提早退休的安排 One day in my life
http://blog.yahoo.com/_BIBG6PRURNDFYIOSVOFF2AOCOE/articles/129743/index
我有個朋友年齡40幾歲已婚無仔女，他已供完兩層樓，一層500幾呎單幢樓在香港自住，一層在國內收租，並有供積金連儲蓄約100萬。他的工作十分之辛 苦，早有轉工的念頭，最近和公司吵大鑊之後，衝動之下抄了老細魷魚，本來想再找一份差不多的工作，做多幾年後才退休，但找了良久都找不到合適的，感到十分 之沮喪之餘，有意將香港的自住樓放租並回國內定居提早退休，問我的意見。
提早退休首要條件是不再需要為生活而煩惱，朋友徐了自住樓之外 只得一層國內樓收租及約100萬的退休金，老實講似乎唔多足夠兩公婆在香港提早退休。在香港收一萬蚊租在國內過活都可以，但40幾歲人行得做得，要在國內 和太太日日無所事事，朋友又唔多，又唔係有錢可以揮霍，以我過來人來說，真係並不過癮，所以我唔recommend！
那麼 if I am my friend 我會怎樣安排自己有限的資產，才可以在香港和太太提早退休並活得開心呢？首先，如果靠100萬cash退休慢慢咬，現時通漲嚴峻，可能10年唔夠已咬完， 未來生活費毫無保障，不可行。我會將自住樓放租，每月可create（減去管理費和差餉)約$9000的現金流，加上國內租金約$3500，每月可以 有$12500 淨 cash flow收入。手頭上的100萬我會買入一層約400呎兩房的南丫島村屋自住，南丫島空氣好，有沙灘，近中環，是地球村，可以結識不同種族的朋友，又唔駛 交管理費，是退休的好地方，請參閱我之前的blog文。$12500減去$3500兩個人食用和電費，夫婦兩人可有$9000零用錢，settle 咗之後我會賣掉國內樓（回報太少）再買多一層南丫島或西貢350呎村屋收租增加每月現金流。至此，自住一層，另有兩層香港樓收租，兩個人的基本生活費已解 決。
提早退休唔駛返工大家可能應為好正，但其實最正係有份part time job，一個星期最多返三日，其餘四日可以自由自在在pacific coffee 嘆下mocca睇下書寫下blog，在Ikea揀下聖誕裝飾佈置下屋企etc., 最重要的是這一份part time job 並不是用來support your living，而是賺錢買花帶，男人則用來買玩具，所以返工是毫無心理壓力，放工拍下屁股走人，唔鍾意這份工可以換過另一份工，你話幾正。而且有份 part time job 可以另你重新跟上社會節奏，唔會無所事事在家裹發mould。我現時都有一份part time job，一個星期三天在舊部門做一些食物化驗的工作，而太太則在銀行幫手。其實香港已和日本一樣很多工種已有part time job，你只需要在agency登記，有合適的工作就會找你返工，一般$40至$50圓一個鐘唔難揾到。但你一定要放下身段，不要掛著以前自己的威水史， 時常remind 自己你己經提早退休，現在只是賺錢買玩具，則輕鬆自如，活得開心自在。
朋友如果實行以上方案，一定開心過回國內定居落寞一生，除時可能因為心情開朗找回一份合心意的正職，到時可以賣掉一層村屋做首期再供另外一層樓自住，開啟人生另一個chapter！
有 些人要揸benz住house但每天都要工作到筋疲力竭，我就情願多一些空閒時間細酌人生。在停blog 期間有一個blog 友email 告訴我已和先生提早退休，最近開始在國內助學之旅，充心祝福他們踏上人生豐盛的另一頁，和果你們都有同樣的打算，一定要告訴我啊！