ZKIZ Archives


非常老闆為90後平反一田CEO升職愛揀年輕人

1 : GS(14)@2015-04-17 08:55:07

一個90後女生用WhatAapp即時辭職,更要求僱主支付半個月薪金的截圖早前在網上瘋傳,使90後員工再次背上「沒責任心」、「工作態度差」等負面標籤。《壹錘定音》找來人力資源顧問及公司老闆,評論80、90後員工的工作態度,當中一田百貨行政總裁莊偉忠更為年輕員工平反:「好多分行主任、副主任都係廿幾歲,佢哋有能力我先升佢哋!」莊偉忠的新書《不開會的CEO》出版不久便加印,書中提到的管理哲學備受肯定。被問及對年輕員工的看法,他認為當中不乏熱心工作的人士:「我哋而家有七間分行,二十零歲做主任或副主任嘅都為數不少……佢哋顯示到實力,至會畀我揀出黎升。」他坦言公司不少年輕員工都是因為讀書成績不理想,而選擇從事理貨員等勞動工作,認為只要公司能讓他們看到工作的希望和發展前景,他們便可以有出色表現。不過,莊也遇過無心工作的80後員工;然而在公司的開解和輔導下,他工作上顯著進步:「喺我本書都有提過,叫『80後頹青大逆轉』。佢本來都係成日打機,遲到早退,唔知人生目標係咩嘢。直至我哋畀機會佢,佢慢慢開竅,負責嘅嘢越嚟越多,佢今日已經係我哋荃灣物流部嘅主管喇。」故事的主角阿威曾接受《face》訪問,講述任倉務員時無心工作、經常遲到至險收告信,後獲人事部開解及給予機會,終下定決心投入工作,主動教導人,結果四年內連升三級。另外,雜誌《100毛》創辦人之一林日曦認為:「一個90後有咁嘅message出咗黎,絕對唔等於所有90後嘅,每個年代都有好人壞人,勤力人同懶人,乜人都有。」《100毛》大部份員工是80或90後,林日曦不認為他們特別難管理:「佢哋每個禮拜一、二都通晒頂埋稿,好多雜誌報紙都係架啦,佢哋亦都唔比其他雜誌啲人遜色。本雜誌仲好睇、好笑,咪反映到佢哋工作能力。」安俊人力資源顧問公司董事總經理周綺萍表示,雖然常接到客戶投訴90後員工的工作態度,也有工作態度良好的90後。有開設律師樓的客戶向她反映,新聘請的應屆畢業生很「抵得諗」,常主動加班至完成手上工作,也會在完成工作後主動問上司是否需要幫忙。她呼籲年輕員工不要怕吃虧,主動分擔公司的工作。





來源: http://hk.apple.nextmedia.com/news/art/20150417/19115953
非常 老闆 90 平反 一田 CEO 升職 愛揀 年輕人 年輕
PermaLink: https://articles.zkiz.com/?id=289654

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019