樂香園：新股市場中資獨大
1 :
GS(14)@2017-01-27 07:40:09於投行任高層的友人看完周三〈樂香園〉，即致電密西比。友人說：「佢（薄有名氣iBanker）唔做當然有好多唔同原因啦，但係有一個根本性原因，就係香港個新股市場，喺最近呢幾年經已變咗好多……而變化最大嘅，就係資金來源變得單一，中資獨大，其他資金一係就冇錢買嘢，一係就變到投資方針好鬼保守。」友人續說：「中資獨大呢個情況，只要細心睇吓啲新上市公司資料，就會知道情況有幾咁嚴重，首先係大部份新上市公司都係內地公司，保薦人大部份亦都係內地投行，基礎投資者十居其九亦係內地企業……內地資金同內地公司自己玩晒，完全不假外求，其他資金冇得玩，唯有不停咁縮。」他再說：「既然資金係內地嚟，公司又係內地嚟，連投行都係嚟自內地，咁仲使唔使要香港i-Banker？仲使唔使要香港投行？你話香港個新股市場點會唔變？舊一代嘅i-Banker點可以唔退下火線？」飛鳥盡，良弓藏；狡兔死，走狗烹。
P.S.今篇是〈樂香園〉猴年收爐作，密西比與海迪在此祝大家心想事成，身體健康，買股隻隻中，雞年見。密西比
來源:
http://hk.apple.nextmedia.com/financeestate/art/20170127/19909893