笑到最後：點解全球咁多「特朗普」？
1 :
GS(14)@2016-05-19 02:21:38當年睇電視節目「飛黃騰達」個有錢佬Donald Trump，今日變咗做美國政客特朗普，主打議題，繙譯做香港人嘅語言，就係本土，總之，本地血緣、膚色或者價值觀嘅人優先，其他人就用另一個尺度去量度，完全係左膠大愛嘅另一個極端，一啲都唔難明。
本土風引起共鳴
比較難明係，點解美國有特朗普，最新菲律賓又有個「菲律賓特朗普」當選，而我哋香港人咁易明特朗普，係因為我哋都有本土派，立場同特朗普都有幾分相似，連埋歐洲撕破左膠面具，唔再大愛包容難民，由開始送客一刻，已經證明轉咗風向，同美國、菲律賓、香港一樣，都係吹本土風，而啲人又會有共鳴。究竟點解？就咁話「全球化資本主義壟斷」，一來太左膠，二來只係喺度背書。真正原因係，全球化到今日呢個地步，市場贏家已經明顯跑出，企業與其同佢爭，不如做佢下線，拍埋一齊做生意。新競爭難以加入嘅時候，冇公司需要大量搶員工，入到大公司做都只可以安穩咁