西環集中營：林鄭要與時間競賽
1 :
GS(14)@2016-12-24 10:18:22特首梁振英宣佈不連任後，牌面上可能的特首候選人有胡國興、葉劉淑儀、已辭職的曾俊華，仍在考慮中的林鄭月娥與曾鈺成，以及盛傳是「黑馬」的陳德霖及李國章等，但除胡國興及葉劉，沒有人公開表明會參選。有政界中人直言，中央不會在現階段「祝福」某候選人，亦希望特首選舉「表面睇落有競爭」，所以有心人不可能遲於明年1月中表態，其中又以必須辭職才能參選的林鄭「最需要揸緊時間盡快公佈參選」。有政界中人最近與一些內地人談特首選情，最關心的自然是誰是「真命天子」？怎知對方大搖其頭，稱沒有消息，更相信中央不會這麼快「祝福」候選人，「佢相信中央唔會喺某人參選前表態支持或不支持，要選特首嘅人，要諗諗冇中央欽點下係咪仍然選」。
中央或「睇一輪」才決定
該內地人又說，現時中央領導作風，「隨時等所有人出晒嚟，再睇一輪之後，去到2月、3月先做決定」。由於中央不提早欽點下屆特首，亦希望特首選舉有一定競爭，「等領導有得選擇」，所以參選人士不能在最後一刻才表態，必須有足夠時間做選舉工程，以明年2月14日提名期計算，因明年農曆年假由1月28日開始，即農曆年假後特首提名已開始，所以候選人理應最遲在下月中就要宣佈參選，於農曆年假前就開始爭取選委提名。該政界人士又表示，在眾多疑似「黑馬」中，以林鄭最受時間限制，因為她必須辭職才能參選，「如果中央要用一個月先批曾俊華辭職，咁批林鄭辭職時間亦唔會差太多，因為唔想俾人覺得欽點林鄭，所以林鄭1月初冇行動，恐怕佢都唔使選」。季陶周一、三、五刊出
來源:
http://hk.apple.nextmedia.com/news/art/20161223/19874554