名人之後創業....
1 :
GS(14)@2010-10-08 12:10:302010-10-07
方寧生女兒萬呎開鋪
年屆七十的陳方安生孖妹方寧生，對獨女陸介琳寵愛有加，知她對家居布置有天分，三年前打本開傢俬店讓寶貝女創業，今年暑假更將銅鑼灣世貿中心一萬呎寫字樓，免租給她改為showroom 發大嚟做，方寧生笑咪咪說︰「做生意並非要掛住賺錢，呢個係fun business。」
反而負責營運、入貨、showroom設計的陸介琳卻不是講玩，她認真地話︰「個場咁大當然要做得好好睇睇。」話口未完，她又從梳化彈起，走來走去指揮店員將擺設左併右併，一絲不苟。第二個家
陸介琳（Karen）傢俬店內的布局其實是她家居寫照，傢具設計都講究線條、工藝，顏色要柔和，就連茶几上的花種都要合襯，「十多年前都玩摩登新潮的designer chair，人大了想屋企看來更warm，還是contemporary classic啱我。」
她賣的梳化、茶几、飯枱都是大大件，屋企是蝸居者免問。又難怪，陸介琳自小住靚屋，又曾在第一太平投資部負責出售獨立屋，耳濡目染下對大屋的布局自然比較在行，加上她期期追看的Architectural Digest主要介紹外國屋，對大屋的室內布置無師自通，「我去旅行，其他阿太趕買衫，我就睇家居飾品店；搬過四次屋，每次都是我親自設計。」
早着先機
母親方寧生及朋友裝修，都預先問她意見，但三年前母親在意大利買傢俬時卻未搞鋪先入貨，買了兩個貨櫃的傢俬，一心給女兒開鋪打骰，「媽咪原意為家中添置幾件傢俬，最後買了幾百件，咁我都好樂意幫手，開正我嗰瓣。」與其說方寧生打本送生意給女兒做禮，不如說她自信眼光十足，兩母女先在跑馬地開鋪大展拳腳，雖遇上金融海嘯，但買家非富則貴，亦有設計師入貨來做樓盤示範單位，生意反而愈做愈好，「當初為安置幾百件傢俬，在黃竹坑買了兩個貨倉，依家都升值。」方寧生有點得戚地笑說。
「好在早年我在銅鑼灣世貿買了三十一樓全層，我先生話收租仲好，每月都有幾十萬，
但Karen好有品味要求又高，她讀過經濟，做生意好 practical，依家不用本錢，做得輕鬆啲無咁肉赤，連卡佛都無我呢度咁大。」在旁的陸介琳忍不住搭嘴︰「對你就係，我去歐洲入貨，要小朋友同老公在外面等我，真係好頻撲，好在老公肯支持。」兩母女一唱一和，果真合拍。
Farrington Interiors 2808 1000