ZKIZ Archives


投資導航:專家全面睇淡樓市投資者代理未樂觀 學者大行料調整

1 : GS(14)@2015-09-21 01:27:39

樓市氣氛近日急轉直下,一手連環撻定、二手瘋狂劈價,連一直企硬的租金也危危乎。究竟今次市況180度轉變,是暴風雨的前夕,抑或大漲小回格局?今期「投資導航」訪問了代理、炒家及學者,配合大行報告,為大家全方位尋找答案。



■湯君明表示,現時樓市好畸形。

業主拒蝕賣 樓市陰乾跌

【投資者篇】樓市越唱越衰,人人都說樓市玩完,但手持數十間舖的科達地產主席湯君明卻獨排眾議,「爆煲?不會!只會陰乾」。因近年香港人很怪,買樓後通常不會賣,樓價跌又不肯蝕,無人肯賣樓,無供應,樓價何來會跌。「不會爆㗎,因為香港人呢,買咗樓好怪㗎,就算加咗四分一厘利息,半厘又好,就算丟空兩年佢都捱得住,佢不肯蝕嘛,(價錢)陰吓陰吓落㗎,不會爆㗎。」還有,股市一跌就跌,但樓市不是這樣。「頂唔住先肯賣,但唔係個個係咁,個個都捱到」。他直言目前樓市很畸形。「一手樓你自己睇吓,一樣賣到滿堂紅,因為一手有二按及其他優惠」。




洋參大王:市民持貨力強

有專家預測樓價跌四成。湯君明認為,「我唔怕話你知,(發展局局長)陳茂波出口術叫人唔好買樓,但(樓市)仲未係時間(爆煲)」。爆煲意思是樓價跌最少兩至三成,他認為樓價有這樣的跌幅,估計最快兩至三年後才會出現,因為人人都不肯平價賣樓,就算有,都是少數,樓價難跌,只影響成交量。最重要是的,現時全港最靚最貴重的物業,包括別墅及超豪宅,全部在富豪手中。在2009年金融海嘯後動用2億元大手掃入新蒲崗譽.港灣約30伙而名噪一時的「洋參大王」楊永仁則認為,政府收緊按揭,市民買樓畀很多首期,持貨力變得更強,樓價跌一至兩成不出奇,但「肯定冇可能好似97年咁一跌就六、七成咁多」。





來源: http://hk.apple.nextmedia.com/financeestate/art/20150920/19302211
PermaLink: https://articles.zkiz.com/?id=292302

Next Page

ZKIZ Archives @ 2019