一出股價炒起，市場認為咁做可以令吳光正家族更直接控制呢幾件系內王牌。其實大孖沙搞系內重組，李超人做完冇耐，依家輪到九倉，據聞有投行亦搵四叔密斟，獻計幫恒地(012)系搞重組。
消息人士話大孖沙必然手握好幾間上市公司，但普遍每間定位清楚，至於恒地系咯，唔講或者大家唔覺，原來有7間公司，但好似香港小輪(050)及恒基發展(097)，相對地比較面目模糊。投行明知旗艦恒地每股資產淨值約$66，入面有好多被超級低估嘅寶物，例如近年頻頻收購市區舊樓重建項目，簡直係會生金蛋嘅鵝，只要四叔首肯重組，即可將資產價值釋放。
萬南記起2012年四叔接受訪問，話過金融海嘯期間身家大縮水，希望用5年時間食尾胡，將身家起個孖。眨眼5年已過，如果公司重組，照計呢鋪牌應該有胡叫啦。