鍾國斌：美報告非純吹水
1 :
GS(14)@2018-11-26 05:25:27「好多人話呢啲報告都係吹吓水，幾時有見過佢會有做嘢」。和美國做生意30年，自言熟知美國人做事方式的自由黨黨魁兼立法會紡織及製衣界議員鍾國斌認為，今次美中委員會的報告不光是「吹水」，「以往未見過，真係有建議出嚟點樣去做」。
港成中美角力籌碼
鍾國斌認為，無論民主黨還是共和黨，都有共識認為中國是一個威脅，加上美國總統特朗普以生意人的方式思考，「唔會理你合作幾耐有幾好關係，為自身利益佢會做到最盡」，所以他由一開始就提醒特區政府，不能輕視美國真的對香港「出手」的危險性。鍾國斌認為現時香港已經成為中美貿易角力的「籌碼」，「好似玩show hand，晒冷就將你香港晒埋出去」。而若美國真的對香港出手，亞太區的日本、南韓、菲律賓以至西方國家都會跟隨，「你香港可以做到啲乜？」他認為目前關鍵，除了特區政府加強游說本地美商外，亦要避免落人口實，「唔好畀咁多藉口人哋搞你，唔好咁多口水」，他強調美國的行動全部基於本國政治利益，和香港法治以至23條立法等無關，但他在報告公佈後決定撤回本來提出的23條立法議案，「23條嚴格嚟講係冇關係，但我睇完（報告）後覺得唔多妥，唔好畀人咁多口實，因為佢個報告寫埋（23條）喺度」。時事評論員王慧麟就認為，美國現時提出關稅以至《香港政策法》，是在美中關係角力中打的「香港牌」，在美國透過日韓台灣等圍堵中國情況下，「你一定要靠香港，得返一個出口，袋喺袋度隨時拎出嚟，呢張香港牌非常好用」，到底美國會不會和何時會打出這張「香港牌」，視乎習近平和特朗普在G20峯會的會面結果影響。王慧麟相信特區政府明白問題嚴重性，「林鄭月娥早兩日話下年多啲外訪宣傳一國兩制，就係發覺唔掂，但佢又唔可以口頭話你知唔掂」，但他質疑特區政府這類外訪的成效，例如商務及經濟發展局局長邱騰華9月訪問游說未見成果，日後特區政府應考慮透過商界甚至民主派人士加入游說，「亦可以趁呢個機會同泛民改善關係，請泛民出手幫佢，泛民冇理由會推」。
來源:
https://hk.finance.appledaily.co ... e/20181126/20554972