《瑪嘉烈》添食冇份拍林保怡怨ViuTV過橋抽板
1 :
GS(14)@2016-09-11 05:50:33【ViuTV風雲】林保怡和周家怡自從為ViuTV拍攝劇集《瑪嘉烈與大衛系列綠豆》後，不時獲邀以拍檔形式出現，繼日前為鄭秀文拍攝新歌MV後，昨日二人又到紅磡出席長者探訪活動，氹得一班公公婆婆開心不已。
■一班長者昨日被周家怡和林保怡氹得十分開心。
■周家怡與林保怡主演的《瑪嘉烈》贏得不少口碑。劇照
■ViuTV明年開拍《瑪嘉烈》前傳，可能再邀游學修（左）和林耀聲演出。劇照
「對我哋冇感情」
記者問保怡《瑪嘉烈》會否開拍續集時，保怡表示會拍，但卻沒有他與周家怡份，保怡有骨的說：「會拍，不過唔係我哋演出！我好想出現番，我覺得瑪嘉烈同大衛仲有好多嘢可以做，但而家人哋唔搵，可以點呢？」保怡的演出令《瑪嘉烈》贏盡口碑，如今ViuTV未有邀拍續集，可覺得過橋抽板？保怡說：「睇你喺邊方面去睇，如果中國人傳統，古老思想就絕對係過橋抽板，雖然我係中國人，但我思想比較西化，所以冇所謂，完全冇hard feeling。佢哋冇搵我哋，我哋去敲人門咩！」若將來ViuTV再斟合作會否考慮？保怡說：「錢畀到咪諗囉！好現實，邊有感情㗎，佢哋對我哋都冇感情。」記者指他有弦外之音，保怡即表示：「老實講，錢對我嚟講冇乜所謂。」那麼是否ViuTV邀請便計足錢？他說：「第一部我幫你打贏場仗，你畀兩個月餅我就算。」
與家怡拍住上
保怡透露將與周家怡繼續合作，現已找到監製及找人寫劇本，一切待年底公佈。據了解，ViuTV其實準備明年開拍《瑪嘉烈與大衛》前傳，並非續集，即由林耀聲飾演的後生版大衛與游學修飾演後生版趙子龍的故事，所以才未有邀保怡和家怡再參與演出。採訪、攝影：黃曉妍
來源:
http://hk.apple.nextmedia.com/entertainment/art/20160911/19766850