ZKIZ Archives


梁頌恆:代佢行未行到嘅路

1 : GS(14)@2016-08-10 07:37:13

【本報訊】收到選舉主任查詢港獨立場後,梁天琦預料政府今次為阻他參選可以「去到盡」,故提名期結束前準備了「Plan B」,找來青年新政召集人梁頌恆與本民前的前成員李東昇合組名單出戰新東,代本民前力爭議會內的抗爭席位。



過票成難題


同姓未必有同等號召力,梁頌恆坦言青政不是梁天琦,餘下不足一個月,會盡量令公眾明白他上陣的角色。梁天琦年初在新東補選獲逾6萬票,如何將支持者「過戶」至梁頌恆成為難題。由青政新西名單第3位轉戰新東領軍的梁頌恆坦言,公眾尚未理解「B計劃」,未來須多加推動,「我哋(青政)唔係梁天琦,呢個係事實,但係我哋出嚟係替香港人、替梁天琦去贏呢一次,我會咁去定義今次選舉,代佢行一段佢未行到嘅路。」30歲的梁頌恆首披甲戰立會,他指政府粗暴踐踏法治、踐踏香港人,令兩黨結盟抗敵。梁頌恆稱:「我唔會話呢一屆立法會選舉,好有代表性或者好有意義,我唔會去呃人……只係大家,係咪需要企出嚟表態?係咪要話返畀呢件事上嘅主事人聽:你個計劃係失敗嘅!」選戰倒數不足一個月,梁頌恆卻擔心捱不到9月4日投票日,因為政府近來已不斷透過傳媒放風,選舉日前仍可取消候選人的資格,強調現時會盡力「行到選舉最後一日」。該區其他參選名單,請參閱本報立會選戰網站http://hk.apple.nextmedia.com/legco2016/region■記者陳雪玲





來源: http://hk.apple.nextmedia.com/news/art/20160810/19730360
PermaLink: https://articles.zkiz.com/?id=305199

Next Page

ZKIZ Archives @ 2019