ZKIZ Archives


湯文亮:「有錢」買二手樓 「無錢」買新樓

1 : GS(14)@2017-06-09 07:44:51

【明報專訊】傳媒不斷報道新樓盤出售情况,不少被訪問的人口氣都非常大,有人話替兒子置業,或者一買就買幾個單位,隨隨便便可以攞幾千萬出嚟,很多人睇到新聞之後,個心都酸酸哋。

有記者問我點解香港人咁有錢,我話香港人的確有錢,不過並不是現在買新樓、尤其是採用地產商八成半按揭的人,買1個2000萬元新樓,只需要付300萬元,如果只得300萬元,買二手樓最多可以買1個800萬元單位,如果我去買新樓,就一定不會接受訪問,因為好瘀。記者話那些被訪問的人,差不多每個人都話Full Paid,又問我有何解釋?我話毋須解釋,唔通買樓的人會講真話,講一句Full Paid幾有體面,而事實上,地產商亦表示,現在買新樓的人有七成以上用八成半按揭,而我估計,以Full Paid買新樓的人少之又少,訪問的說話是很難作準,記者話明白。

憂新樓銀主盤驟增 影響樓價

有老友打算買樓,不過就唔打算買新樓,理由是同八成半按揭有關,因為現在買新樓的人太多採用八成半按揭,如果順風順水,樓價繼續上升當然沒問題,但倘若樓市形勢逆轉,那些採用八成半按揭買新樓的人,隨時會被財務公司沒收他們買入的單位,當那些單位變成銀主盤之後,樓價一定會大幅減值,連帶整個樓盤都有影響。

有這方面的風險,老友話情願辛苦一些都買二手樓,老友的說話不無道理,現在買新樓的大多數是年輕人,他們的防守能力很脆弱,如果太多人同時供不起,對那些新樓盤樓價一定造成壓力,所以,現在買新樓雖然可以少付首期,但就要希望其他業主守望相助,唔畀其他人擁有的單位變成銀主盤,否則就會對樓價造成壓力。

不過,如果資金不足,又要買樓,採用八成半按揭買新樓也是一個正確做法,其實,地產商是提供多一個選擇給買家,大家依然可以採用其他方法,包括Full Paid找數。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 0891&issue=20170609
PermaLink: https://articles.zkiz.com/?id=334487

Next Page

ZKIZ Archives @ 2019