炒股變數多 炒上變炒落 周顯
1 :
GS(14)@2015-03-16 11:57:56http://www.mpfinance.com/htm/fin ... mnist/en30_en30.htm
【明報專訊】那天碰到一名莊家朋友，忍不住對他說﹕「喂！你又話會將隻炒上去，點解今日會不升反跌架？」
他的回答令人哭笑不得﹕「今天炒到了中午，突然見到有人在九毫幾子連掛幾個牌，掛十幾球，然後又掛在1.03元、1.04元沽出。喂！咁擺明即係long住沽，沽完晒之後，十幾球就肯定會down晒牌，熄晒燈。咁樣抽我水法，我梗係唔制，於是咪一口氣插佢幾格，等佢接番千幾萬，然後暫時把股價放下去先，放低兩日，睇佢沽唔沽先至算啦！」
莊家被抽水 臨時變陣
我大笑，看來炒股票呢家，真的是很多變數，話明會炒的股票，都會因一些突如其來的小事件，又拖多幾日。世事難料呀！
在去年，我做了視力矯正手術，本來是想找張叔銘，不過有熟悉醫學界的朋友說﹕「張叔銘好忙架，你不如找誰誰誰啦。」
我發現這位誰誰誰居然貴到無倫，心想，咁貴，一定無衰啦。誰知一做，右眼卻做壞了，補做一次，效果依然不好，結果還是找了張叔銘去補救。
做完手術的那天，我獨眼去和某周刊的記者吃午飯，那名副總編輯說﹕「不如你同我做一個視頻，唱衰那位醫生啦！」
我說﹕「算吧算吧，不過有你們這班傳媒朋友，得罪我的人，真的不會有好日子過呢，得閒多點出來，我請你們吃飯！」