ZKIZ Archives


家英哥汪阿姐雙雙抗癌「Ball后」薛芷倫仍然自信

1 : GS(14)@2017-01-07 07:08:08

藝人生活作息唔定時,追通告開通宵更,拍戲又煙又酒,要保持身體健康,要比普通人付出多幾倍嘅努力,一唔為意,好容易捱出病。羅家英、汪明荃:家英哥同汪阿姐絕對係模範情侶,05年家英哥承認患上肝癌三期,汪阿姐悉心照顧,暫時擊退咗癌魔。13年再傳家英哥病發,汪阿姐更加請假一年,全心陪住老公。而汪阿姐先後在1994年及2002年患上甲狀腺癌和乳癌,幸及早發現,不需要做化療,接受割除乳房腫瘤手術後已康復,兩次患癌的汪阿姐更未有停下工作。夫妻倆互相扶持,大步欖過。薛芷倫:另一位同死神搏鬥過嘅藝人,「Ball后」薛芷倫喺09年患上乳癌,康復後不幸留下後遺症,身體潰爛面容改變。不過堅強嘅佢,繼續展現自信,打扮靚靚到出席各種活動,Ball后不失本色。張達明:12年發現患上鼻咽癌二期,同妻子何念慈賣咗西貢獨立屋套現醫病,慶幸嘅係,達明冇輸俾病魔,上年就同農夫一齊開咗3場「棟篤唱」,以饗知音,可惜與何念慈最後卻離婚收場。鄭秀文:
Sammi喺事業嘅高峯期患上抑鬱症,當年佢對自己要求極高,為保纖瘦身形不停節食減肥,又唔容許自己演出有任何差錯,加上非常介意其他人嘅批評,面對各種各樣壓力,一下子爆煲,搞到抑鬱,幸好佢最終得到宗教和朋友幫助,重獲新生。葉麗儀曾在電台分享患病經過,鼓勵患乳癌女性,她自爆於1996年發現右邊乳房有硬塊,幸好只是第一期乳癌,但仍要接受切除腫瘤手術及做電療以防復發。黃浩然:黃浩然14年患上罕見嘅「貝塞特氏症」,體重跌至136磅,仲要退出劇集《張保仔》嘅拍攝工作。好番之後,佢繼續落力拍戲,嚟緊兩套劇集《賭城群英會》同《我瞞結婚了》擔正做男主角。




來源: http://hk.apple.nextmedia.com/entertainment/art/20170107/19889378
PermaLink: https://articles.zkiz.com/?id=321756

Next Page

ZKIZ Archives @ 2019