📖 ZKIZ Archives

賴應虒公器私用

1 : GS(14)@2012-01-10 23:25:07

http://hk.apple.nextmedia.com/te ... 104&art_id=15968786

【本報訊】特區政府形象、民望持續插水之際，再有政府官員被爆公器私用醜聞，律政司司長黃仁龍的頭馬、民事法律專員賴應虒，被指經常以「 AM 54」專車接載在銀行擔任高職的女友。記者經兩個月調查，發現賴確曾以專車接送女友下班及返家，其中一周更有四天用專車約會女友。賴日前接受採訪時，直截了當說：「可能我做錯，我受罰囉！」記者：張軍、程志龍、張玉靈

....
以上情境，幾乎每逢星期五都重複發生，記者單在 11月追蹤八天，當中便有八天是賴專員乘坐 AM54接載女友，最頻密時還在一星期內四天乘坐該車約會，包括到屯門黃金海岸晚膳、在港島區一酒店出席飯局，以及女友有天提早下班往 Shopping後，賴專員還坐該車到上環接送滿載而歸的女友回家。
經調查，賴的女友叫 Queenie在渣打銀行任職，屬經理級職員，負責優先理財服務中心業務，工作看似相當繁重，經常逗留至晚上 7、 8時才離開。
兩位大忙人經常約會，卻難為了賴專員的專屬司機，不時要加班，最長時間一次，是女友帶同一名女同事與賴專員出席朋友飯局，司機一直在金鐘政府合署停車場呆等，直至晚上近 10時半才離開，然後將三人逐一送回家。
這類飯局也有兩次，席上多是賴專員的朋友，還會將朋友介紹予女友的女同事認識。
不過記者追查個多月，發現 Queenie每次乘坐 AM 54回家時，都會在荃灣灣景廣場的停車場對開下車，然後走入停車場，待 AM 54離開後，又突然走出停車場，然後徒步返回附近祈德尊新邨住所。

---

2 : GS(14)@2012-01-10 23:25:32

http://hk.apple.nextmedia.com/te ... 104&art_id=15968787
記：記者 賴：賴應虒

記：對於你用 AM車接女友，你覺唔覺係公器私用？
賴：我係順路要交文件俾佢（女友），好似今日咁，我要托佢，我爸爸又行動唔方便，有時要做啲文件，惟有揀放工時間。

記：會唔會一個星期幾次？
賴：唔會，唔會。

記：你剛才話一個月一次左右？
賴：次數可能非常之少，可能佢啱啱要離開去攞返架車，一次半次，絕對唔係經常性咁樣。

記：作為一個政府官員，你剛才話唔牽涉咩問題，其實唔係架，有陣時一次就夠喇……
賴：純粹係人之常情，可能等我放工放得夜，一個女仔，經過幾條路，亦都係順路，人之常情啫，大家都係人，我承認嚴格來講都唔應該咁樣，唔應該濫用，絕對唔係濫用。

記：賴生承唔承認一次都唔應該？
賴：盡量避免啦應該要，盡量避免啦！

記：覺唔覺得係錯？
賴：技術性來講，要避免……路過，坦白講幾個街口，我又順路返屋企，另一個角度佢都係步行返去。即係一個禮貌性，一個 offer，需唔需要我載你攞返架車呀？純粹一個人性角度睇啦！

記：從一個濫用嘅尺度講?
賴：你唔可以講係濫用，一句講晒，你話我技術性都唔應該，一次半次都唔應該，但從人性角度……

記：咁係咪一次呢？
賴：如果經常性係咁，我唔啱啦！有時我交完俾佢，佢都未走住架，咁就唔需要㖭啦！我作為一個男性，可能我技術性犯左規都未定，我承認，但係從人性嘅角度，我冇錯喎！作為我關心佢安全呀咁樣，一個 offer俾佢囉。可能我技術性啦，我唔知啦，部門會處理，做錯咗咪罰我囉，懲罰我囉，處分我囉，係咪先？我唔係去狡辯。原來一個 offer係犯咗規，你做完訪問，我對唔住囉！

記：以後會唔會小心啲？
賴：會，我會改善番囉！我唔會刻意咁做囉，人之常情咁解。如果我有犯規，我咪受罰囉，如果我冇犯規，我咪唔使受罰囉。呢啲我唔係專家，我唔知道公司行政規定。如果你作為一個市民，都唔會覺得我係犯規，係濫用的情況。我承認，做錯咪受罰囉！

記：咁係咪佢買完嘢車佢返去就唔得呢？
賴：咁梗係唔得啦！ Shopping果啲梗係唔得啦。

記：車去一個食飯的地方都唔得啦！
賴：梗係唔係啦！或者我唔係住呢區，如果我住沙田，特登車佢嚟呢度，梗係唔得啦！我日頭係官員啫，換左件衫好似家咁就係一個小市民。我又唔係作出咩犯法行為，如果我係作咗犯法行為，就值得去報道啫。我希望你作出一個好嘅抉擇啦，咁樣都係造福市民，從一個小市民嘅角度睇，係冇好處。

---

3 : GS(14)@2012-01-10 23:25:52

http://hk.apple.nextmedia.com/te ... 866&art_id=15968788
「我真係唔係政府人員……你唔做呢個 department你會唔會知佢個 policy？」捲入今次「 AM車媾女」風波的 Queenie日前接受記者訪問時，不否認是賴應虒的女友，但對於被指乘坐男友的「 AM」專車出入，則露出寃枉表情，並指自己對得住天、對得住地。
Queenie任職銀行經理，上下班時多以的士代步，平日甚少駕駛她的 Benz S350。記者上周六待她下班後，直問她有關男友賴應虒以 AM車載她的問題，她看似早有準備，首先笑着說：「我私人嘅事唔方便回應！」其後承認坐過 AM車：「間唔中有坐，但一定唔多，係少之又少，應該係有啲野做，順路先車架！」
她表示，自己不是公職人員，根本不知道 AM車「唔坐得」，也沒有人告訴她，所以感到很寃枉。《蘋果》記者

---