《導火》谷起收視 電影版接力
1 :
GS(14)@2015-04-11 11:45:48【維基解密之贏盡口碑】港視劇《導火新聞線》昨日大結局，昨晚編審潘漫紅就率領一眾演員梁小冰、周家怡、王宗堯、黃美棋等到銅鑼灣一間酒店一齊睇大結局，得知上周收視再度攀升，每日平均點播上升9.3%至59,000用戶，而每日直播更升12.8%至123,000用戶，宗堯表示好開心：「聽講去番開台收視，有人問冇得睇點算？我建議重新點播或睇嚟緊新劇《大眾情性》，我哋啲劇唔可以邊睇邊洗碗，要坐定定欣賞。」宗堯還透露有老闆想投資開拍電影版，問有沒有求證時，他抽亞視水笑笑口說：「求證都冇用，出咗新聞都可以係假。」
新劇有不少床戲
最近有傳家怡和佘詩曼爭仔，家怡否認：「我哋都冇一齊去過新加坡，但如果識到金融才俊，我哋都唔介意爭。」是否與林國斌分手？她避談說：「我係single and available，Square（方凝）BB要重新出發。」不過結局王子死了，皇阿媽坐上空難客機，有人覺得「搵戲嚟做」，小冰表示：「戲劇唔可以咁平淡，我見有網友話要搵編審出嚟，叫佢還番個皇阿媽畀大家，幾咁肉緊。」
■結局梁小冰和石修一齊去機場，但小冰疑上了失事客機，網友有彈有讚。劇照
■新劇《大眾情性》有好多敏感「性」題材，處男陳柏宇和陳思齊上床即「撻Q」。電視圖片
而接棒的新劇《大眾情性》前日有花絮片播出，當中有不少kiss及床戲，蔣祖曼主動要求陳柏宇摸胸，陸駿光和林熹瞳有疑似全裸鏡頭，還有很多敏感「性」問題，引人追看。
來源:
http://hk.apple.nextmedia.com/entertainment/art/20150411/19108134