樂香園：大市果然地果然波動
1 :
GS(14)@2017-03-24 16:46:06大量北水「灌溉」（或淹浸）下，港股在美國聯儲局決定加息翌日，開始大升之旅，連日成交超過千億，多個理應受加息打擊的板塊觸底回升，廣受北水喜愛股份表現更非常搶眼，如美圖（1357）在北水「狂灌」下，連同早前升幅，短短11個交易日竟能累升約80%（雖其後又出現大跌），一句到尾，通地眼鏡碎。有基金朋友跟密西比表示，幸好聽了某財演所言，沒有減持股份，否則分分鐘今季表現不保。他說：「個財演真係堅準呀！（真係咁堅？佢一早已睇好後市？）唔係呀，個財演係睇個市跌呀，話加息大家好走貨啦咁，結果就一如嗰個財演以往嘅一貫表現，睇跌個市就升，睇升就喪跌，萬試萬靈呀。」友人越講越興奮，繼續說：「之前仲好笑啦，個財演上電視講股，一向都有幾個口頭禪，好似『我之前都講過』，或者係『上個禮拜我都係咁講』之類，無論升跌，總之都係佢估中晒，有次唔知係佢無睇法定係唔夠信心，居然爆左句『個市嗰然一如我估計咁上下波動』，真係多謝晒。」果然給他果然地說中了，果然。密西比
來源:
http://hk.apple.nextmedia.com/financeestate/art/20170324/19968227