大肚婆齊踩高踭鞋
1 :
GS(14)@2015-05-08 00:00:13■周汶錡（左）和官恩娜兩位準媽媽昨日齊齊出席活動，互相分享陀B心情。
娛樂圈今年不但旺嫁娶，更加旺生育；多位女藝人排隊做媽咪，當中包括名模周汶錡（Kathy），以及今年2月才嫁醫生男友的官恩娜（Ella），兩位大肚婆昨日更同場於圓方商場出席意大利鞋履品牌Sergio Rossi活動，同場還有馬詩慧、陳嘉容及黃婉君等人。
■官恩娜昨日貼相，公佈肚內的BB是囝囝。互聯網圖片
■陳嘉容昨日穿短褲出席鞋履品牌活動。
Ella已重咗10磅
Ella昨日穿上兩吋半高踭鞋現身，她開心自爆肚內陀的是囝囝：「照咗係囝囝，本來想生女，但知道係仔都好開心、好感動，同老公講時都眼濕濕。」Ella透露已經幫囝囝改了名，但暫時不公開。她說：「而家重咗10磅，每個星期做3日運動，會做瑜伽同游水，希望keep住健康身體，覺得大家而家好留意我每日做乜嘢，喺網post乜嘢，但老公、奶奶同媽咪都冇畀壓力我。」快將36歲的Ella屬高齡產婦，問她有沒有計劃再追？她說：「呢啲係講緣份，我都鍾意大family，會開心啲，但我呢個歲數最多生三個。」她又表示：「好多朋友都話我個樣變咗，我都覺得自己變醜咗，但醜樣十個月都冇所謂啦！」周汶錡昨日腳踏四吋高踭鞋現身，她笑說：「我落咗車先換鞋嘅！不過今個星期覺得個肚嘭嘭聲變大，可能空間少咗，好明顯感覺到BB郁，好似想爬出嚟咁，好緊張。」Kathy又透露已經擇日開刀，但正確日期仍要待醫生確定。Kathy笑說：「我已經叫咗老公要全程陪我，因為好驚，一個人好寂寞，生仔已好偉大。」採訪：羅慧敏攝影：陳俊強
來源:
http://hk.apple.nextmedia.com/entertainment/art/20150507/19138038