【馮仁昭四圍超】老公包養一世做酬勞黎淑賢減磅回勇 做纖體生招牌
1 :
GS(14)@2017-06-25 10:11:26琦琦、黎淑賢（Bonnie）、趙海珠同陳爽噚日喺銅鑼灣出席Chantecaille寶寶系列發佈會。Bonnie帶同三仔出席活動，39歲嘅佢生咗四個仔，身材弗爆，最近佢去沙灘拍攝，係幫老公嘅美容公司做纖體產品生招牌，老公仲話包養一世作為酬勞，Bonnie話：「都有十年未着過比堅尼，嗰排有啲情緒低落，怕效果唔好，我用咗一個月節食同做機，減咗十磅。有人畀番我20年前《城市周刊》嘅相我睇，以前都冇乜腰，所以老公都唔好要求咁多，?家狀態好過20年前。」
■琦琦因為有畏高，就算有一千萬酬勞都唔會玩笨豬跳。
■（右起）楊洛婷、余思敏及陳君宜等星級媽咪撐場。
認打針變靚
Bonnie被指靚過近日嘅面試港姐：「年紀都唔同啦，見到啲女仔選美，覺得時間好快，自己都出晒白頭髮。」問覺唔覺今屆港姐質素麻麻？Bonnie就話：「Gimmick嚟啫。」講到有參選嘅佳麗疑似整容，Bonnie就話：「我心目中要開刀先係整，我覺得唔?開嘅都好接受，科技進步，時間唔會倒流，唔改變基因就得，有得變靚點解唔做？我有打針，都冇需要隱瞞，我老公都贊成。」
琦琦有畏高
琦琦話囡囡Ella原來一啲都唔貪靚：「佢好天然，搽多啲cream都嫌煩，要追住佢搽防曬。」老公任達華喺內地拍電影同真人騷，琦琦話：「老公有問今次啲星好紅，問我帶唔帶小朋友探班，不過太遠，喺沙漠太辛苦喇。」問到會唔會以夫妻檔上陣做真人騷？琦琦就表示：「要睇吓，叫我笨豬跳我唔會夠膽，畀一千萬我都唔跳，因為我畏高。」撰文：馮仁昭
來源:
http://hk.apple.nextmedia.com/entertainment/art/20170623/20065410