📖 ZKIZ Archives

籌款黨呃盡同情心

1 : GS(14)@2011-12-30 12:09:52

好賤...
http://www1.hk.apple.nextmedia.c ... 104&art_id=15938142

天恩專找傷殘人士義賣籌款，早惹市民懷疑。記者本月 6日到佐敦四海大廈對開觀察義工隊擺檔，當時四人坐輪椅義賣，收檔時，身穿義工隊制服的梁先生操控電動輪椅，協助把物資搬回客貨車，就在此時「奇蹟」出現，只見梁突然站起，協助將物資搬上客貨車，他曉行曉走，還與司機合力把他那張重幾十磅的電動輪椅搬上車。記者追蹤一行人回到天水圍天恩邨恩福樓後，見梁獨自步行用手推車分兩轉搬運六大箱物資回大廈互委會。


「奇蹟」驚現：《輪椅交談》
梁先生（紫衫）義賣期間與一眾義工交談，當時他一直坐在輪椅上。


《站起搬貨》
去到客貨車時，梁先生突然站起走路，把一箱箱物資搬上客貨車。

當日收檔時，記者發現身材瘦弱的女義工阿君（化名）突然從輪椅站起，她走路雖有少許一拐一拐，但健步如飛，把坐過的輪椅放回貨車後，獨自到附近商場逛街，之後再乘港鐵回深水埗，途中一直站着閱報，記者上前問她為何有位不坐，她說：「坐咗成日好攰。」
15日，義工隊轉到天水圍天瑞邨擺檔，記者見阿君早上步行到來，拿錢箱坐上輪椅便開工，相當賣力，而梁最初四處走動打點，開檔後即坐回輪椅參與義賣。
收檔後，記者假稱慈善團體成員，與放好輪椅準備離開的阿君交談，她說工作不算辛苦，「兩年嚟都係做三四次咁大把」，又稱自己只收車馬費及伙食錢。記者表示希望能找義工協助籌款、希望詢問價錢，阿君指行情價格是秘密，「呢啲嘢個個都唔會講」。
由於記者曾見她不坐輪椅到處走，問她坐輪椅籌款會否傷害自尊心，她說：「唔會，響屋企做家務做到攰都會坐輪椅休息㗎啦，我真係傷殘㗎。」她承認坐輪椅籌款確容易得多，「一個坐輪椅一個健全人，一定捐畀坐輪椅嗰個……好易打動到人」。

---

2 : GS(14)@2011-12-30 12:11:21

http://www1.hk.apple.nextmedia.c ... 104&art_id=15938143
前員工爆
日薪$220聘「義工」
2011年12月30日


健全籌二百　傷殘籌過千

阿占透露，為大機構籌款往往是「落格」的好機會，「邊個唔掠水吖？我以前要親自推錢箱上去佢（某人）屋企，都有成幾百次啦，你話推上去做乜？」他其後拿着茶餐廳的砂糖罌示範如何打開上鎖的錢箱蓋，就是用小棒把蓋鉸的芯慢慢推出，這樣不需鎖匙都能偷錢。他又說，好些義工會翻轉錢箱將錢倒出、甚至用間尺黏雙面膠紙塞進去，將鈔票黏出，「個個都係咁」。根據天恩網頁資料，直至去年中，天恩邨恩福樓互委會主席何立生與周金鳳同為義工隊主席，但阿占聲稱何只是「掛牌主席」。何立生於 07年因被揭發吸冰毒，被法庭罰款 5,000元，他並於去年 11月辭去主席一職。
阿占又說， 09年 12月，該會曾有人私自拿走某慈善機構的籌款箱到屯門「籌款」，有途人感可疑而報警；去年義工隊在粉嶺義賣無申請，「搞到要上差館」。
法例上「義賣」與「籌款」不同，但阿占說：「其實義賣咪一樣可以籌款，人哋入錢落錢箱之後，你畀番支牙籤佢都得㗎喇。」他還說可藉報細數掠水，「（市民）捐咗一千蚊，你報五百就得啦」。
阿占坦言隊內「義工」很多是綜援人士，他們其實是以日薪 220元「聘請」回來。他自誇坐輪椅「博同情」的籌款手法是其「發明」，又稱自己肢體健全的妻子，也曾扮傷殘參與義賣，「唔坐輪椅嘅話，一日最多得二三百蚊，坐嘅話好容易就過千」。他最後不斷向記者推銷自己，更建議：「有冇興趣一齊搞番間？」《蘋果》記者

---

3 : idsdown(1658)@2011-12-30 22:26:36

做乜唔補晒佢, 講一半唔講一半..
因為有" 你啅人 "

http://hk.apple.nextmedia.com/te ... 866&art_id=15938144

議員幫口
李卓人為榮譽會長
2011年12月30日


義工隊主席周金鳳（右）將指控歸咎於前主席，旁為該會榮譽會長李卓人。

記者早前到天恩邨恩福樓互委會找天恩愛心義工隊主席暨司庫周金鳳訪問，當時她正與該會榮譽會長之一、立法會議員李卓人一起。面對涉及 24宗非法籌款投訴等指控，周推說是前主席何立生的失誤，強調自己去年 11月上任後已無再收到投訴，警方亦無找她調查，而李卓人則形容天恩是「樹大招風」。

稱安排輪椅為義工好

對於輪椅義工梁先生及阿君健步如飛，周解釋，梁有一條腿裝了義肢，「佢要先着隻襪再套義肢，有時冇着襪會痛，咪坐輪椅囉」，而阿君則是主動要求義工隊安排輪椅給她，「佢話自己唔可以一日企六個鐘」，強調此舉是體諒義工辛勞，「勸過佢哋如果辛苦就唔好嚟，但佢哋為咗愛心都照嚟」。
周向記者確認大爆義工「醜行」的阿占是前員工，但對阿占說義工日薪 220元，周強調絕無其事，又說：「家搵義工難咗好多……我哋搵傷殘人士嚟都希望畀佢哋打發吓時間」，並稱只會實報實銷地付車費及提供飯盒給義工。
對於被指是「假義賣」，周的助理阿雪解釋是因義工動作不夠快所致，「每部輪椅都有個袋裝住義賣品，我哋都有規定如果市民畀咗錢就要畀嘢佢哋，五毫子就一支旗、一蚊就書籤、十蚊就愛心米，但好多時都畀唔切」。李卓人亦幫口解釋，稱市民捐完錢後都不會管是否義賣，「唔攞嘢走都唔出奇」。周稱自己每次都會提醒義工是義賣而不是籌款，「以後我哋會盡量做番足訓練」。
對於義工被指偷錢，周說：「我哋義賣一分一毫都會上報資料……就算只係一個籌款箱爛咗，發現嘅話一定會報警。」她補充指不敢說所有人都沒問題，但「我哋百分之九十九嘅義工都唔會偷錢」。《蘋果》記者

---

4 : idsdown(1658)@2011-12-30 22:32:16

之前係葵芳MTR出面又見過呢種坐輪椅籌款的人, 見到條友駕住架電動輪椅車好似賽車咁款, 好爽咁, 係咁轉圈追住人, 心諗句"係咪路啊, 咁都得." 估唔到咁快被篤爆了

---

5 : terryyim(13133)@2011-12-30 23:17:37

李卓人話樹大招風？條友真係冇腦，有證有據都係度講野，正宗政棍
最憎d人利用人既善心去賺錢，搵搵埋埋行政費出晒佢，真係義賣俾自己出糧

---

6 : 亞力士(1473)@2011-12-31 01:25:56

但對阿占說義工日薪 220元，周強調絕無其事<------- 要錢有乜咁奇 你見d人拿住個file同你講環保等 叫你定期捐錢 個班全部係愛薪

---

7 : 鱷不群(1248)@2011-12-31 03:57:23

5樓提及

---

李卓人話樹大招風？條友真係冇腦，有證有據都係度講野，正宗政棍
最憎d人利用人既善心去賺錢，搵搵埋埋行政費出晒佢，真係義賣俾自己出糧

聽都未聽過，樹有多大？

所以我向來無同情心，就算捐錢也只選有信譽的

---

8 : skycity(2352)@2011-12-31 10:56:23

他的籍口真係亂來的，信佢講的話都白X了，“一日唔可以企六個鐘”，帶張摺椅就得啦，難道帶機動輪椅比較方便？
話説之前荃灣城市廣場附近很多時見他們出現，開住機動輪椅追人捐錢，但最近就不見蹤影了，唔知係唔係黃著要避一下風頭。

---

9 : GS(14)@2012-01-01 15:07:40

7樓提及

---

5樓提及

---

李卓人話樹大招風？條友真係冇腦，有證有據都係度講野，正宗政棍
最憎d人利用人既善心去賺錢，搵搵埋埋行政費出晒佢，真係義賣俾自己出糧

聽都未聽過，樹有多大？

所以我向來無同情心，就算捐錢也只選有信譽的

都是捐些聽過多穩陣，好多人的善心呃食，真是唔知邊個可以信

---

10 : 龍生(798)@2012-01-01 21:29:50

乜香港仲有機構可以捐錢架咩....

---