ZKIZ Archives


全智賢喬妹Out?韓劇女主角越來越後生

1 : GS(14)@2017-06-18 22:07:15

劇迷追睇韓劇除咗個故仔吸引外,多數都會因應邊位做男女主角而睇劇,有時嫌男主角唔夠靚仔,女主角唔夠靚,可能就會放棄追劇。而近日韓國三大電視台播出嘅劇集中,就有趨勢顯示女主角嘅年齡越來越來年齡。之前韓劇搵大牌女主角孭飛,好似住全智賢、宋慧喬、崔智友、金惠秀、李英愛、高賢貞等,佢哋全部都年過30,有啲甚至年過40,佢哋因為喺亞洲各地都具有知名度,賣埠價亦相對可以加碼,不過隨住內地「禁韓令」、「限韓令」之後,唔少電視台就寧願將啲資源放喺製作方面,所以會選擇年紀較輕但又有優秀演技嘅女主角。當中根據韓國《文化日報》日前發佈嘅統計資料,現在喺韓國電視台播出嘅六部劇迷你劇中,月火劇MBC嘅《君主-假面的主人》女主角金所炫年齡只得18歲,係六部劇中年紀最少嘅一位,而KBS嘅《七日的王妃》女主角朴敏英年齡為31歲,SBS嘅《奇怪的搭檔》女主角南志鉉只得21歲。至於水木劇方面,就以MBC嘅《守望者》女主角李詩英年紀為35歲,係六部劇中年紀最大嘅一位,KBS嘅《三流之路》中嘅金智媛亦只得24歲,SBS《我的野蠻女友》中嘅吳漣序下周先踏入30歲。當中呢六位女主角嘅平均年齡只得26.3歲。




來源: http://hk.apple.nextmedia.com/entertainment/art/20170617/20058822
全智賢 喬妹 Out 韓劇 女主角 越來越 越來 後生
PermaLink: https://articles.zkiz.com/?id=336011

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019