2010-12-01 AD
|
||||||
|
銀行總經濟師Ｋ 憑面試經驗，知道曾經到外國交換，在外國大學上課一個學期以上嘅本地大學生，英語講得比較好，對國際事務亦知多啲，故此主張大學生多多爭取機會去外國做交 換生，但照左丁山所知，交換不是單向的，舉個例，如果一位本地生到布朗大學（Brown University）交換，佢嘅大學亦要接受一個布朗嘅學生，先至叫做exchange。換言之，本地大學要與布朗簽訂一個交換計劃，有咗機制，先至可 以送本地生出外。我地想送學生出去啫，人地大學肯唔肯同香港簽約呀？故此交換生計劃並非想像中咁容易，本地大學要搞好啲「外交」，努力與外地大學聯絡、交 流、打好關係，提升自己學校嘅學術地位，外國大學先至會覺得門當戶對，願與本地大學交流，或者吸引到外國大學生來港。某次有機會見到來自外國嘅博士生，佢 地根據Ph.D Fellowship Scheme來港，一位美國女孩子話畀左丁山聽，佢係本科生之時，到過理工大學交換，深受吸引，故此申請入理大讀應用社會學博士，僥倖得咗咁講。其實係冇 僥倖嘅，呢個博士生計劃有好多外國學生申請，競爭激烈，獲得取錄嘅，全部係外地精英之選。 本地大學要培養學生國際視野，增強學生在國際嘅競 爭力，等學生去到倫敦、紐約工作，仍然有得揮嘅話，當然要爭取國際化，跳出香港，不可留在香港閉關做鄉下仔女。但講到尾，要錢嘅噃，每年UGC（教資會） 撥款畀大學，有冇一筆專款係用作幫助「國際化」，幫助學生出外交換o架？諗真吓，唔多覺，希望教資會幫忙，向教育局爭取，教育局唔OK嘅話，財爺唔會批錢 嘅。
學生有個富爸爸，出外交換當然簡單到極，但如果只有一位窮媽媽，一出外買機票都唔多掂噃，如何是好？最理想嘅就係大學 有「交換津貼」，劉遵義為中大校長之時，說服日本富豪康本健守先生捐咗一億元畀中大，專為學生國際交換而設立一個基金，如果UGC連呢樣都能夠幫埋學生出 外交流交換，每年有經常撥款嘅話，對本港之Upward Mobility（向上流動）會產生好大貢獻！ |
||||||