不獲撐選立會主席 田北辰寸爆葉劉
1 :
GS(14)@2016-10-10 16:08:08【新民黨內訌】【本報訊】一場立法會主席選舉，令新民黨兩巨頭「擘面」。有意參選立法會主席卻未獲黨主席葉劉淑儀支持的田北辰，昨接受無綫新聞訪問時明言對新民黨發展有保留，將矛頭直指葉太，「你睇邊個政黨頭目係行會（成員），如果係，呢個黨就變成政府黨啦」。葉太回應傳媒稱，理解田不能選立會主席而心存怨憤，但她問心無愧，更稱：「佢同好多人都不和！」記者︰陳雪玲
新民黨在今屆立會選舉派3張名單，全取3席，副主席田北辰更成建制派直選票王。但田北辰昨於無綫節目卻指，對新民黨長遠發展有好大保留，原因之一是主席葉劉淑儀出任行會成員。他說：「呢個係問題，對新民黨長遠嚟講絕對係問題。有時我哋投票立場唔同，一唔同，人哋就唔知新民黨代表乜嘢。」
葉劉：佢同好多人不和
談到有意競逐立會主席，卻要顧全大局棄選，田不認同建制派由大黨指揮的做法，認為有需要改革，「今時今日我哋大哥、大姐文化太重喇，咁樣落去唔係好事。」他更提到其兄長、自由黨榮譽主席田北俊2001年擔任召集人的「八黨聯盟」一事，形容「係佢（兄長）最驕傲嘅」。2002年泛民和建制派跨黨合作，因佔立會過三分二票數，迫使政府在財政預算案中接受聯盟紓困措施。田北辰反問，「點解我哋建制派唔可以有六黨聯盟？」據了解，田北辰有意競逐主席之初，葉劉淑儀曾稱支持，但最後不單未支持田提出建制派投暗票初選建議，甚至提名盛傳獲中、西環支持的梁君彥參選，令田向葉太「開拖」。本報曾致電葉劉淑儀，了解她對田言論的看法，但截稿前未獲回覆。而葉太接受傳媒查詢時指，田北辰不能選主席而心存怨憤是意料中事，但她問心無愧。對於身為黨主席又身兼行會成員，葉太說民建聯主席李慧琼亦身兼兩職一段長時間，其他建制政黨亦有代表在行會，因為政府需要靠建制政黨建立執政聯盟，反指田北辰對政制一知半解。問及是否與田北辰不和？葉太稱：「佢同好多人都不和」、「佢同邊個和過」，自言過去6年一直在選舉中支持對方。
來源:
http://hk.apple.nextmedia.com/news/art/20161010/19796136