Hea富生活：後梁振英時代樓市
1 :
GS(14)@2017-04-13 22:37:52近日樓市連番破頂，北角出現千萬上車新盤，引致同區和富和城市花園的業主雄心勃勃，紛紛封盤或反價，但最令我在意的是，有多位未上車的高收入朋友突然話想買樓。根據經濟學理論，但凡泡沫爆破前，都會出現「恐慌性買入」。
鼓勵上車實為維穩
香港樓市最可怕的地方，就是自2009年起，每隔一段時間，就會出現一次恐慌性買入，而且泡沫至今仍未爆破。對上8年大行宣稱冧市論不勝枚舉，雖然次次錯，但合情合理合大眾口味，所以估跌好過估升，因為錯就情有可原，啱就有先見之明。今年加上加息因素，故近日摩根大通又出來估跌。我之前談到樓市「五年之內難跌」，是從中國政治層面分析，10至20%的正常調整，是當權者可以接受的範圍，亦是樂見的，因為可以令更加多熱血青年上車，甚至有中資媒體曲線鼓勵「父母畀首期合理論」，實為維穩。有層樓要供30年，熱血青年就會慢慢變成建制中年或噤聲中年，對社會不平事敢怒不敢言，氣氛漸趨「和諧」。當大部份人都變成樓奴時，社會運動就搞不出甚麼花樣，更甚就跟林鄭的競選團隊中某些年輕人一樣，由黃變藍話咁易。如樓價跌過20%而沒有承接力，香港政局便進入不穩，到時政府只要撤去一切辣招，甚至再出新政策幫年輕人置業，吸引資金進入樓市，一來買民心，二來買穩定，這是我對香港樓市長遠的睇法。但尚有一個不確定因素，就是「689」。如果他在7月卸任前出招搞樓市來攞個尾彩，亦是有可能的事，話口未完，前晚就收緊一約多伙計劃。你諗諗，壓抑樓市實有掌聲，連廢青都不會鬧。其實早前財經新聞已吹風上周五會出新辣招，遲遲未見可能因被事先張揚，就係鬥氣唔畀你估到，因為次次出招都是毫無先兆，像今次。講真，曾蔭權年代，當新特首確定後，過度期都是「無為而治」，這才合乎政治倫理。但從現任特首係都要推BCA來延續其「教育理念」，可見非同凡響。同意湯博士於面書的睇法，這一輪熱潮將會在幾個月後自然散退回落，最好乜都唔好搞，等林鄭上台再加辣，應該事半功倍。但如果期間有人搞局，則另當別論。郭釗
http://www.fb.com/heaology.edu本欄逢周四刊出
來源:
http://hk.apple.nextmedia.com/financeestate/art/20170413/19988475