長者優先派6千
1 :
GS(14)@2011-04-21 18:09:35真是由佢地講
http://hk.apple.nextmedia.com/template/apple/art_main.php?iss_id=20110421&sec_id=4104&art_id=15187770
【本報訊】與澳門政府一樣，特區政府將向 18歲或以上的永久性居民派發 6,000元現金，落實修訂預算案的建議。雖然當局尚在擬定派錢細則，據了解，政府傾向以年齡組別，分流派發現金，政府期望 7月份向立法會財務委員會申領撥款，並在 11月、即區議會選舉前派發。有立法會議員認為 11月才派錢仍算「好慢」，指政府應趕在暑假派發，讓市民盡早有錢對抗通脹。
立法會本月中通過新一份財政預算案後，當局正與銀行研究派錢細節，其中最大關注焦點是如何避免市民一窩蜂攞錢而造成混亂。政府消息人士透露，當局曾考慮以身份證號碼分流派錢的可行性，但認為會令市民混亂，因此擬定以出生年份劃分年齡組別，分批在不同時間派發，並傾向以長者組別開始。
對於市民如何領取 6,000元，政府也有初步計劃，消息人士透露，當局將把合資格市民領取的現金預先存入其銀行戶口，市民可以選擇網上登記，或親自到銀行領取表格申領。政府亦研究海外合資格香港永久居民的領取辦法，預料相關人士毋須特意返港領取。關愛基金下的民政小組下月則開會討論向新移民派錢事宜。
議員嫌慢 輸蝕畀澳門
雖然政府尚未確定具體派錢日期，但預料 6月份向立法會提交相關文件，並趕及 7月份的財務委員會會議申領撥款。一旦撥款獲得通過，可望本年 11月、即區議會選舉前派發。工聯會立法會議員王國興對於政府延至 11月才派錢大呼「好慢」，「 11月梗係太遲啦，要幫市民對抗通脹，越快越好呀，你咁樣輸蝕畀澳門啦」。
經濟動力林健鋒也認同派錢越快越好，並表明不太支持以年齡組別分批派錢，他說：「家邊個階層最需要對抗通脹？基層吖嘛，咁基層係邊個年齡都有 o架喎，點界定要派畀邊個年齡組別先？」
澳門與香港政府紓困措施比較
─向市民派現金─
澳門：
．永久居民獲 3,000元；今年共獲 7,000元
．非永久居民獲 1,800元；今年共獲 2,400元
香港：
．永久居民獲 6,000元
．關愛基金擬向低收入新移民派 6,000元
─遏止樓市炒風─
澳門：
．澳門居民銀行樓按借貸上限 70%；非永久居民上限 50%
．一年內轉售住宅樓宇須繳付 20%印花稅；一年以上至兩年須付 10%
香港：
．成交價 1,200萬元或以上：樓按借貸上限 50%； 800萬元至 1200萬元： 60%； 800萬元以下： 70%；公司名義持有： 50%
． 6個月內轉售額外徵收印花稅 15%； 6至 12個月內轉售 10%； 12至 24個月內轉售 5%
─增加住宅供應─
澳門：增建 1.9萬個公屋單位
香港：沒增建公屋，也堅決不復建居屋，只增設「置安心」住屋計劃
資料來源：澳門政府及《蘋果》資料室
2 :
鱷不群(1248)@2011-04-21 23:34:531樓提及
雖然政府尚未確定具體派錢日期，但預料 6月份向立法會提交相關文件，並趕及 7月份的財務委員會會議申領撥款。一旦撥款獲得通過，可望本年 11月、即區議會選舉前派發。工聯會立法會議員王國興對於政府延至 11月才派錢大呼「好慢」，「 11月梗係太遲啦，要幫市民對抗通脹，越快越好呀，你咁樣輸蝕畀澳門啦」。
經濟動力林健鋒也認同派錢越快越好，並表明不太支持以年齡組別分批派錢，他說：「家邊個階層最需要對抗通脹？基層吖嘛，咁基層係邊個年齡都有 o架喎，點界定要派畀邊個年齡組別先？」
膠少陣當幫忙，派得6000元，刺激通脹就可以，還說甚麼對抗通脹？
誰人不懂得說越快越好，講就天下無敵，他們有可行方法嗎？
3 :
龍生(798)@2011-04-22 03:59:23工聯會立法會議員王國興
我建議對新聞有敏感度的朋友出手
做番個票債票償專區
由其民主黨, 公民黨個班
而家幫新移民幫得咁過份, 連建制派都唔敢咁落力
選舉要佢地票債票償!!
我從來唔會投民建聯的, 但今年我會投!
無民主還無民主, 民主唔係大晒的, 有左民主唔會所有問題憑空消失的
但至少佢地做到野, 唔似呢班人係度倒賣港人利益!
4 :
草帽(1253)@2011-04-22 07:29:40如果妳打算由其他黨派改投民建聯, 不如唔好投好了. 因為我唔想見到新既人大會議在香港立法局裏面發生. 我唔想睇到一D大陸式唱票, 跟住港立法局議員起身拍掌叫好既情況. 妳想要自由經濟, 又想踢走最低工資, 又要票投民建聯, 是精神分裂既事.
派錢畀新移民我唔係太反感. 新移民有毒瘤, 香港人一樣係有毒瘤. 不過幫一個有需要既人是最緊要既. 我想亦是這個forum既宗旨.
慢就預左. 因為政府做野從來冇計畫. 一係就懶係做到好周詳. 其實派錢都搞咁耐都知政府既效率. 如果想快好簡單, 叫習近平落個order畀pk曾. 保証一個禮拜錢到手.
5 :
idsdown(1658)@2011-04-22 17:46:28最憎公文袋, 成日以為係大壯出身, 郁D就話打官師, 司法覆核, 一玩就幾個月成年, 嬴輸其實唔重要, 問題係D錢邊度黎, 去左邊度, 邊D人係最大得益者, 大家可以諗諗, 唔可以話直接利益輸送, 咁係詸話間接利益輸送?
6 :
wilyty(1376)@2011-04-22 22:47:51首先要俾幾百萬揾d 友好..例如 Tomtom 顧問公司做個 proposal.......................
.......跟住再..................
7 :
龍生(798)@2011-04-23 00:27:40唉, 牛
8 :
龍生(798)@2011-04-23 00:28:25唉, 我認我真係精神分裂, 但唔係咁可以點...
唯有唔投...因為兩邊都揀唔落手, 唯有算Q數, 當睇唔到
9 :
GS(14)@2011-04-23 09:58:56香港政客的質素就是如此不堪入目，其實我想了好多次想投廢票，但是最後都投了公民黨，但今屆我決定投廢票，一個都唔揀
派錢慢，你又無建議，有建議，你又在阻碇，都唔一致，仲衰過政府，但又可以大大聲，真是幾幸福
10 :
龍生(798)@2011-04-23 15:29:50有點像非洲...上次看血鑽
說到一點很有趣
執政政府的人只想撈一筆然後走人
革命軍明明實力夠打進來, 偏偏只在外圍
因為一接手政府, 無人搞得掂呢個爛檔, 所以只打遊擊
11 :
idsdown(1658)@2011-04-23 15:35:3710樓提及
有點像非洲...上次看血鑽
說到一點很有趣
執政政府的人只想撈一筆然後走人
革命軍明明實力夠打進來, 偏偏只在外圍
因為一接手政府, 無人搞得掂呢個爛檔, 所以只打遊擊
空講政府班人何曾唔係
12 :
idsdown(1658)@2011-04-23 16:24:59上星期去新加坡, 個的士佬得知係由香港黎的, 就話香港有錢派喎, 每人6千, 我話新加坡都有呀, 佢話新加坡唔同, 有資産審查的, 老人家/窮人派多D, 年青人/有錢人派少D.
諗諗下, 香港成日同新加坡比較, 人地派錢公佈比香港早, 點解有成個辦係度香港班官都唔識抄, 跟住又整乜基金詁幚窮人, 有心幚窮人就派多D俾佢地啦, 相信班蟻員都應該唔敢亂抽水, 呢班官真係. 唉!!
13 :
亞力士(1473)@2011-04-23 16:52:069樓提及
香港政客的質素就是如此不堪入目，其實我想了好多次想投廢票，但是最後都投了公民黨，但今屆我決定投廢票，一個都唔揀
派錢慢，你又無建議，有建議，你又在阻碇，都唔一致，仲衰過政府，但又可以大大聲，真是幾幸福
有時我會諗 如果佢地有得執政 質素會唔會好D 而家打下咀炮又一日 阻下發展又一日 如果作狀黨執政 會唔會咁多司法覆核 定利益輸送 司法覆核更多
14 :
草帽(1253)@2011-04-23 23:50:52其實自從民主黨轉軑幫老共之後. 民主黨已失民心, 勢必慘敗. 社記有勇無謀, 公民黨影子領袖, 人民力量黃毓民新成立冇兩個月. 不足為患. 民建聯侍住雄厚'銀'力同根基, 加埋"己成功爭取"同"河蟹"宗旨. 令年我敢寫包單, 民建聯區議會同立法會勢必大鑊全勝.
唉, "河蟹"都不是問題. 但係香港班建制派實在係比老共人大更"河蟹". 有時老共都未出聲, 班奴才即刻撲出黎護主. D嘴險真係好難頂. 如果掟野係難頂既話, 開會訓覺, 黃宜弘向眾群豎起中指. 高鐵立法會每一條議案都係31對21通過, 係更加令我覺得難頂.
建制派既票我己放棄. 以前投泛民既希望不要改投建制. 我真是不想通過23條會有一D艾未未, 趙連海,劉曉波既未審先捉, 屈打成招既行為在香港發生. 0岩0岩0係yahoo打"結石寶寶", 咩都穩唔到, 得人驚.
15 :
龍生(798)@2011-04-24 00:08:31草兄言之有理...
但我實在投唔落手
唯有放棄作罷
投了, 代表我認同佢地行為, 好老實, 做唔到