冠軍Daisy笑容勁陽光沙律可能係最靚Model
1 :
GS(14)@2017-01-23 07:45:14ViuTV首屆選美節目《美選D.n.A》話明要挑戰大台嘅港姐選舉，雖然話題性就……唔好提，但其實咁多位入圍者裏面暗藏好多靚女，只係要等人發掘番出嚟。首先係贏咗總冠軍嘅羅伊婷（Daisy），佢11年參加過大台Cover Girl選舉已經贏過一次，賣點21吋纖腰同跳舞叻，仲有個陽光笑容，今個月先踏入23歲，大把時間同機會上位。另一位多人識又靚女嘅，係Daisy喺天使組嘅勁敵張沛樂（沙律）！沙律喺參加《美選》之前，一直都係位知名嘅model，唔少討論區講起靚女呢個話題，總係會提到沙律個名同相。但要提番你，沙律已經名花有主，佢男友就喺「基界男神」林耀聲。滄海遺珠嘅仲有一位，佢就喺魔鬼組冠軍余逸思（Yoshi），上年7月美選女20強初次見傳媒當日，Yoshi嘅表現出色，俾《蘋果》選咗做最靚5強！而佢喺總選當晚，就跳咗好誘人嘅鋼管舞，超級搶鏡。
來源:
http://hk.apple.nextmedia.com/entertainment/art/20170122/19905307