扮「融入」插港人電視台 樂視爆公關災難
1 :
GS(14)@2015-09-22 02:24:10王維基的港視，其網劇時代將於本月24日結束；不知是有心還是巧合，有支大支水喉射住嘅內地樂視網將大舉進軍香港，亦選擇於同日——9月24日，舉行「開創娛樂新時代」。樂視雄心，想取代港視？內地雄厚資金還入股亞視做神秘股東，為免因為其非港人身份、及不乎合長期留港之要求，分分鐘遭通訊事務管理局「彈鐘」，故司榮彬之中國文化傳媒國際控股有限公司搵多個香港人股東，身份神秘，進退可守。肚瀉中的無綫，小生花旦不斷流失，董事局亦在變天，有「中國梅鐸」黎瑞剛甫入主電視廣播（TVB），TVB股東之一、台灣HTC創辦人王雪紅於黎入主後不足24小時辭任非執行董事；與黎關係密切的內地媒體公司高層許濤成為TVB非執董。12人的董事局，只剩王雪紅丈夫陳文琦一台方勢力，中資代表大增。無綫、亞視染紅，樂視燒銀紙方式無異於當日之港視，但港視是屬於香港人，而樂視卻是來自大陸，卻積極於社交網絡——facebook扮香港人。樂視fb專頁應是聘用港人操刀，出po用字俱相當道地，就連製圖畫工都同DDED九成似，增加港人「親切感」。「扮香港人」，is fine，可是樂視fb的post，「角色扮演」非常投入，連日出po玩食字包括「not Now，9.24」(nowTV)、又用一張圖寸盡香港五個電視台:「畸寶，有神力都Cut唔到」(Cable)，「Wiki台變咗生果購物台」、「二奶(就嚟死嘅) Happy Birthday To Me」(亞視)，大台就係呢句:「大婆，今晚睇你哈哈哈哈哈哈哈哈哈哈哈哈哈哈哈哈哈哈哈哈哈哈哈哈食平3D」。沒有人會唔記得樂視資金來自大陸，即使提供優惠買電視送手機兼樂視會籍、天價買埋英超香港播映權，用social media軟功潛移默化式「入屋上網」，兼代港人「出氣」點出各大台之不足，可是卻弄巧反絀。網民紛紛留言:「雖然張圖係串寸，不過依家香港電視業真係咁……」「踩人抬高自己就好叻？你真係掂？！老老實實原本對你有D興趣，但咁樣搞一搞....呢D marketing難為你公司仲請得落！」「你自己都唔係好掂，港產片台得普通話聽，真係『好香港』！！」「自己有好嘢使乜攻擊人哋.....好極有限，一張圖即刻由唔識變唔想睇Letv。」「夠薑就好似維基咁投放最多資源拍啱香港人口味兼電影級數嘅港劇！咁先得民心同『點擊』率！」「貴台係咪即係話俾我哋市民知，因為貴台嘅紅色資本背景已經搭通咗港中共產黨政權嘅天地線，以後會無往而不利咁取代晒以上嘅本地電視台呢？」「你係想香港化就搞返啲粵語先」大家點睇？
來源:
http://hk.apple.nextmedia.com/entertainment/art/20150919/19301895