前經理人報警 告Liddy開空頭支票
1 :
GS(14)@2015-06-11 12:50:012015-05-28 NM
○九年在節目《耳分高下》擔任「天使妹」入行的李悅彤（Liddy），去年被踢爆偷嗒人夫彭順後父親又吞槍自殺，連番受創的Liddy一度停工避世；直至今年三月，擔正女一的電影《四非》上映，她才鋪路復出。據了解，當日因為恃住有彭順做後盾，Liddy瞞住前經理人公司私下接工作，被發現違約後，知衰的她答應賠償及解約，並協議會分三期攤還有關款項。但在最後一期賠款，Liddy竟連番開出空頭支票並玩失蹤，前經理人唯有報警處理。講大話轉行
做僆模入行，一直想拍戲唱歌做明星的Liddy，一一年與經理人公司奧司貝簽下十年長約，頭一年經理人已為她爭取到機會唱內地卡通片《甜心格格》主題曲，之後安排拍港台劇及演出舞台劇，但急於一炮而紅的Liddy卻經常投訴公司無盡力捧，一二年中更要求公司賠償她的損失。「其實好多藝人公司都冇津貼，但Liddy每個月都有一萬蚊allowance攞番，後來佢獅子開大口，要求加到萬五蚊一個月，同只抽兩成佣，雙方傾唔掂數，佢就話自己要讀書，唔做呢一行，要求解約。公司唔答應，佢就反面出律師信，告公司做唔到嘢，冇幫佢出唱片，工作量又唔夠，要求賠償損失。」知情者說。
玩失蹤
據了解，跟經理人公司拉鋸期間，Liddy因搭上彭順，並接拍了彭順徒弟黃柏基執導的電影《四非》做女一，另外還私下接拍廣告。「公司有晒證據，違約冇得抵賴，Liddy最後都肯和解同賠償俾公司，大家傾好分三期攤還，第一期同第二期冇出現問題，到最後第三期，五月份就彈咗兩次票，經理人公司call佢同WhatsApp都冇覆，於是決定報警，而家個case已經去咗小額錢債處。」知情者說。對於Liddy開空頭支票，前經理人Fanny回應時承認至今仍未能聯絡上Liddy，「同公司股東商量過，大家都有共識要報警備案，如果發現存心欺詐，警方係會再有行動。（Liddy會唔會有經濟問題？）佢有電影出又上電視做節目，接受訪問亦話自己有嘢做，我諗佢經濟應該唔成問題。希望佢快啲處理，因為佢逾期付款，都係屬於違約行為。」
麻煩事
法庭見
藝人與經理人公司發生合約糾紛時有發生，甚至隨時鬧上法庭，訴訟期間，藝人要停工，又要抬錢打官司，荷包、形象隨時一鋪清。江若琳江若琳去年自爆跟寰宇的10年死約已屆滿，並發律師信要求解約，但寰宇老闆林小明表示尚有5年生約，由於各執一詞，案件已入稟法庭，現等候排期開審。
Soler06年，組合Soler要求與公司蜂鳥音樂解約，經理人兼老闆張丹入稟告毀約索償2,400萬，法庭最後判Soler毀約，要向蜂鳥音樂賠償506萬。12年，Soler未有還款，被蜂鳥申請破產。