為繼女慶祝生日章子怡：看到孩子笑都會快樂
1 :
GS(14)@2016-11-27 14:27:44章子怡同汪峰喺舊年結婚，年底生咗女兒醒醒（暱稱），一家三口不時晒幸福，不過章子怡都冇忽視汪峰舊愛葛薈婕生嘅女兒汪曼熙(熙熙)，一直視如己出，照顧有加。噚晚汪峰喺微博貼咗啲為大女兒「小蘋果」慶祝生日嘅相，除咗有大女同子怡嘅合照外，仲有一張係一家四口切蛋糕嘅相，不過呢張相見到佢哋手捉手咁切蛋糕，真係好溫馨!汪峰仲留言：「熙熙寶貝，今天是你11歲生日！這些年看到你越來越開心，越來越愛笑，越來越多的光彩和快樂在你眼中綻放。你已經是個得體大方懂事的姑娘了，爸爸媽媽為你驕傲！生日快樂，我們的大女兒！」章子怡之後都有轉發留言話：「看到孩子笑，我們都會快樂！每天快樂寶貝。」
來源:
http://hk.apple.nextmedia.com/entertainment/art/20161127/19847139