ZKIZ Archives


卸責拖建制派落水

1 : GS(14)@2016-10-27 05:51:18

【本報訊】立法會會議再因宣誓風波未能開會,主席梁君彥對事件表示遺憾,卻擺出強硬姿態,揚言裁決兩名青年新政議員不能宣誓「係唔會改嘅」,又將未能開會責任推到其他議員身上,不過他的做法似未能討好所有左派人士,全國港澳研究會副會長劉兆佳指梁應「理直氣壯」宣告青政議員失去資格,又指不排除中央會以人大釋法處理港獨問題。立法會休會後,梁君彥即揚言對會議無法正常運作感到遺憾,但覺得責任不在他或立會職員身上,強調立會秘書處早在會議廳外貼出通告,交代他日前裁決梁頌恆、游蕙禎不能宣誓及進入會議廳決定,但有人仍強闖會議廳,「如果我強行唔畀佢入呢,其實就難為咗秘書處嘅保安同事」。


劉兆佳:不排除人大釋法

對於會議無法運作,為何不移師到其他會議室繼續開會,梁君彥未有正面回應,反將包括建制派在內所有議員拖下水,「主持會議係要靠其他69位議員嘅協助,如果大部份議員唔肯去做呢樣嘢,其實會議邊個做主席都無法可以繼續」。梁又指立會會議「係全港700萬市民都睇到,我都希望佢哋(梁、游)諗一諗下星期係點樣處理」,並堅持自己的裁決「喺今時今日係唔會改嘅」,他會等到法院作裁決才決定是否再安排兩人宣誓。不過梁做法非所有左派也接受,劉兆佳接受電視訪問時指,「你(梁君彥)應該理直氣壯,從法律角度認為呢兩個候任議員失去議員資格」,而非「將呢個波踢咗去法庭嗰度,或者係將呢個政治理由睇成係最重要理由」,又言中央對禁止梁、游成為議員的決心很大,不排除會有人大釋法。■記者呂浩然




來源: http://hk.apple.nextmedia.com/news/art/20161027/19813654
PermaLink: https://articles.zkiz.com/?id=313601

Next Page

ZKIZ Archives @ 2019