林鄭：為團結婉拒AO協助
1 :
GS(14)@2017-03-22 00:19:50【本報訊】近日有政務官打破沉默，大爆林鄭月娥為官時中央集權、自以為是，曾俊華昨於論壇上就此批評林鄭，指不少人對林鄭有很大意見，又指林鄭不如他有前政務官相助。林鄭反駁，不想前政務官陷入分裂，才婉拒本想協助她的政務官，繼而指與她師亦友、曾任職廉署及教育署的余黎青萍支持她，代表她維護和重視香港的核心價值。
曾：好多人對佢有意見
曾向林鄭翻舊賬，指她宣佈辭職當日說要向因其做事方式感不開心的公務員道歉，「我好明白點解佢要道歉，因為確實好多人對佢有好大嘅意見。」曾今次選戰獲「AO一姐」、公務員事務局前常秘黎高穎怡任競選辦主任、食衞局前常秘李淑儀任資深顧問，曾指除常秘相助，也有20多位退休公僕支持，「我睇到Carrie冇呢樣嘢，一個好嘅領袖係可以吸引叻人幫你，所以一個人有能力可以做到晒所有嘢，只係夥計，呢個唔係領袖。」林鄭亦主動反擊曾，稱無意吹噓自己班子，轉頭卻把自己班子如數家珍，「我班子入面有懲教署前署長、有水務署前署長，有社署副署長、前助理署長，有入境處前助理處長，有立法會前秘書長」。她繼而解釋為何無政務官相助，稱過去20年在資深政務官圈子有個約兩個月一次的飯局，曾俊華和今次不能入閘的葉劉淑儀也是飯局核心成員，「如果喺呢20幾人嘅飯局，我哋各自請人，一個幫Regina、一個幫John、一個幫Carrie，咁就將團結變成分裂，我唔想咁做，所以我同一啲喺飯局想主動幫我嘅前高級AO講，多謝佢哋好意」。胡國興亦指林鄭反駁前同事支持之說十分無謂：「如果我要數晒所有嘅法官，我嗰啲舊同事都係支持我，咁你話幾無謂呢，因為法官唔出得嚟，唔可以出得嚟話支持某人某人㗎！」因法官不能表達政治取向，「我好似冇人支持，唔係冇人支持，係唔講出嚟嘅啫！」■記者姚國雄
來源:
http://hk.apple.nextmedia.com/news/art/20170320/19964177