市民斥保安擾民：一個小官搞咁多嘢
1 :
GS(14)@2016-05-21 13:00:32■警方昨午近1時左右封閉中環廣場天橋，禁止行人出入。
【本報訊】全國人大委員長張德江昨起訪港3日，警方定性為反恐保安級別，於張下榻灣仔君悅酒店及會展一帶設置保安區，多處封路改道；不少在保安區核心內圍、外圍上班的巿民鬧爆擾民，直斥「區區一個小官，搞咁多嘢」、「係咪要理解下市民需要」。張德江昨午12時抵港後離開機場，乘車往下榻灣仔君悅酒店後，曾多次出入酒店及造訪政總時，灣仔及金鐘附近街道，包括君悅酒店前一段港灣道、瑞安中心通道、演藝學院天橋、藝術中心通道、分域街、中環廣場天橋等，以至政總附近的添馬公園、龍和道等，隨着張的步伐不斷間歇性封閉。中午12時38分，警方封閉瑞安中心通道及廣播指警方行動進行中，關上閘門及列隊擋住通道。約12時40分，警方又關閉演藝學院外天橋，行經路人只能乾等，數十名市民不滿大叫「好煩呀！」中環廣場菲林明道天橋出口一度封鎖，令會展十分擠擁。
■由於封路關係，昨下班時間告士打道短暫無車行駛，大批市民在巴士站等候。
到下3時多，張離開君悅前，警方再度將由灣仔政府大樓進入瑞安中心通道封近半小時鐘，數十名等候巿民顯得鼓譟；其中鄧小姐表示，3時半需到會展上保險課程，打算經瑞安中心到會展，怎料走到該處才知封路。她強調必須準時上課，若遲到15分鐘便會不計分，當她被問及是否知道因張德江到訪需封路，她怒斥「我唔理佢係邊個，係咪要理解下市民需要？」
「呢個政府大驚小怪」
在瑞安中心上班的呂先生亦不滿張德江害他無法返公司，「如果我因為遲到俾老細炒，我一定投訴佢（警察）。」他指保安區大得過份，「使唔使咁誇張，簡直浪費警力，呢個政府大驚小怪」，更質疑張到訪聲稱體察民情，「又話親民，根本就做出嚟，睇啲乜吖？寧願佢唔嚟」。梁先生指昨放工因封路有阻滯，「區區一個小官嚟啫，搞咁多嘢，我又唔覺得有乜咁巴閉。」陳太認為張德江來港打擾他們的生活，封路又改道，「公眾假期先好嚟，一係畀我哋放3日假」。■記者蔡朗清、佘錦洪
市民心聲
鄧小姐：「我3點半要上堂，遲15分鐘就唔計分。我唔理佢係邊個，係咪都要理解吓市民需要？」
梁先生：「嗰啲人就真係麻煩啦，搞咁多嘢，區區一個小官嚟啫，我又唔覺得有乜咁巴閉。」
來源:
http://hk.apple.nextmedia.com/news/art/20160518/19616801