ZKIZ Archives


【烈女不怕死】五步踏上立會火爆姐之路

1 : GS(14)@2016-03-05 01:12:12

火爆姐關穎怡和小學生分別到立法會發言,鬧爆政府忽略民意。


前排,一位喺立法會上鬧爆香港政府無能,講中全港市民心聲嘅火爆姐(關穎怡)成為咗大家嘅英雄。要好似佢咁喺立法會上爆啲高官,啊!唔係,係發言,就要做足以下一連串步驟!



除咗火爆姐,之前都有唔少市民去過立法會鬧爆啲高官!

要踏上火爆姐之路,就要跟住我地講嘅步驟同注意事項喇!



步驟一:先去到立法會網頁內「邀請各界提供意見書」頁面(http://www.legco.gov.hk/general/chinese/sec/invite_s/invite_s.htm),揀咗自己想發言嘅草案,填好「回條」,喺截止日期前傳真或者email番去小組委員會秘書,就完成申請喇!步驟二:申請完都未必揀中你架,下一步就要喺截止日期後,打去相關議案委員會秘書嘅查詢號碼(相關草案「邀請各界提供意見書」網頁內可以搵到),睇吓中箴與否、發言人數以及發言時間。步驟三:即使相關委員會接受你嘅申請,亦要通過重重難關先可以踏上火爆姐之路;到咗立法會,首先要通過安全檢查,就算檢查合格,但無法出示身份証明文件,亦不會獲准內進。



你都想去立法會鬧?首先要去立法會個網站申請。

撳入「邀請各界提供建議書」

填好「回條」,喺截止前交畀事務委員會祕書。



步驟四:入到會議場地,仲有十大規則要守,例如:要守秩序、展示訪客證、跟指示坐、電話唔開得、行李唔帶得、橫額唔舉得、飲食都唔得、影相(包括selfie)同埋嗌口號更加唔得!如果犯咗以上任何一條,而被警告無效,唔止會被帶離場,分分鐘要鬧到上警署㖭!步驟五:雖然一班議員經常喺會議上開戰,言語上甚至含有兒童不宜,但曾經被裁定為具冒犯性及侮辱性的言詞都唔多,例如:「厚顏無耻」、「狗類」、「狗奴才」、「仆街」當然走唔甩,不過連「拍馬屁拍着馬春袋」、「好像一條狗般四處咬人」呢啲比喻說話都中招!呢啲說話,大家就唔好講出嚟啦。難怪火爆姐都話:「今日我都無保障,仲同我講乜全民退休保障呀!」記者:Karina原曲:《烈女》



入到場,仲要守規舉,電話唔開得、行李唔帶得、橫額唔舉得、飲食都唔得、影相(包括selfie)同埋嗌口號更加唔得!

立法會上除咗粗口唔講得,就連「厚顏無恥」、「狗奴才」都唔得!



來源: http://hk.apple.nextmedia.com/entertainment/art/20160303/19514014
烈女 怕死 五步 踏上 立會 火爆 之路
PermaLink: https://articles.zkiz.com/?id=296726

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019