ZKIZ Archives


保險紅利實現率高回報未必好

1 : GS(14)@2017-01-24 01:59:51

■即使保險產品紅利實現率高,實際回報亦不一定高。



【個人理財】因應保監處要求,分紅保險產品月初強制公佈非保證紅利實現率,保險界討論不休,相關數據或改變市民購買分紅保險意向,有理財專家認為,實現率並未能反映產品背後投資風險,有市民以為產品實現率高即回報好,易造成誤導,公佈實際分紅表現或更有說服力。記者:周家誠



實現率(fulfillment ratio)的誕生,是由於過往非保證紅利表現不透明,保監處遂推出指引十六(GN16),要求保險公司今年初起公佈實現率,不過保險界指出,分紅保險產品有歸原紅利及現金紅利兩種,由於投資策略不同,對比實現率並不公道。



未能反映產品投資風險

康宏理財聯席董事盧艷萍解釋:「現金紅利有少少似畀現金你,如果你不急住用,可以放喺保險公司,佢就可以幫你利叠利。」她續說:「另一種就係歸原紅利,你一日唔做理賠、退保、保單未到期,紅利就不能套現,繼續喺投資市場滾,個概念有啲似派紅股。」盧艷萍解釋,派發現金紅利的保險產品,由於需要定期繳付紅利予客戶,保險公司傾向採取波動性較低投資;歸原紅利同樣是每年派發,不過是放在保險資金持續投資,保險公司遂採取波動性較高之投資策略。由於投資策略不同,故此有保險產品實現率差異相當大,不過並不代表最終回報差,盧艷萍舉例:「如果當初保險建議書預期不保證回報為10元,佢最終畀到5元,咁個比率就係50%;如果有間保險公司建議畀1元,而佢做到100%,咁佢都係賺咗1元咋喎。」她建議計算過往實際紅利回報率更合理。



除了留意保險紅利種類及表現外,紅利如何形成亦是一大疑問,現時不少保險產品建議書均有投資策略解說,不過大部份僅提供股票、債券投資比例範圍,並未有詳說投資細則。萬利理財亞太區總裁張佩儀表示,分紅保險產品實際上並係無公佈投資細則,「所以有啲保險代理鍾意亂吹,例如有間保險公司嘅代理好鍾意拖埋李嘉誠隻基金嚟sell保單」。她指,儲蓄壽險產品建議書通常未有透露投資甚麼基金、聘用甚麼基金經理、投資甚麼股票債券等,批評保監處並不重視保險產品投資策略披露是否合適,很多時候只重視保險條例。




來源: http://hk.apple.nextmedia.com/financeestate/art/20170123/19905800
保險 紅利 實現 率高 回報 未必
PermaLink: https://articles.zkiz.com/?id=323767

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019