【港女衣學】平買天橋look 入秋必備的三件items
1 :
GS(14)@2016-09-30 08:09:45紅黑色橫須賀外套，有精緻的刺繡。$899(a)
追逐潮流大概是不少女士們的終生事業，每年看看高級品牌的設計便可得知今年流行甚麼，但奈何要將天橋上的模特兒穿着照辦煮碗，一來必定引來途人側目，二來荷包太過乾硬，根本負擔不起太過奢華的追逐戰，倒不如讓衣着和荷包都tune down一點，用大家都負擔得起的價錢擁有流行。
今季各大時裝品牌都主打復古及街頭風，能將兩者二合為一的，就是橫須賀外套。這種源自古着風格的服飾，2016年春夏季已於各大時裝品牌見蹤影，來到秋冬季熱潮依然不減，不少潮人都曾穿上這種外套亮相。由於外套無論顏色或圖案都十分搶眼，因此只要穿上淨色或條紋T恤便充夠。而衞衣也是每年必備的出品，但今年的衞衣不約而同印上標語，而且位置不限於胸前，袖口、下襬都可見，別具新鮮感。復古的蕾絲自然也繼續大熱，但兩截的中長蕾絲裙子可令腿部若隱若現，性感得來又不會太暴露，可謂一舉兩得。許多人覺得蕾絲太有女人味，其實上身用T恤或薄身針織，下身用波鞋、短靴甚至軍靴來平衡蕾絲的女人味，便不會太難carry了。
a) ZARA中環皇后大道中70號
b) H&M銅鑼灣百德新街2至20號恒隆中心
c) Forever21銅鑼灣渣甸街5-19號京華中心記者：胡可欣攝影：周芝瑩
橫須賀外套反轉後便是淨色的配搭。
近看可見刺繡用上不少日本元素，如梅花白鶴。
灰色長袖衞衣適合初秋天氣。$79.9(b)
袖口一邊是「Never Miss」，另一邊是「A Chance」。
黑色短身衞衣，下襬處有白色「Brooklyn」字樣。$149(b)
黑色立體刺繡中長裙，其實不太難配襯。$239(c)
近看可見立體蕾絲。
來源:
http://hk.apple.nextmedia.com/su ... t/20160930/19786662
【港女衣學】四招襯衛衣 撇甩校園味
1 :
GS(14)@2017-01-02 01:07:25天氣忽冷忽熱，真係唔知着咩衫先適合。見身邊好友乾脆懶懶地「半放棄」是但笠件衛衣上身就算，好聽就話係校園風，事實卻似落街跑完步未執好個look。其實着衛衣又唔一定同「求其」畫上等號，一於試試以下襯法，想保暖又型格有幾難？
一、襯長褸添層次感
着衛衣俾人感覺hea爆，全因單一件着上身冇層次感兼遮晒身體線條，望上去累贅又冇精神，外襯多件長褸就可以即時有返陣型味，或者學學英模Alexa Chung（圖中），中間搭多件軍綠army shirt就更有層次感。
一、襯長褸添層次感（網上圖片）
（左）Monki紅色小企領長褸$650、（右）Monki淺灰色軟呢長褸$850（Both from a）
二、襯皮褸騷線條
無論你係玲瓏浮凸者抑或福態盡現，着上衛衣後身體線條都會被淹沒，想見返腰線？簡簡單單襯件修身皮褸就可以令線條更明顯，選擇短身皮褸款更可以喺視覺上令雙腳更長，比例更好。
二、襯皮褸騷線條（網上圖片）
（左）TOUGH Jeansmith湖水藍皮褸$4,290、（右）Eighty Twenty黑色皮褸$3,795（Both from b）
三、內搭半截裙變更好比例
各位東方女生身高不一，身型偏向嬌小嘅絲打除咗可以借助高跟鞋，露腿亦可以令人望落更高，學身高1米7嘅Rihanna內搭短蕾絲裙，露出些少蕾絲加大腿，微微性感又不失型格；唔鍾意展露太多肌膚的話，着件長至大腿中央嘅衛衣加過膝裙，露出部份小腿，視覺上亦會更高佻。
三、內搭半截裙變更好比例（網上圖片）
（左）See by Chloe黑色半截蕾絲裙$571（c）、（右）COS裸粉色半截口袋裙未定價（d）
四、下身配搭不同材質更搶眼
除咗slogan吸睛，要令人眼前一亮亦可以靠下半身配搭，將衛衣tuck in鮮艷顏色皮裙或者不規則下擺短裙，騷返明顯腰線之餘，悶板衛衣outfit都即時活潑晒。
四、下身配搭不同材質更搶眼（網上圖片）
（左）Marimekko橙色印花半截裙$4,395（e）、（右）Zara黑色不規則半截裙$249（f）
唔想着衛衣着到似學生，切忌揹大背囊同運動風索袋！拎迷你手袋同clutch都係唔錯選擇。（上）MCM別注版銀線刺繡斜揹袋$11,900（g）、（下）Paprika Tokyo粉紅色側揹袋$1,390（h）
記者：黃樂雯查詢：（a）Monki銅鑼灣皇室堡地下G21-G23& G25號舖（b）Bauhaus沙水新城市廣場一期527號舖（c）Outnet.com網上平台（d）COS中環皇后大道中74號（e）Marimekko銅鑼灣禮頓道42號（f）Zara中環皇后大道中70號（g）MCM中環皇后大道中30號（h）Paprika Tokyo旺角朗豪坊1215-1216號舖
來源:
http://hk.apple.nextmedia.com/su ... t/20170101/19883288