林正英離世當日苑瓊丹夢見至愛告別
1 :
GS(14)@2016-05-21 13:13:40苑瓊丹喺04年秘嫁大佢10年嘅富商黃乃揚，其實苑仔過去嘅戀愛經驗也不少，佢曾經話過自己年輕時喜歡不同類型嘅男士，男朋友可以用「功能組別」嚟分類。但最令人難忘嘅，相信係佢同「殭屍道長」林正英嘅一段情。苑仔曾經接受有線嘅節目《星級會客室》訪問時曾透露：「我鍾意認真嘅男人，林正英做事好認真。我相信每個演員都會有愛上對手嘅經驗，不過好多都冇發展落去，而我就同林正英繼續發展感情。有時候我相信命運，佢離開嗰日，咁啱我要出去睇樓，出門口嘅時候，我突然好眼瞓，眼瞓到要立即瞓十分鐘，之後發夢見到佢走咗。我醒番之後聽到電話響，我就知佢已經離開咗人世。」苑仔仲話，當年林正英病榻留院期間，佢又要拍劇，醫院同電視台兩邊走，雖然好辛苦，但佢就話好懷念嗰段日子。
來源:
http://hk.apple.nextmedia.com/entertainment/art/20160518/19616268