好不主席：瞎子摸象（二）
1 :
GS(14)@2012-09-04 12:42:51http://hk.apple.nextmedia.com/financeestate/art/20120904/18007363
有些人還在說，國教不一定全是不可取，有爭議的內容可以先擱下，或者再作討論，但總得先來個開始，往後才能以此為本，盡善盡美。先不說國教是否一定要存在，正如23條2003年立法未成，過去八年國家嘅安全係咪備受潛藏喺香港嘅反動分子威脅先？反之，我就覺得香港未來嘅禍福就不知受到幾多公然喺度干政嘅幹部所擾。所以「國教始終要推行，現在只是要解決範疇、形式、教材和時間問題」。根本就是一個「請君入甕」的偽命題。因此民間才有「先撤後傾」的立場，但係特首到現在竟仍叫人提出反對理據，即係呢幾個月由始至終，佢都無聽師生市民嘅聲音，呢啲叫乜兼聽？偏聽、弱聽、障聽就真。
我的一位烈女朋友剛在臉書上就此留下回應，比起那些毒品、三聚氰胺奶粉的比喻更加到肉貼身，我邊讀邊滴汗，不過內容屬「PG（家長指引）」級別，心智成熟的成年人方可一看。「我家嘅感覺就好似有一個出曬名誠信有問題嘅男人不停我，唔帶套同我搞嘢，又話安全，又話唔會有BB，仲話好正，仲分分鐘可學似啲大師咁幫我轉運同醫病㖭，但其實我諗緊嘅係你冇病呀？家陣要與狼共寢都算啦，呢劑風險咁高，我點解仲要博先，係咪？況且落街去7仔買個「笠」，都係搞遲15分鐘啫，就可以大大避免性病同有BB，如果狼狼真係咁愛我，佢無理由咁都唔等得嘅嚇嘛？再講得直接啲，我咁有疑慮之下，就算搞得到，雙方都唔慌好狀態，只會充滿磨擦，何苦呢？」滴完汗，我都真係搵唔到乜理由，啲人仲可以噏得出「唔係『硬推』，不過『軟入』住先，睇嚇呢3年有冇『反應』再算」嘅禽獸說話。
全港市民團結 進步露曙光
仲有啲懶係「文明」嘅言論，就係話啲學生唔應該用啲咁「激進」嘅方式去爭取喎，曾被喻為「好打得」嘅司長，原來其實係「唔激得」。香港稍為激烈的抗爭行為，扔嚇嘢，推擠一下就已被視為暴力政治，外國嗰啲打砸搶燒，或內地反日嗰陣嘅宣洩行動又唔知點計呢？睇怕都係因為我哋冇國教，先至睇唔慣啲「激」烈澎湃嘅愛國熱情。
唔係點解竟連聖雄甘地奉為「非暴力抗爭」手段的絕食也成詬病。所以國教要竟全功，對象豈止是中小學生，全港市民也得作好受教的準備。
無論往後的發展如何，有這麼多「無私」的學生、教師、家長和市民，「團結」起來，共同推動這場史無前例的「反國教、啟民蒙」的運動，我們的社會才不至於繼續沉淪，仍有一絲「進步」的曙光。而昨天9月3日更寫下了香港歷史上最具意義的一個開學天。
盧先亞