趁得閒, 我決定開始寫埋我blog 另一個主題 "繼續浮沉". 本來想叫篇文做"投資心得", 但想想所謂心得也不過是老生常談的一些投資方式, 反正這些東西知者一萬, 行者萬一, 何況很多時候, 那些所謂成功之道很有"我之良藥, 彼之毒藥"的feel. 所以我決定換個角度去嘗試寫下我的多年炒賣心得, 有興趣的路人可以同我分享下個人經驗. 或者有人 會問我一直在叫人回頭是岸, 依家做乜又去學人寫投資. 其實我本人係好愛好投資炒賣的, 可以說這玩意是我的終身事業也是我最大的嗜好. 由於我深知投資市埸陷阱處處, 所以出於道義, 我要勸人離埸, 由其係股埸. 寫投資我其實是更想別人了解一下我眼中市埸升跌的原因以及一些我認為有問題的投資手法或思維, 如果有人打死都唔肯離埸的話, 我想我的一些見解應該可以令人死極有限, 說不定可以浮得耐d... 我有篇舊文說跟人學投資, 先看看那人身家有幾多, 說得頭頭是道或許也只是紙上談兵, 由其在網上. 所以我本來想曬下身家有幾多先, 但老實說, 炫耀財富雖是我的愛好之一, 但咁無厘頭自己係網上講自已有幾多錢, 我都有d面紅唔好意思. 所以都係等有機會時, 有意無意咁講下冇咁awkward.....haha 仲 有樣要聲明在先, 我之前講過, 我寫完呢個"專題"時, 個市或者會穩定d, 但我亦都唔排除即刻就見底, 正如我寫"知進識退"時一樣, 我走完個市仲可以升多兩三星期至見頂, 仲要比我原先估計快好多. 所以我永遠唔知個頂或底係邊度亦唔知幾時發生, 最多只係估到"接近"或者"都差唔多.." 咁上下既野, 想有準確頇測可以去請教d當紅網上偶像, 我就冇咁既本事. 如 果你依家等唔切要飛身撲入市撈底, 我可以先俾少少建議. 可以留意下250dma及200dam, 兩條線對好多基金經理的有一定影響, 下穿250dma的話你最好企埋一邊. 上穿200dma入市就安全少少. 你如果係淡友, 最好唔好去沽空, 最多去凊貨等跌到差唔多至買, 沽空唔係散戶應該做的事. (注:250dma係本地市埸有參考價值, 其它地方用200dma居多, 大形趨勢市以此兩條線為主, 原因就是一些"潛規則", 同技術分柝關係不大)