代理偷步推銷馬鞍山新盤
1 :
GS(14)@2016-07-13 04:54:50【本報訊】代理違規推銷新盤！宏安地產（1243）馬鞍山新盤薈朗未上樓書，又無價單，卻有經紀製作該盤宣傳單張，甚至大字標題「2XX萬入場」。最離譜是將百利保（617）長沙灣新盤尚都平面圖當是薈朗。
■馬鞍山新盤薈朗未上樓書，又無價單。 王心義攝
用尚都平面圖當薈朗
市民報料指，馬鞍山西沙路對出有經紀偷步推銷新盤薈朗。記者放蛇，一名經紀接線，「買新樓要抽籤，要入票畀發展商，抬頭寫律師樓名，一張本票，一個籌號。佢未正式開始登記，但之前記者會講過8月中至尾開賣。而家買新樓，你哋唔需要畀佣金，佣金是發展商畀我哋，如果提早登記，早啲同我哋講，咁就可以畀3,000蚊禮券。幾多錢未公佈，但好多時係整數，10萬或15萬，佢公佈最細單位221呎，你就寫張10萬蚊律師樓本票，喺地政總署睇到佢哋用咩律師樓，係孖士打律師行，呢10萬蚊，買到就是臨時訂金，買唔到，發展商會畀返你。」至於單張的圖則，他回應：「正式圖則未公佈。呢兩個圖則……而家咪開（緊）一個叫尚都嘅樓盤，大概係咁嘅形式囉！」意指馬鞍山新盤薈朗的單位圖則類似長沙灣新盤尚都。宏安地產物業發展部總經理程德韻表示，該項目已簽署地產代理委託書，但未上樓書及公佈價單，希望經紀切勿違規銷售，若有相關資料會向地監局舉報。地監局發言人表示，經紀向準買家提供物業資料，須以售樓說明書及價單為準。該局提醒經紀，參與一手住宅物業銷售時，不得在物業價單未向公眾提供前，提供任何該物業的「意向價」或探求準買家的購樓意向，否則有可能違反監管局指引而被紀律處分。當局會了解事件，有需要時會作出跟進。
來源:
http://hk.apple.nextmedia.com/financeestate/art/20160713/19692344