ZKIZ Archives


香港做Freelancer冇運行?得獎插畫家:過咗幾年食屎生活

1 : GS(14)@2016-09-09 05:09:13

Johnee喺網上好有自信咁自稱「氣質男」



如果你仲認為自由工作者(Freelancer)等如不務正業同游手好閒,不如你睇吓插畫家兼動畫師Johnee Lau嘅故仔啦!Johnee讀大學時修讀數碼媒體,創作咗搞笑動畫英雄「Galaman」,得到大大小小動畫獎項,睇落前途無限好,於是佢諗住可以接相關藝術工作維生,點知畢業後先知畫畫唔可以當飯食:「我嘅收入只係夠維持我嘅生命,幾年冇買過一件衫,冇出街睇過一場戲,過咗好幾年食屎生活。」Johnee話,畢業後呢幾年雖然都有唔少品牌搵佢合作,畫poster,甚至搞展覽,但始終 freelancer係一個被動角色,永遠唔知道對方幾時搵你,幾時唔搵。記者:譚倩宜、黃芷蔚 攝影:馮峰、Neo



講起插畫家生存空間,佢好認真咁話係好難

筆下人物Galaman,一舉起胳肋底就會變超人

《Galaman》參加過好多電影展

佢不時會喺網上放上自創動畫供大家免費收睇,動畫由自己一手一腳製作,當中包辦劇本、配音同主題曲。但免費上載作品嘅Johnee,反而畀同行睇唔起,「有個前輩同我講,『作為一個納稅人,如果我知道政府有咁多錢,畀你呢啲網上有免費睇作品嘅創作人嘅話,我會覺得好唔gur囉!』政府如果有筆錢想幫助一啲香港創作人,唔係就係應該畀我呢啲冇錢都願意繼續做嘅戇x仔咩?」佢直言當時對呢個行業已經冇信心,轉咗去專上學院教動畫,但因乜事依家又會回復 freelancer身份同我哋傾計呢?「最大轉捩點係,學生開始問我:『香港做呢一行搵唔搵到食?』嗰一刻其實我唔知點答佢,我自己都係一個逃兵。」為咗証明讀動畫搵到食,Johnee就重投自由工作者行列喇!問佢依家搵到幾多錢,佢好老實咁話:「半年靠接freelance收入有15萬,大槪一個打工仔人工。」



為咗証明讀動畫搵到食,Johnee變返自由身freelance

兩分幾鐘畫一個食字人物

依家Johnee每晚都堅持喺專頁開live,幫觀眾畫「Faster Piece」,即係觀眾畀個名詞出嚟,佢用兩至五分鐘時間即場畫,晚晚都有幾千人睇,邊個話免費藝術唔值得尊重?


畫緊咩呢?

右邊嗰位羊孫仔,即係孫楊,the new world呢!



來源: http://hk.apple.nextmedia.com/entertainment/art/20160908/19763638
香港 Freelancer 運行 得獎 插畫 過咗 咗幾 幾年 年食 食屎 生活
PermaLink: https://articles.zkiz.com/?id=308204

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019