【港女補課】煲仔飯越食越肥 自己煲又瘦又暖
1 :
GS(14)@2016-01-22 15:00:24呢幾日終於凍啦，好多人會去打邊爐食煲仔飯，打邊爐清湯底先菜後肉的「食瘦啲」方法好多人都知，今次講下煲仔飯，其實同樣好易中伏。
煲仔餸中伏：一煲排骨飯大約含18克脂肪，即約3.5茶匙油，鳳爪有10克脂肪，約2茶匙油，而牛肉餅則有約8克脂肪，1.5茶匙油。排骨是豬肉當中最肥膩的部份，因為連骨的肉都會有層脂肪保護，而鳳爪就完完全全是雞皮，牛肉餅呢，外面的都會拌入肥肉，增加食味。我們最愛的臘腸，每條就更加有大約50克脂肪，問你怕未！煲仔中伏：無錯！連個煲都食肥人，因為食肆為免煲仔飯痴底，都會在煲底掃油，而就邊結了飯焦，飯焦也變得香脆可口，所以愛吃飯焦的要小心了。煲仔飯中伏：肉類（尤其排骨）的脂肪會在加熱的時候溶入白飯之中，加入拌飯的豉油，多數加了油和糖去調味，過多的糖份亦容易令人變胖。所以，想食唔肥的煲仔飯最好自己煮，以瘦肉代替排骨，而除了肉類之外，吃時伴以「全走」的白烚蔬菜，因為蔬菜纖維可令人有更強飽腹感，避免吃下過多肉類脂肪；想保持風味的話，排骨可以先汞水，去掉大部份油脂，再調味，避免放糖，加入其他配菜如紫薯、冬菇、栗子和南瓜等帶出甜味和香味，而臘腸也可選全瘦肉的；只要做多少少功夫，煲仔飯美味依舊但肥油不再！參考資料：《瘦身解碼》營養師吳耀芬
吃煲仔飯時伴以「全走」的白烚蔬菜，蔬菜纖維可令人有更強飽腹感，避免吃下過多肉類脂肪。
煮煲仔飯時加入其他配菜如冬菇、栗子和南瓜等，可減少放肉的份量。
煮煲仔飯加入其他配菜如紫薯和南瓜等，可帶出甜味，避免以糖去醃肉。
在家用飯煲煲的煲仔飯一樣好吃，而且不怕肥膩，怕肥的把買全瘦肉臘腸再汞水才放入飯一用煲，就不怕白飯吸引過多油份。
很愛排骨的話，可以先汞水，再調味，但避免放糖，才放入飯同煲，可減少大部份油脂入飯。試過，不會嚡。
記者：容慧心
來源:
http://hk.apple.nextmedia.com/su ... t/20160120/19458637