業主憂賠償額追不上樓價
1 :
GS(14)@2017-07-05 03:34:31【本報訊】市建局以歷史最高的呎價$15,383向土瓜灣3個項目業主提出收購建議，有長者業主指會接受收購，但坦言「收購價出幾錢都唔夠」，因樓價不斷上升，估計到接受收購時，同區樓價將再升，「20幾年樓應該買唔到啦，可能要舊到44年樓」。
租戶盼安置住公屋
屬於庇利街/榮光街重建項目受影響自住業主的約60歲住戶葉太，現時與丈夫、一子一女居於約500平方呎8樓單位，獲賠約760萬。她坦言會接受收購，但「其實畀幾多都唔夠」。她指早前曾到附近睇樓，20多年樓齡的碧麗花園一個500多呎單位，售價達700多萬元，「根本買唔起，而且收錢嗰時又可能再升」。居於榮光街的業主五太（圖）幾十年前購入約600多方呎單位，當記者告知她收購建議呎價15,000多港元時，她面露笑容說，「咁就最好啦，啲樓梯都殘殘舊舊，啲牆差唔多甩，樓頂又漏水，前幾日，屋頂又跌咗一嚿灰落嚟」。五太指不考慮樓換樓，「畀唔起又要倒貼」。亦不考慮於同區買樓，因港鐵開通後同區新樓呎價太高，「同區價錢高，買唔起，賠返啲錢都買唔到，最多買二手樓」。受今次重建影響的租戶張小姐，現時一家三口居於一個約500多呎的單位，每月租金約8,000多元。租客可獲特惠金賠償及安置，她希望市建局安排遷她遷至樂民新村，「我唔想要乜賠償或者特惠金，最希望市建局可以幫我上樓」。■記者彭愷欣、鍾雅宜
來源:
http://hk.apple.nextmedia.com/news/art/20170704/20078372