喬妹巴黎鐵塔晒背影38歲河智苑晒嫩肌
1 :
GS(14)@2016-10-12 07:52:32做得韓國女神要有一個基本條件，就係樣貌同實際年齡相差好多歲，好似34歲嘅宋慧喬同埋38歲嘅河智苑咁，佢哋嘅靚樣完全唔似佢哋嘅實際年齡，令唔少女性都好羨慕。而呢兩位凍齡女神近日都放自己假去旅行，當中喬妹就展開咗佢嘅歐洲之旅，先後去咗唔同國家，好似瑞典、意大利咁，近日佢又飛咗去法國，仲喺巴黎鐵塔前留倩影。不過喬妹就唔肯畀正面大家睇，只係上載咗張背影新照上Instagram，但粉絲已經好開心，仲期待喬妹繼續update靚相。另外，現年38歲嘅河智苑出晒名擁有嫩肌，佢近日就去咗日本旅行，佢仲好勤力密密上載新相，當中河智苑就好大方，不時大晒自己嘅素顏照，當中有全身照及大頭照，可見佢嘅皮膚真係又白又滑，即使冇化妝依然靚爆鏡。
來源:
http://hk.apple.nextmedia.com/entertainment/art/20161012/19798006