港大專生至愛有小學生未聞Snapchat
1 :
GS(14)@2017-02-19 12:26:45■Snapchat
去年有外國調查報告指出，受訪1萬名青少年當中，有80%受訪者在過去一個月有使用Snapchat，有35%受訪者將其選為最喜歡的社交平台，而facebook只得13%。至於香港，Snapchat是否同樣受年輕人的歡迎？記者做了簡單街訪，訪問了本港青少年，包括小學生、中學生及大專生。大部份中學生及大專生都表示有玩Snapchat，不過亦有小學生未聽過Snapchat大名。具「閱後即焚」功能的Snapchat，之所以得到年輕人的青睞，正如受訪的陳同學所講，「可以玩得開啲，都可以保障返自己私隱」。你可以隨便post醜怪相，玩轉各種得意搞怪「扮狗」、「換面」filter（濾鏡），唔驚留底。但喺fb或者WhatsApp你唔會咁做，點解？因為唔知邊個損友會變身「backup佬」，將你最醜樣張相儲存，再開心share畀朋友，咁就一世。所以大專生梁同學話，「有時候想講啲秘密，得閒影啲樣衰相笑吓，就會用佢（Snapchat）。」反過來解釋，便能理解Snapchat為何幾乎絕迹於60、70後的世界，60、70後個個返工博殺，何來有閒情逸致玩filter？仲要皺紋多咗幾條，大家寧願玩美圖執相好過。「閱後即焚」？上班時間冇機會睇，放工又冇機會返睇，有分享等於冇分享。點解小學生少用Snapchat？只是因為有手機、冇數據，download apps更可能要阿媽望過先批准。有受訪學生關注Snapchat會比一般通訊軟件佔用較多流動數據，而且「有時load得好慢」，較常用WhatsApp與朋友溝通。有人認為Snapchat與fb或WhatsApp性質不同，Snapchat只是用作分享當下的動態及感受，不可能取代後兩者。記者：曾木秀
■大專生梁同學
【學生心聲】
大專生梁同學：「有時候想講啲秘密，得閒影啲樣衰相笑吓，就會用Snapchat。」
■陳同學
陳同學：「（用Snapchat）可以玩得開啲，都可以保障返自己私隱。」
來源:
http://hk.apple.nextmedia.com/financeestate/art/20170219/19932984