http://blog.yahoo.com/_IRRMPRNNPACUOC3ZNGHSWJPXME/articles/183833/index
昨日，恆指又再跌穿萬八點，每逢大跌市，大淡友例必出來興風作浪，今次又係個間「混水摸 魚」，混水又指控美國上市之民企分眾傅媒(FMCN)做假賬，並建議投資者沽售其股票，消息一出，連持有分眾大量股權的復星(0656)，股價亦受到拖累 下跌。記得本年6月混水指控加拿大上市之嘉漢林業(TRE.TO)做假之後，大量民企與中、細價股慘遭洗倉，今回可能又再歷史重演，例如昨日，在內地主要 從事低密度豪宅及馬球會的高銀地產(00283)遭洗倉，股價最多跌4成幾，收市都要跌15%，劉央的西京持有達8%高銀股權，看來投資細股嘅基金一律無 運行，不過有危自然有機，一眾民企與細股跌到咁殘，未來又是價值投資者尋寶的好機會。
個市跌到咁殘，所有股票投資者，無論是短炒或長揸， 一律無晒心機，但今日是美國感恩節，美國人過感恩節，就好似中國人過冬，冬至大過年，感恩節一樣大過鬼佬新年，通常美國人一到18歲成年，就會離開父母自 己住，但到了感恩節，無論是山長水遠，幾代人都會聚首一堂，感恩節後又是聖誕節與新年，受節日氣氛影響，上至政府，下至基金，都會停手沽，並齊齊托市買 貨，所以無需要睇得個市太淡，況且國內有放水跡象，港股長線看漲。