| ||||||
| 香港寬頻同電訊 盈科（008）呢對歡喜寃家，又再開戰！之前一輪廣告戰後，噚日戰況已經發展到「明搶」嘅地步。話說香港寬頻會推出一個首6個月100M免費嘅轉台優惠， 俾8號仔班網上行客仔，等佢哋試過都話正咯，先簽約囉！公關姐姐話，今次係擺明車馬去撬8號仔啲客o架！ 俾對手㩒住搶，8號仔又點睇？電盈 個人客戶業務董事總經理陳紀新同華華講：「我哋係一個硬淨嘅對手！」有幾硬先？新哥話，對家推咗呢樣嘢咁耐，佢哋上客無受影響，亦唔見流失多咗，「個橙減 完價之後又再減，究竟係咩一回事呢？如果咁容易搶到客，點解又要減呢？」 當然，8號仔都唔係坐以待斃嘅。佢哋噚日宣佈，同旅發局合作，透過 遍佈全港嘅7500個PCCW Wi-Fi熱點（新哥話年底會去到8000個o忝），俾訪港旅客免費用嚟查閱最新嘅旅遊資訊，仲會推出「旅客資訊定位地圖」，根據旅客所在位置，喺網上地 圖顯示附近有邊間旅發局認可嘅商店同食肆嘅資料。咁體貼，如果益埋我哋香港呢班「搵食艱難」嘅「原居民」，咁就very good嘞！ 李華 華 [email protected] | ||||||