ZKIZ Archives


財經評論:港樓水魚何其多

1 : GS(14)@2017-01-07 00:28:05

新一年,地產商鼓勵大家要繼續發奮圖強,努力搵錢供樓,否則他們的新盤又怎能越賣越貴,港樓如何繼續興旺、樓價長升長有呢?2017年首個新盤開價嚇人一跳,收票反應更嚇到大家仆落地。新地(016)元朗Grand Yoho1期於去年8月開售,當時樓市氣氛未見火熱,賣樓一向有計的新地,拿少量單位以「廣告價」發售,首批平均呎價1.2萬元有找,平過二手。結果短短八天勁收近1.7萬票,被喻為難抽過居屋,奪得1997年後新盤「票王」寶座。賣完頭一批後,新地見購買力強勁,即使邊賣邊加價,仍有大量「水魚」湧埋嚟,賣到尾呎價已加至1.46萬元。港人總貪少便宜,麥記日前賣10蚊9件麥樂雞,我星期二晚收工打算幫襯,點知去到已經賣晒。賣樓亦一樣,只要開價夠平,一樣排長龍。緊接推出的2期,廣告價不再,收票聲勢大不如前。聽地產代理講,Grand Yoho2期在開價後首日只勉強收過百票(約130票),有人解釋因只是平日,好多人都要返工,未能反應實況,相信到星期六日便見真章。之但係,1期於去年8月18日首日收票,也是平日,仍能勁收逾1,800票;與之比較,2期收票量勁跌九成。有代理話,「呢口價係有阻力,唔同上次(1期)啲客衝入來話好平」。近年地產商不斷測試樓市極限,當原來賣2萬蚊呎仍大把水魚,下次就賣夠3萬蚊。當加到市場承接不到,自然要減價。市場總有極限,當元朗兩房單位賣到1,000萬,如果咁都仲有水魚,只能再一次證明,香港樓市海產生物何其多,樓價點跌。記者:朱連峰




來源: http://hk.apple.nextmedia.com/financeestate/art/20170106/19887641
財經 評論 港樓 水魚 何其
PermaLink: https://articles.zkiz.com/?id=321594

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019