📖 ZKIZ Archives

一周兩件老千股

1 : GS(14)@2010-08-15 17:57:43

不知道是貼士定有心靠害，兩隻股都算是同系

一周兩件：中渝潛在回報率 45%
2010年08月15日

中渝置地（ 1224）受惠西部大開發，加埋本身土儲豐厚， NAV增值潛力好吸引。中渝最新 NAV每股 4.6元，現價（ 3.31元）折讓得 28%，睇落冇乜料到。但實情係，中渝家陣喺祖國土儲高達 9100萬平方呎（呎價成本唔夠 200蚊），土儲充足之餘，兼且集中喺四川及重慶，受惠祖國增長同時，亦食正西部大開發，土儲增值潛力梗睇高一線。
單係今年頭 7個月，中渝喺祖國預售樓盤銷售額高達 30億銀，按年大增近 2.5倍。隨住呢批樓盤明年開始陸續入賬，中渝業績肯定靚爆鏡。
又計計數，以中渝土儲每方呎中線係咁意增值 10蚊計，額外增值高達 9億銀。重秤中渝 NAV每股到 8蚊，實際折讓挨近 60%，呢轉博中渝折讓收窄到 40%，見 4.80元，現價潛在回報率 45%。
放大圖片

民豐大折讓博升 20%

民豐控股（ 279）啱啱公佈咗 2009/10年度（ 3月底年結）業績，虧轉盈賺 2.97億銀，已經無後顧之憂。再講，呢期民豐搞配股，引入大摩前高層廖駿倫，有大孖沙投資者入股，自不然對民豐係咪有新業務搞作，會有憧憬。就算撇除呢個可能，民豐最新 NAV每股 3.16元，現價（ 0.385元）折讓高達 88%，吸引到痹。呢轉博民豐升 20%到 0.46元，折讓仲係企喺 85%水位。
錢雋

smileysmiley
2 : 龍生(798)@2010-08-16 14:32:37

逢星期日的APPLE 先有
這專欄連名都無, 真係搵鬼采佢
3 : GS(14)@2010-08-16 21:12:26

2樓提及
逢星期日的APPLE 先有
這專欄連名都無, 真係搵鬼采佢


專欄就叫一周兩件
4 : teawater(1794)@2010-08-16 21:25:49

3樓提及
2樓提及
逢星期日的APPLE 先有
這專欄連名都無, 真係搵鬼采佢


專欄就叫一周兩件


筆者叫「錢腥」
5 : 龍生(798)@2010-08-16 23:11:56

thx a lot~
真的不知作者叫錢腥...
跟佢買就真係嫌錢腥....
6 : teawater(1794)@2010-08-16 23:20:33

5樓提及
thx a lot~
真的不知作者叫錢腥...
跟佢買就真係嫌錢腥....


錢雋, 但十乘十都係嫌錢腥
7 : GS(14)@2010-08-16 23:23:34

6樓提及
5樓提及
thx a lot~
真的不知作者叫錢腥...
跟佢買就真係嫌錢腥....


錢雋, 但十乘十都係嫌錢腥


個個禮拜都有好多折讓股gar，包括273他都有推介，高手
8 : 鱷不群(1248)@2010-08-16 23:41:23

很多收租股也有大折讓
9 : GS(14)@2010-08-17 20:54:35

8樓提及
很多收租股也有大折讓


369?...11好似已經溢價了
10 : GS(14)@2010-10-03 11:41:43

http://hk.apple.nextmedia.com/te ... 307&art_id=14513219

保綠折讓 60%可短炒

中國保綠（ 397）開拓嘅太陽能光伏發電項目，照計劃應該喺上季開始投產，正式變身環保能源企業。而十．一假後，祖國將踏入政策訊息密集月，「十二．五」規劃當中，相信會有祖國環保節能嘅政策支持，中國保綠已經有 Point炒。又中國保綠最新 NAV每股 0.6元，現價（ 0.244元）折讓 60%，新能源股當中，好吸引。呢轉短打博升 20%到 0.30元，集團未有耐上到 NAV。
錢雋



今個星期又整多件
11 : 龍生(798)@2010-10-03 14:52:29

輕輕炒高一浸, 講個慨念, 就有勇者敢衝了
這遊戲玩了幾十年, 還是一個模....
12 : abbychau(1)@2010-10-03 15:09:31

因為香港ge 制造業已經式微 smiley
13 : 龍生(798)@2010-10-03 15:17:57

...應該是香港的創意工業式微
14 : GS(14)@2010-10-03 16:05:37

13樓提及
...應該是香港的創意工業式微


股票創意工業，電影無晒創意....已證明這行業真是有問題
15 : victorwong(3884)@2010-10-03 16:30:27

又係D 盈利年年無, 股息年年無,現金流年年負, 合股供股增長一定有 (02年20合1, 04年10合1, 09年50合1, 02年1合9) 嘅 xy#$*&#*股。D傻老散買咗要準備定錢供股啦。
16 : victorwong(3884)@2010-10-03 16:34:51

397又係D 盈利年年無, 股息年年無,現金流年年負, 合股供股增長一定有 (02年20合1, 04年10合1, 09年50合1, 02年1供9) 嘅 xy#$*&#*股。D傻老散買咗要準備定錢供股啦。
17 : GS(14)@2010-10-04 22:00:44

16樓提及
397又係D 盈利年年無, 股息年年無,現金流年年負, 合股供股增長一定有 (02年20合1, 04年10合1, 09年50合1, 02年1供9) 嘅 xy#$*&#*股。D傻老散買咗要準備定錢供股啦。


本來個名都幾貼切，叫合一集團
18 : GS(14)@2010-10-11 22:33:03

http://hk.apple.nextmedia.com/te ... 307&art_id=14537635
龍生昨天忘記了這個極品...

蒙古投資殘到痹

蒙古投資（ 402）前身明興水務，呢期變身投資搞蒙古礦業，連資產收購後嘅備考 NAV每股 0.29元，現價 0.171元，企喺 1年低位，殘到痹，另相對 NAV折讓，亦高達 40%，相當吸引。再講，呢次收購代價，透過以發行股份及承兌票據支付，但每股作價講緊 0.22元，而集團現價，亦係潛緊水。呢轉短打，博蒙古投資上番 0.22元，現價潛在回報率 29%，亦未有耐上到 NAV。
錢雋

http://realblog.zkiz.com/greatsoup/15479
19 : 龍生(798)@2010-10-11 23:35:04

哎...真的漏了...這褔佳又來了....
20 : GS(14)@2010-10-11 23:43:38

19樓提及
哎...真的漏了...這褔佳又來了....


謝謝他才對
21 : GS(14)@2010-10-17 10:09:26

http://hk.apple.nextmedia.com/te ... 307&art_id=14561630
冠軍資產厚炒大折讓

冠軍科技（ 092）嚟緊星期二派 2010年度成績表。好保守假定，集團年度純利 Keep住好似半年度咁，出現雙位數倒退，成績唔靚仔。但冠軍最新 NAV每股 1.7元，資產底厚，而現價又企近 03年沙士期以嚟嘅低位，折讓上 84%過外，有炒大折讓嘅因素。業績期前後，短打冷吼冠軍，博折讓係咁易收窄番到 80%，冠軍價見 0.34元，潛在回報率講緊 28%，已經有魚有肉。
錢雋
22 : GS(14)@2012-01-02 17:31:28

呢班人真可愛...

http://hk.apple.nextmedia.com/te ... 307&art_id=15944023



百仕達（ 1168）勝在夠錢多，現價又低殘，可以兜轉。百仕達今年 6月底，揸住現金 46.4億銀，借貸 4.3億銀咁大把，淨現金高達 42億銀。即係話，集團每股淨現金都高達 1.2元，百仕達家陣幾銀？係 0.58元！集團要升到上每股淨現金值，現價係要翻一番。雖則，百仕達喺短線日子，暫時無重頭樓盤推售，業績未必會咁靚仔，但百仕達趁住呢幾年祖國樓市火紅火綠期，出售樓盤套現，喺阿爺調控期下，無貨一身輕，兼有大量銀彈，可以喺家陣執平貨，儲足土儲再迎第二春。再講，百仕達喺資產重秤前每股 NAV有兩蚊，現價大幅折讓 70%，個底夠厚。呢轉兜百仕達，係咁易博折讓收窄到 60%，集團要見 0.8元，升幅上 38%。

農產品破頂可跟

中國農產品（ 149）連合股供股後嘅每股 NAV係 0.22元，現價（ 0.285元）雖則無折讓，但 P/B都係得 1.3倍，農業股當中，算係平。而集團主要股東 PNG經供股後，股權亦由 3%大幅增加到 28%，亦係好事。而對上星期，中國農產品升破咗 11月個橫行頂，有勢跟轉，博升 20%到 0.34元， P/B不過 1.5倍。
錢雋

信佢就錢進莊家袋
23 : greatsoup38(830)@2012-01-08 14:19:01

http://hk.apple.nextmedia.com/te ... 307&art_id=15962603


喪心病狂

漢傳媒冷灶值吼

漢傳媒（ 491）無乜成交，絕對係冷灶。而集團現價（ 6.3仙）仲低過 08海嘯金融價。又漢傳媒上年 6月底，手頭淨現金近 1億元，即係每股淨現金 8仙，現價仲低過每股現金值，殘到痹。買漢傳媒，想要多啲貨都無，何妨細注怡情，博集團上番 8仙現金值，現價升幅 27%，目標價 NAV折讓，仲高達 63%，未有耐升過籠。
錢雋
24 : greatsoup38(830)@2012-02-05 23:31:41

http://hk.apple.nextmedia.com/te ... 307&art_id=16042683

東方文化有鑊氣

中國東方文化（ 2371）前身直真科技，呢期轉型媒體業，就收購湖南移動電視一事，仲等緊發通函及 EGM通過，即係話，嚟緊日子，呢壇製作進展，會係短線誘因。 Before that，東方文化挨住 08年、 09年嘅海嘯低位價，對上兩個交易日，鑊氣漸現，短打博升 20%到 0.44元， PB 1倍多少少，仲未炒過籠。

...咁都吹得，我服

http://www.hkexnews.hk/listedco/ ... TN20110831662_C.pdf
間公司有95%資產是虛的，實際PB 我連計都唔想計，呢條野真是亂來
25 : 新手(22521)@2012-02-07 23:05:28

不過，我見佢呢個禮拜介紹嗰隻2371尋曰又升喎！
26 : GS(14)@2012-02-07 23:19:27

25樓提及
不過，我見佢呢個禮拜介紹嗰隻2371尋曰又升喎！


升又點? 隻野是唔得嘛，升唔代表隻股無問題

http://zkiz.com/tag.php?tag=2371
睇完先啦
27 : 新手(22521)@2012-02-07 23:35:32

不過講開又講，我見錢雋同經濟嗰個叫江洋推啲股差唔唔多，同埋都係好鍾意用秤身家呢個字眼！
28 : greatsoup38(830)@2012-02-07 23:49:39

27樓提及
不過講開又講，我見錢雋同經濟嗰個叫江洋推啲股差唔唔多，同埋都係好鍾意用秤身家呢個字眼！


其實好多人的文都是差唔多，雷雨、高彰波..
29 : 新手(22521)@2012-02-07 23:52:36

我反而覺得何車同高彰波差唔多！
30 : greatsoup38(830)@2012-02-07 23:54:23

29樓提及
我反而覺得何車同高彰波差唔多！


三個人的路差唔多至真
31 : 龍生(798)@2012-02-07 23:54:43

信報位何車同蘋果位何車係咪同一人?

點解相差咁遠既?

信報個何車, 個種筆法, 妙到毫瘨...
32 : greatsoup38(830)@2012-02-07 23:56:02

31樓提及
信報位何車同蘋果位何車係咪同一人?

點解相差咁遠既?

信報個何車, 個種筆法, 妙到毫瘨...


應該唔是的
33 : 新手(22521)@2012-02-08 00:00:11

我講蘋果嗰個
34 : greatsoup38(830)@2012-02-08 00:02:02

33樓提及
我講蘋果嗰個


就是，我咪話雷雨、何車、高彰波三個D路
35 : 新手(22521)@2012-02-08 00:05:53

呢期何車在爽報嗰個300萬倉好得喎！
36 : greatsoup38(830)@2012-02-08 00:08:47

35樓提及
呢期何車在爽報嗰個300萬倉好得喎！


11%勁
37 : 亞力士(1473)@2012-02-08 01:06:47

我又好奇火生 真係自己錢 會唔會咁沽法
38 : GS(14)@2012-02-08 21:45:37

37樓提及
我又好奇火生 真係自己錢 會唔會咁沽法


唔會囉
39 : 鉛筆小生(8153)@2012-02-08 21:48:51

我幾鐘意何車, 賺錢就可以
40 : GS(14)@2012-02-08 22:20:20

39樓提及
我幾鐘意何車, 賺錢就可以


有時D股唔錯，不過要睇下你識唔識分，匯銀真是好平
41 : greatsoup38(830)@2012-02-12 12:05:31

http://hk.apple.nextmedia.com/te ... 307&art_id=16062699



星美國際（ 198）係內需版塊受惠一員，有得諗。祖國電影局早排公佈 2011年全國票房，達到 131億銀人仔，再創高峯，好似星美呢類兼營影院及製作嘅有實力企業，肯定肥仔水。而星美兼係影院搞埋「星美匯」商品店，開多條生財之道，食住內需消費潛力，又係另一個中線亮點。星美上年因為配股及可換股票據兌換，股數大增，喺攤薄效應下， PE會高咗，未必太靚仔，但好似上邊講，祖國電影市場火紅，星美 keep住增長， 2013、 2014年 PE應該回順番，冇問題。再講，呢期票據已兌換嘅 15億股，每股換股價 0.295元，星美現價（ 0.255元）仲要低過換股價，冇有怕。呢轉趁低買星美，博翻半番到上年個橫行頂 0.4元，星美 PB不過 1.3倍咁大把。

冠軍科技殘爆反彈

冠軍科技（ 092）現價（ 0.107元）係挨近 03年沙士期後，近 8年嘅低位！冠軍由 07年一插到底，對上沉重蟹貨區，係要講到上近 0.6元，現價有排未到。又集團呢個超級低殘價， NAV折讓係高達 91%。將 NAV大打五折，冠軍折讓仍然有 81%。係咁易博冠軍彈 20%到 0.13元， NAV折讓係咁易收窄到 90%，但折讓仍然離晒譜。
錢雋
42 : 200(9285)@2012-02-12 16:57:25

http://hk.apple.nextmedia.com/te ... 778&coln_id=6795051
一周兩件：星美國際可翻半番
2012年02月12日
星美國際（ 198）係內需版塊受惠一員，有得諗。祖國電影局早排公佈 2011年全國票房，達到 131億銀人仔，再創高峯，好似星美呢類兼營影院及製作嘅有實力企業，肯定肥仔水。而星美兼係影院搞埋「星美匯」商品店，開多條生財之道，食住內需消費潛力，又係另一個中線亮點。星美上年因為配股及可換股票據兌換，股數大增，喺攤薄效應下， PE會高咗，未必太靚仔，但好似上邊講，祖國電影市場火紅，星美 keep住增長， 2013、 2014年 PE應該回順番，冇問題。再講，呢期票據已兌換嘅 15億股，每股換股價 0.295元，星美現價（ 0.255元）仲要低過換股價，冇有怕。呢轉趁低買星美，博翻半番到上年個橫行頂 0.4元，星美 PB不過 1.3倍咁大把。

冠軍科技殘爆反彈

冠軍科技（ 092）現價（ 0.107元）係挨近 03年沙士期後，近 8年嘅低位！冠軍由 07年一插到底，對上沉重蟹貨區，係要講到上近 0.6元，現價有排未到。又集團呢個超級低殘價， NAV折讓係高達 91%。將 NAV大打五折，冠軍折讓仍然有 81%。係咁易博冠軍彈 20%到 0.13元， NAV折讓係咁易收窄到 90%，但折讓仍然離晒譜。
錢雋
43 : GS(14)@2012-03-11 12:56:01

http://hk.apple.nextmedia.com/te ... 307&art_id=16145590
44 : GS(14)@2012-03-11 12:56:12

莊士機構（ 367）齋計末期息，都近 4厘，磚頭又重秤，昅昅。莊士去年度（ 3月底止）每股末期息派 3.2仙，計吓數，現價（ 0.83元）息率已經高達 3.8厘，同級磚頭股裏面，莊士呢個息率好吸引。又莊士 2012年半年度，純利翻過一番到 6.7億銀，兼由去年度中期派息 1.8仙，增加到 2仙。嚟緊下半年度，莊士有阿仔莊中（ 298）內房收益 Backup，業績繼續肥仔，相信好有機會提高派息。再講，莊士 NAV 3.8元，現價折讓高達 78%，而集團手頭物業包括有山頂、香島道及寶珊道超靚項目，磚頭重秤到不得了。睇到呢個折讓，又係漏晒口水。呢轉莊士喺 0.8元上下水位打底，等緊平均線滙合，買定博爆邊，翻半番到 1.24元， NAV折讓仲有 67%。
45 : 200(9285)@2012-03-11 18:59:39

唔係呀嗎，呀于品海佢老哥靜左好多年了，又重出江湖乎?
46 : 龍生(798)@2012-03-11 19:00:27

品海老哥?
47 : 200(9285)@2012-03-11 21:08:24

46樓提及
品海老哥?


我打錯野
48 : GS(14)@2012-03-12 21:11:59

47樓提及
46樓提及
品海老哥?


我打錯野


無打錯，250 真是佢的
49 : 龍生(798)@2012-03-12 23:30:25

我股齡淺....真係唔識佢

但見折讓咁大, 只係估有古怪....
50 : GS(14)@2012-03-12 23:38:39

49樓提及
我股齡淺....真係唔識佢

但見折讓咁大, 只係估有古怪....


隻野年年蝕當然啦，2007搞出轟動一時的200億大行入股事件
51 : 龍生(798)@2012-03-12 23:47:01

OK...得閒找番新聞來看, 呢排忙

又唔係有得玩, 暫擱下
52 : greatsoup38(830)@2012-03-12 23:50:07

http://blogcity.me/blog/reply_bl ... eyword=&searchtype=
文章轉貼自： 東方日報 dated ３July 2007
文：周 維 秉
專欄：關人股事



南海控股涉「誤導」小股東

老 周 本 來 喜 見 香 港 股 市 市 值 和 成 交 近 日 不 斷 創 出 新 高 ， 可 惜 近 期 發 生 一 件 極 不 尋 常 的 事 ， 令 老 周 對 這 些 年 來 本 港 對 於 保 障 小 投 資 者 權 益 的 成 果 ， 心 生 疑 惑 。

事 緣 在 上 周 二 晚 上 ， 上 市 公 司 南 海 控 股 （ 0680 ） 透 過 公 關 公 司 ， 向 外 發 出 新 聞 稿 ， 內 容 標 題 是 「 高 盛 以 9.57 億 元 購 入 南 海 控 股 4.82% 之 權 益 」 ， 消 息 頓 時 刺 激 南 海 控 股 股 價 於 翌 日 走 高 ， 全 日 高 位 做 0.37 元 ， 收 報 0.33 元 ， 較 上 日 升 0.045 元 或 15.7% 。 以 一 家 三 、 四 線 股 ， 這 個 單 日 升 幅 並 不 算 特 別 ， 但 當 大 家 知 道 ， 南 海 控 股 當 日 的 市 值 增 加 了 30.77 億 元 至 225.65 億 元 ， 成 交 股 數 達 23.39 億 股 ， 就 明 白 到 這 個 消 息 的 影 響 之 大 。



高 盛 澄 清 為 中 介 人


在 上 周 四 ， 南 海 控 股 的 股 價 顯 著 回 落 ， 低 位 曾 見 0.275 元 ， 收 市 報 0.29 元 ， 較 上 日 下 跌 0.04 元 ， 幾 乎 打 回 原 形 ， 成 交 更 達 到 39.18 億 股 。 到 了 上 周 五 ， 奇 怪 的 事 出 現 。 高 盛 發 出 電 郵 澄 清 ， 只 是 為 一 獨 立 第 三 者 購 入 該 批 南 海 控 股 股 份 以 製 作 財 務 產 品 ， 並 非 高 盛 本 身 或 旗 下 管 理 基 金 投 資 南 海 控 股 。 老 周 聽 落 ， 心 感 愕 然 ， 而 當 日 因 聽 到 「 高 盛 入 股 」 消 息 而 高 追 的 股 民 如 何 震 驚 ， 更 可 以 想 見 。 結 果 上 周 五 南 海 控 股 再 跌 0.035 元 ， 收 報 0.255 元 ， 成 交 13.3 億 股 。



問 題 係 ， 當 日 「 高 盛 入 股 」 的 消 息 ， 並 非 市 場 傳 聞 ， 而 是 由 南 海 控 股 發 出 新 聞 稿 ， 白 紙 黑 字 寫 道 ， 公 司 獲 悉 「 Goldman Sachs International London. 於 昨 日 （ 即 6 月 25 日 ） 在 市 場 上 以 每 股 0.29 港 元 購 入 33 億 股 公 司 股 份 ， 相 當 於 南 海 控 股 已 發 行 股 本 總 數 之 4.82% 。 」 公 司 又 同 時 獲 悉 「 公 司 其 中 一 位 主 要 股 東 林 小 春 先 生 以 相 等 於 上 述 作 價 出 售 該 批 股 份 。 」 若 然 說 成 ， 這 份 只 是 新 聞 稿 ， 而 並 非 經 過 港 交 所 （ 0388 ） 發 出 之 正 式 通 告 ， 故 投 資 者 難 以 追 究 ， 豈 非 跟 投 資 者 開 天 大 的 玩 笑 ！ 明 明 是 公 司 向 外 發 出 的 訊 息 涉 嫌 「 誤 導 」 ， 卻 毋 須 負 責 ， 如 此 這 般 不 公 的 遊 戲 規 則 不 予 以 糾 正 ， 仲 會 有 人 敢 買 股 票 嗎 ？



站 在 上 市 公 司 的 角 度 ， 先 別 論 其 不 尋 常 地 主 動 就 這 次 股 份 交 易 向 外 發 出 新 聞 稿 的 動 機 ， 公 司 在 未 有 了 解 到 接 貨 人 的 身 份 之 下 ， 即 向 外 發 出 大 字 標 題 為 「 高 盛 以 9.57 億 港 元 購 入 南 海 控 股 4.82% 之 權 益 」 之 新 聞 稿 ， 顯 然 是 極 不 負 責 任 的 ， 絕 不 能 以 「 消 息 是 事 實 ， 只 是 不 全 面 」 作 為 開 脫 。 更 何 況 ， 在 上 周 三 上 午 11 時 ， 南 海 控 股 應 港 交 所 就 公 司 股 份 價 格 及 成 交 量 上 升 發 通 告 ， 聲 明 「 本 公 司 並 不 知 悉 導 致 股 份 價 格 及 成 交 量 上 升 的 任 何 原 因 」 。 明 明 公 司 自 行 發 放 的 新 聞 稿 便 是 導 因 ， 傳 媒 亦 有 報 道 ， 公 司 卻 可 在 通 告 中 當 成 冇 事 發 生 ， 毫 不 知 情 ！ 說 到 底 ， 作 為 一 家 要 向 公 眾 股 東 負 責 的 上 市 公 司 ， 究 竟 公 司 在 處 理 今 次 事 件 存 在 甚 麼 問 題 或 缺 失 ， 有 必 要 交 代 清 楚 ， 以 正 視 聽 ！



站 在 監 管 的 角 度 ， 老 周 亦 認 為 港 交 所 有 其 不 足 之 處 。 當 晚 南 海 控 股 發 出 新 聞 稿 ， 引 來 翌 日 公 司 股 份 交 投 異 動 ， 但 港 交 所 只 係 例 行 公 事 ， 要 求 公 司 發 出 一 份 通 告 聲 明 知 悉 股 份 價 格 和 交 投 異 動 與 否 就 算 ， 並 未 有 要 求 公 司 針 對 那 個 已 「 通 天 」 的 新 聞 稿 內 容 作 出 說 明 。



監 管 機 構 宜 作 檢 討

再 講 ， 上 周 五 高 盛 發 電 郵 ， 向 外 澄 清 只 是 交 易 中 介 人 ， 而 南 海 控 股 的 股 價 跌 勢 隨 即 加 劇 ， 港 交 所 何 解 不 要 求 公 司 再 發 出 通 告 作 出 澄 清 ， 甚 而 是 要 求 公 司 停 牌 ， 以 交 代 清 楚 這 個 「 股 價 敏 感 消 息 」 呢 ？ 要 知 道 ， 作 為 監 管 機 構 ， 做 一 半 唔 做 一 半 ， 甚 而 是 應 做 的 沒 有 做 ， 結 果 幫 不 到 要 幫 的 人 ， 更 害 人 不 淺 ， 這 個 實 非 眾 願 。 希 望 有 關 方 面 經 一 事 ， 長 一 智 ， 就 今 次 事 件 及 現 有 上 市 公 司 發 出 敏 感 消 息 機 制 作 出 檢 討 ， 以 免 再 重 蹈 覆 轍 。
53 : 龍生(798)@2012-03-13 00:04:05

嘩....玩到咁賤....

呢招絕喎, 真係殺唔少人

諗都無諗過, 居然有此奇招.....

仲要吹到高盛....我諗我有機會中
54 : lam(884)@2012-03-13 13:01:00

呢隻好深刻：話說當日開市有老友打電話黎話佢阿叔有呢隻貨問點睇，我叫佢唔好信有賺就走人，點知佢話聽到消息起碼炒到5文，嘩、米起碼几千億市值.......笑到我彎晒腰，到最後佢選擇了後者，結果.........唉
55 : GS(14)@2012-03-13 21:19:07

如果升到5蚊，我即刻話買長實啦
56 : greatsoup38(830)@2012-03-18 11:40:26

http://hk.apple.nextmedia.com/te ... 307&art_id=16166320


佳景集團（ 703）呢期冷灶變得暖暖哋，佳績期近，諗得過。佳景主打澳門餐廳食肆，由高檔到平民化路線都兼顧晒，餐廳佔地總和過 10萬平方呎，係強勢領導者。佳景單係 2011年半年度（ 6月底止），純利已經翻過一番到 3200萬銀，唔好計多，全年度純利起個孖到 6400萬銀，預期 PE得 4.8倍。仲要咁睇，澳門旅遊業，好大程度上，都係食住祖國同胞條水。再講，呢期外資大孖沙睇好澳門賭業前景，佳景主打唔係呢個瓣數，但澳門好景，佳景一樣肥仔。以受惠內需，餐飲甚至澳門地區股計，佳景呢個 PE，真係平通大馬路。又佳景嚟緊星期二派成績表，有盈喜打底，交投回暖，唔好貪，博佳景翻半番到 0.84元，預期 PE都係 7倍咋。
57 : 200(9285)@2012-03-18 12:55:56

56樓提及
http://hk.apple.nextmedia.com/template/apple/art_main.php?iss_id=20120318&sec_id=15307&art_id=16166320


佳景集團（ 703）呢期冷灶變得暖暖哋，佳績期近，諗得過。佳景主打澳門餐廳食肆，由高檔到平民化路線都兼顧晒，餐廳佔地總和過 10萬平方呎，係強勢領導者。佳景單係 2011年半年度（ 6月底止），純利已經翻過一番到 3200萬銀，唔好計多，全年度純利起個孖到 6400萬銀，預期 PE得 4.8倍。仲要咁睇，澳門旅遊業，好大程度上，都係食住祖國同胞條水。再講，呢期外資大孖沙睇好澳門賭業前景，佳景主打唔係呢個瓣數，但澳門好景，佳景一樣肥仔。以受惠內需，餐飲甚至澳門地區股計，佳景呢個 PE，真係平通大馬路。又佳景嚟緊星期二派成績表，有盈喜打底，交投回暖，唔好貪，博佳景翻半番到 0.84元，預期 PE都係 7倍咋。


佳景集團（ 703）4太旗下，以前好似係獎門人的‧
58 : greatsoup38(830)@2012-03-18 12:57:35

是啊
59 : greatsoup38(830)@2012-03-18 12:59:27

[realblog]http://realblog.zkiz.com/greatsoup38/9493[/realblog]
60 : GS(14)@2012-03-25 13:43:47

http://hk.apple.nextmedia.com/te ... 307&art_id=16187416
61 : david395(4434)@2012-04-09 09:40:41

一周兩件：金利來派息吸引
2012年04月09日



金利來（ 533）新一年接單情況唔錯，又有高息，有得諗。金利來新一年，即係 2012年嘅春夏季及秋冬季預訂會，定單比起上年有 22%及 17%增幅。集團唔再打香江市場，唔使捱貴租，而喺祖國，又有內需 Back up，繼續好收成。又當金利來 2012年度無晒物業增值及祖國地產銷售利潤，核心溢利 Keep住喺四億銀，預期 PE都係得 8.2倍。再講，金利來揸住淨現金 10億銀，而單喺 2011年度，現兜兜每股派息 0.255元，息率高企 7厘，無花無假，財政穩陣到爆，息率回報又勁吸引。呢期金利來貼近 2010年高位，繼續等爆上，以 2012年預期 PE 12倍做目標，目標價 4.7元，潛在回報率 40%。呢個 PE水位，喺內需 Sector嚟講，仲係好平。

泛亞環保現金多

泛亞環保（ 556）上年底嘅淨現金 7.5億銀，係現金牛，計計數，每股淨現金高達 0.94元，現價（ 0.72元）仲要低過每股淨現金值。又集團呢個三年低殘價，相對每股 NAV 1.87元，就大幅折讓 61%，水務股當中，泛亞算係吸引。呢期泛亞喺底部平均線疊埋一齊，短線博爆升一轉，上望 0.86元，泛亞未有耐到 NAV。
62 : GS(14)@2012-04-09 10:01:55

一啖砂糖一啖屎
63 : GS(14)@2012-04-09 10:02:11

533唔好買啦
64 : J J(1180)@2012-04-09 15:01:18

都唔知係咪俾你地寸得多 今次整番隻金利來出嚟 完全都唔係佢揀股風格
65 : freecow(1747)@2012-04-09 15:07:35

完全唔係佢風格
66 : GS(14)@2012-04-09 16:15:24

yes, he like somewhat old thousand cheap rather than cheap
67 : 龍生(798)@2012-04-09 16:51:11

亦真亦假先呃到人嘛

而且nav折讓同pe 預期息率一向都係佢招式

今次也不例外
68 : idsdown(1658)@2012-04-09 18:22:14

64樓提及
都唔知係咪俾你地寸得多 今次整番隻金利來出嚟 完全都唔係佢揀股風格


X2

估計佢經常來呢度
69 : greatsoup38(830)@2012-04-15 12:48:50

http://hk.apple.nextmedia.com/te ... 778&coln_id=6795051


呢排想洗底?
70 : 鉛筆小生(8153)@2012-04-15 23:37:42

69樓提及
http://hk.apple.nextmedia.com/template/apple/art_main.php?iss_id=20120415&sec_id=15307&subsec_id=15326&art_id=16248978&cat_id=5886778&coln_id=6795051


呢排想洗底?


好市推垃圾, 爛市推好一點
71 : GS(14)@2012-04-16 21:42:33

希望是
72 : greatsoup38(830)@2012-05-06 17:09:09

http://hk.apple.nextmedia.com/financeestate/art/20120506/16311369

中國稀土（769） PB平過同類一大截，又係現金牛，。中國稀土主打稀土產品及耐火材料產銷，最新 NAV2.45元，現價（2.16元）嘅 PB，喺一倍樓下，祖國包鋼稀土（滬：600111） PB講緊14倍，其他類近企業， PB都超過1字頭，中國稀土平通街。中國稀土去年底，揸住現金15億銀，又無負債，係超級現金牛，穩陣到痹。而稀土產品物以罕為貴，祖國政府對呢類稀有產品嘅上游供給，又嚴格控制，加埋工業領域應用性廣泛，供應少，需求 Keep住大，集團繼續肥仔水。唔好估多，中國稀土2012年度純利係咁意增長20%到6億銀， PE得五倍幾。呢轉博集團升三成到2.8元， PB仲係一倍多少少， PE未上到雙位數，相對同業，集團仲係好平。

知唔知佢D現金假?
73 : GS(14)@2012-05-13 11:44:06

http://hk.apple.nextmedia.com/financeestate/art/20120513/16331825


英皇國際（163）揸住唔少超筍物業，又有唔錯售樓成績，。英皇 NAV4.1元，現價（1.36元）折讓近67%，折讓又係心動嗰隻。英皇喺銅鑼灣羅素街，揸咗唔少投資物業，呢個地段，係祖國自由行必遊嘅消費熱點，條街物業估值不菲。而嚟緊日子，集團又有嚟自淺水灣海灘道投資物業投入服務，加埋跑馬地英皇駿景酒店計劃重建豪宅，另太子道西及干諾道西住宅項目， NAV繼續有又重秤空間。又英皇三個港島主打樓盤，累銷過30億銀，集團家陣總市值，都不過50億，樓盤變現好豐厚。隨住項目落實2012和2013年度入賬，英皇業績繼續肥仔水。呢轉住1.3元撈一轉，博英皇 PB收窄到0.5倍，唔係好過份，但集團價見兩蚊，已經翻半番。
中國製藥折讓大

中國製藥（1093）因為維生素 C大跌價，剛公佈2012年度首季業績見紅，兼發埋盈警，半年度都可能見紅。集團喺黎明前黑暗，業績未 Turn Around時，最新 NAV折讓59%，有唔錯折讓墊底，有得諗吓。呢轉以金融海嘯價1.24元做兜底價，同樣博 PB收窄到0.5倍，集團見1.93元，又係另一隻中短線博翻半番精選。
錢雋
74 : 200(9285)@2012-05-13 12:32:30

楊先生d股也好買，傻既‧
75 : greatsoup38(830)@2012-05-13 12:36:17

74樓提及
楊先生d股也好買，傻既‧


我都買左
76 : greatsoup38(830)@2012-05-13 12:36:29

現在賴晒野
77 : 200(9285)@2012-05-13 12:39:29

陰公了‧
78 : idsdown(1658)@2012-05-13 15:51:22

76樓提及
現在賴晒野


真係中左招, 好在無跟
79 : wilyty(1376)@2012-05-13 16:16:58

76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley
80 : GS(14)@2012-05-13 16:28:58

79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉
81 : wilyty(1376)@2012-05-13 17:53:26

80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉


ha! 从為你d平貨, 乜你買完唔睇住個價既smiley
82 : GS(14)@2012-05-13 18:00:26

81樓提及
80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉


ha! 从為你d平貨, 乜你買完唔睇住個價既smiley


Yes ar... If I know the value... I will not read the price again... If I have money, I will buy more...but I have used my money smileysmileysmiley
83 : 雪貓(1200)@2012-05-13 22:38:27

80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉

拔刺兄？好耐唔見佢喎
84 : GS(14)@2012-05-13 22:55:48

83樓提及
80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉

拔刺兄？好耐唔見佢喎


昨日跟他通電
85 : 雪貓(1200)@2012-05-13 23:27:31

84樓提及
83樓提及
80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉

拔刺兄？好耐唔見佢喎


昨日跟他通電

好似YAHOO BLOG同依度都唔見佢啦
86 : GS(14)@2012-05-14 00:09:46

85樓提及
84樓提及
83樓提及
80樓提及
79樓提及
76樓提及
現在賴晒野


你咁慘,又驚, 我挨義氣要左佢smiley
( but will sell on monday to get profit)smiley


我今次輸好多，昨日拔兄提提我先睇股價...唉

拔刺兄？好耐唔見佢喎


昨日跟他通電

好似YAHOO BLOG同依度都唔見佢啦


他話唔方便上來，我勸過他幾十次，唯有下一次再試
87 : greatsoup38(830)@2012-05-20 10:55:13

http://hk.apple.nextmedia.com/financeestate/art/20120520/16352631


麗豐（1125）呢期插到近供股價，繼續大折讓，有得諗吓。麗豐2月公佈1供1，啱喺 EGM通過咗。而呢次供股，每股供股價0.125元，麗豐現價0.129元，已經跌至挨近供股價。又就算連埋呢次供股攤薄效應反映，麗豐每股 NAV都有0.624元，現價係大幅折讓79%，誇張到不得了。再講，麗豐啱今年1月底數字，投資物業總值上百億銀，佔咗總資產值65%。投資物業當中，包括上海香港廣場及廣洲五月花廣場，全部重秤噹噹聲，單係投資物業，已經夠晒墊底。又麗豐呢期供股，集資淨額9.9億銀，連埋手頭現金，應該上到22.4億銀，有足夠銀彈供日後發展。呢轉麗豐再跌，吼實0.125元個位兜轉，折讓收窄到70%，麗豐都要翻近半番到0.187元。
88 : wilyty(1376)@2012-05-20 13:16:45

Louis 兄己落注? smiley
89 : GS(14)@2012-05-20 13:17:20

我就認為他玩夠未呀
90 : thenotebook(27459)@2012-05-20 21:50:33

我仲記得初初見到E個post果時,,,以為係一周踼爆2個老千股0.0
91 : GS(14)@2012-05-20 21:50:58

你這樣想都無所謂
92 : greatsoup38(830)@2012-05-27 14:55:07

http://hk.apple.nextmedia.com/financeestate/art/20120527/16371825
橙天嘉禾（1132）喺三年低位打底，現金牛，有得諗吓。橙天嘉禾最新手頭現金有7.5億銀，借貸5億銀，仲有淨現金2.5億銀，財政冇問題之餘，又有足夠銀彈去擴展。又橙天嘉禾現價0.285元，已經跌到近三年谷底，之後一路橫行打底，而呢個低殘價嘅 NAV折讓，高達50%，亦冇好怕。再講，上年市場吹風，話集團計劃分拆台灣業務，喺寶島上市。雖則，呢壇製作仲未聞樓梯響，但相信市況一配合，行動去馬，地區業務價值一釋放，橙天嘉禾 NAV又水漲船高。中線嚟睇，祖國項目就更加吸引。收集橙天嘉禾，短打望上番一年橫行頂0.375元，回報率32%。買入中線博分拆成事，上望一倍 PB，現價翻一番，唔係好過份。
天業博返1字頭

天業節水（840）呢期陰乾落，幾乎去番上年10月低位，而現價0.88元相對 NAV1.66元嘅折讓，高達47%，環保節水板塊當中，天業算係殘。又天業終極控股，係農八師國資委，股東實力唔係講笑。呢轉天業再跌，吼實挨近上年10月底部0.75元左右兜轉，望上番1字頭，回報率33%，天業未有耐上到 NAV。

錢雋
93 : GS(14)@2012-06-10 11:07:55

http://hk.apple.nextmedia.com/financeestate/art/20120610/16412814

勤+緣價殘折讓大

勤+緣（2366）最近獲爆棚哥陳國強旗下錦興（275）購近10.7%，計計數，每股成本價0.1元。勤+緣現價（9.7仙）仲要輕微潛水。又勤+緣連埋前排供股，每股 NAV都有0.35元，現價係大幅折讓73%，以祖國主打嘅媒體股，勤+緣真係殘到爆炸。呢轉跟爆棚哥上車，勤+緣翻半番咁計，上到0.14元，折讓仲係高達60%。
錢雋
94 : 200(9285)@2012-06-10 12:26:45

93樓提及
http://hk.apple.nextmedia.com/financeestate/art/20120610/16412814

勤+緣價殘折讓大
勤+緣（2366）最近獲爆棚哥陳國強旗下錦興（275）購近10.7%，計計數，每股成本價0.1元。勤+緣現價（9.7仙）仲要輕微潛水。又勤+緣連埋前排供股，每股 NAV都有0.35元，現價係大幅折讓73%，以祖國主打嘅媒體股，勤+緣真係殘到爆炸。呢轉跟爆棚哥上車，勤+緣翻半番咁計，上到0.14元，折讓仲係高達60%。
錢雋


呢d咁既股也叫人買
95 : 鉛筆小生(8153)@2012-06-10 20:12:28

一啖砂糖一啖
96 : Louis(1212)@2012-06-10 21:36:31

2366勤+緣一度是曾淵滄的愛股。
97 : GS(14)@2012-06-10 22:16:52

96樓提及
2366勤+緣一度是曾淵滄的愛股。


他同人乜人熟咪推D乜囉
98 : greatsoup38(830)@2012-06-17 12:04:03

http://hk.apple.nextmedia.com/financeestate/art/20120617/16433033

中渝置地（1224）喺內房股當中，超級大落後，抵搞。中渝最新 NAV5.2元，現價（1.98元）大折讓61%。呢期好多內房特別係龍頭唔覺唔覺，已經創咗或貼住一年高位。就連之前推介過、又供過股嘅新中（917），亦創埋52周新高，中渝係無乜點郁，價殘兼大折讓，好吸引。再講，中渝手頭現金過67億銀，淨借款比率20%唔夠，手頭大把銀彈，冇有怕。中渝今年頭五個月，累售近27億銀，而上年尾還累積咗未確認嘅收入上百億銀，隨住呢批收入入賬，已經支持到中渝嚟緊成績單。嚟緊日子，只要阿爺一鬆手，中渝又可以享受另一轉水漲船高豐收期。呢期中渝兜緊個靚仔圓底，博上到量度目標2.8元，潛在回報率四成過外，目標價未有耐到 NAV。
99 : 亞力士(1473)@2012-06-18 00:34:47

中渝置地（1224）喺內房股當中，超級大落後，抵搞。

<-------

朱扒係呢堆女當中，超級大落後，抵搞。
100 : 鉛筆小生(8153)@2012-06-18 03:25:26

99樓提及
中渝置地（1224）喺內房股當中，超級大落後，抵搞。
<-------

朱扒係呢堆女當中，超級大落後，抵搞。


內房754 也吸引
101 : GS(14)@2012-06-18 22:58:44

100樓提及
99樓提及
中渝置地（1224）喺內房股當中，超級大落後，抵搞。
<-------

朱扒係呢堆女當中，超級大落後，抵搞。


內房754 也吸引


管理層煩
102 : GS(14)@2012-06-24 10:27:11

http://hk.apple.nextmedia.com/financeestate/art/20120624/16454047



佳景（703）上個月創一年高位後，一路打橫行，。佳景主打澳門餐飲，2011年度純利翻過一番，到9100萬銀，追貼大快活（052），但往績 PE，都係得5倍幾，真係平通街。又佳景家陣喺馬交餐飯，由高檔到中檔次，以至大眾化美食廣場，都包羅晒，而所經營餐廳嘅總建築面積，加埋晒過10萬平方呎，有好大競爭優勢。再講，今年頭四個月，遊澳嘅祖國旅客人數，繼續錄到增幅，嚟緊日子，又有暑假檔期，應該保障到佳景下半年業績。係咁易計數，佳景2012年度純利增長20%咁大把，純利上扣一億銀，預期 PE得4倍幾，好吸引。呢轉住佳景打底位0.77元兜轉，博股價再衝一年高位1.09元，潛在回報率41%，集團 PE未有耐上到雙位數。
川河冷吼翻半番

川河（281）手頭淨現金貼近4億銀，計計數，相當於每股0.146元，川河現價都係講緊得0.2元，係內房股中，少有淨現金牛，川河穩陣到爆。再講，川河 NAV0.59元，現價折讓66%， NAV仲未計嚟自湯臣（258）及集團聯營內房中線增值，折讓亦係好吸引。中線冷吼，翻半番到0.3元，川河亦係未有耐上到 NAV。
錢雋
103 : GS(14)@2012-07-02 23:24:59

http://hk.apple.nextmedia.com/financeestate/art/20120702/16476189


資本策略博升20%

資本策略（497）貼近半年高位，等破位，。資策2011年度（3月底止）出售投資性物業大豐收，資產值大幅增加17億銀，每股 NAV上到0.72元，現價（0.34元）折讓52.7%，而集團淨借貸比率4%都唔夠，穩陣到爆。呢轉吼實0.31元個位，資策若果後抽，喺呢個位兜轉，博升20%到0.37元， PB未有耐上到一倍。

錢雋
104 : greatsoup38(830)@2012-07-08 09:59:25

http://hk.apple.nextmedia.com/financeestate/art/20120708/16493996



麗豐（1125）超級大落後，趁住呢期內房郁郁吓，。麗豐呢期供完股，斷估短期內都唔會伸手，而集團每股供股價0.125元，現價（0.143元）唔係差好遠。又麗豐連供股攤薄後，每股 NAV都挨近0.63元，現價係大幅度折讓77.5%，同磅數內房股，麗豐呢個折讓，流晒口水。再講，呢次供股，集團股東豐德麗（571）包銷，持股量由供股前40.58%，增加到47.39%，喺市場信心低劣期時，大股東真金白銀投麗豐信心一票。而祖國減息期開始，隨住阿爺一路寬鬆，為資產升值潮鋪好條路，麗豐一樣受惠，麗豐家陣鹹豆價，仲唔抵執？呢期唔少內房已彈起，兼創埋一年新高，麗豐仲未郁，搞落後，亦有得諗。現價翻半番到0.21元，麗豐折讓仍高達66%。
105 : greatsoup38(830)@2012-07-15 11:04:35

http://hk.apple.nextmedia.com/financeestate/art/20120715/16514788

106 : 鉛筆小生(8153)@2012-07-18 00:10:26

297 是好東西
107 : GS(14)@2012-07-18 00:17:38

OK啦
108 : 鉛筆小生(8153)@2012-07-18 00:19:11

107樓提及
OK啦

明年一定一個DOUBLE
109 : david395(4434)@2012-07-29 11:11:24

一周兩件：富豪產託追落後



富豪產業信託（1881）仲喺半年底部載浮載沉，有得諗。呢期個市橫風橫雨，唔少資金避風，泊咗落 REITs度，扯到部份 REITs價格，升咗唔少，富豪產託仲喺半年低位，大落後。又以富豪產託喺本港酒店營運，有佢規模及競爭優勢，加埋香港總體酒店業表現，仍然可以，應該支持到富豪產託本年度業績。又好保守當富豪產託本年度派息，只係 Keep到上年水平，每基金單位派息12仙，現價（1.88元）計，息率回報都上到6.4厘，相對其他房產信託基金，息率一啲唔輸蝕。再講，富豪產託 NAV貼近4蚊，現價折讓53%， REITs當中，折讓亦算係吸引。呢轉博富豪產託升三成到2.45元，目標價未有耐上到 NAV，息率回報仲高達5厘，仲係好吸引。
丹楓價殘博反彈

丹楓（271）3月以嚟跟住個市走，一跌就跌到近25日線，9RSI插到18超賣區。而喺呢段期間，就有唔少同磅數磚頭股，逆市向上。丹楓呢個低殘價（0.82元），相對 NAV2.9元嘅折讓，高達72%。莫忘記，集團物業係紅山半島，夠硬淨，折讓亦吸引到痹。就當超賣博反彈，丹楓現價升20%到0.98元，未有耐上到 NAV。
錢雋
110 : david395(4434)@2012-07-29 11:11:39

http://hk.apple.nextmedia.com/financeestate/art/20120729/16555810
111 : greatsoup38(830)@2012-07-29 11:17:33

109樓提及
一周兩件：富豪產託追落後
富豪產業信託（1881）仲喺半年底部載浮載沉，有得諗。呢期個市橫風橫雨，唔少資金避風，泊咗落 REITs度，扯到部份 REITs價格，升咗唔少，富豪產託仲喺半年低位，大落後。又以富豪產託喺本港酒店營運，有佢規模及競爭優勢，加埋香港總體酒店業表現，仍然可以，應該支持到富豪產託本年度業績。又好保守當富豪產託本年度派息，只係 Keep到上年水平，每基金單位派息12仙，現價（1.88元）計，息率回報都上到6.4厘，相對其他房產信託基金，息率一啲唔輸蝕。再講，富豪產託 NAV貼近4蚊，現價折讓53%， REITs當中，折讓亦算係吸引。呢轉博富豪產託升三成到2.45元，目標價未有耐上到 NAV，息率回報仲高達5厘，仲係好吸引。
丹楓價殘博反彈
丹楓（271）3月以嚟跟住個市走，一跌就跌到近25日線，9RSI插到18超賣區。而喺呢段期間，就有唔少同磅數磚頭股，逆市向上。丹楓呢個低殘價（0.82元），相對 NAV2.9元嘅折讓，高達72%。莫忘記，集團物業係紅山半島，夠硬淨，折讓亦吸引到痹。就當超賣博反彈，丹楓現價升20%到0.98元，未有耐上到 NAV。
錢雋


我真是想罵人，唔好辣我D股得唔得，搶貴晒D貨
112 : idsdown(1658)@2012-07-29 11:38:23

111樓提及
109樓提及
一周兩件：富豪產託追落後
富豪產業信託（1881）仲喺半年底部載浮載沉，有得諗。呢期個市橫風橫雨，唔少資金避風，泊咗落 REITs度，扯到部份 REITs價格，升咗唔少，富豪產託仲喺半年低位，大落後。又以富豪產託喺本港酒店營運，有佢規模及競爭優勢，加埋香港總體酒店業表現，仍然可以，應該支持到富豪產託本年度業績。又好保守當富豪產託本年度派息，只係 Keep到上年水平，每基金單位派息12仙，現價（1.88元）計，息率回報都上到6.4厘，相對其他房產信託基金，息率一啲唔輸蝕。再講，富豪產託 NAV貼近4蚊，現價折讓53%， REITs當中，折讓亦算係吸引。呢轉博富豪產託升三成到2.45元，目標價未有耐上到 NAV，息率回報仲高達5厘，仲係好吸引。
丹楓價殘博反彈
丹楓（271）3月以嚟跟住個市走，一跌就跌到近25日線，9RSI插到18超賣區。而喺呢段期間，就有唔少同磅數磚頭股，逆市向上。丹楓呢個低殘價（0.82元），相對 NAV2.9元嘅折讓，高達72%。莫忘記，集團物業係紅山半島，夠硬淨，折讓亦吸引到痹。就當超賣博反彈，丹楓現價升20%到0.98元，未有耐上到 NAV。
錢雋

我真是想罵人，唔好辣我D股得唔得，搶貴晒D貨


你咁鬼揚
上報紙唱衰人, 仲唔有仇報仇?
113 : greatsoup38(830)@2012-07-29 11:39:41

今次真是自作自受啦
114 : Wilbur(1931)@2012-07-29 11:59:01

111樓提及
109樓提及
一周兩件：富豪產託追落後
富豪產業信託（1881）仲喺半年底部載浮載沉，有得諗。呢期個市橫風橫雨，唔少資金避風，泊咗落 REITs度，扯到部份 REITs價格，升咗唔少，富豪產託仲喺半年低位，大落後。又以富豪產託喺本港酒店營運，有佢規模及競爭優勢，加埋香港總體酒店業表現，仍然可以，應該支持到富豪產託本年度業績。又好保守當富豪產託本年度派息，只係 Keep到上年水平，每基金單位派息12仙，現價（1.88元）計，息率回報都上到6.4厘，相對其他房產信託基金，息率一啲唔輸蝕。再講，富豪產託 NAV貼近4蚊，現價折讓53%， REITs當中，折讓亦算係吸引。呢轉博富豪產託升三成到2.45元，目標價未有耐上到 NAV，息率回報仲高達5厘，仲係好吸引。
丹楓價殘博反彈
丹楓（271）3月以嚟跟住個市走，一跌就跌到近25日線，9RSI插到18超賣區。而喺呢段期間，就有唔少同磅數磚頭股，逆市向上。丹楓呢個低殘價（0.82元），相對 NAV2.9元嘅折讓，高達72%。莫忘記，集團物業係紅山半島，夠硬淨，折讓亦吸引到痹。就當超賣博反彈，丹楓現價升20%到0.98元，未有耐上到 NAV。
錢雋

我真是想罵人，唔好辣我D股得唔得，搶貴晒D貨


射2中2, 100%命中率!
115 : greatsoup38(830)@2012-07-29 12:02:27

呢條人你搞你D老千股就夠啦，唔好搞我那些，回去
116 : GS(14)@2012-08-12 13:03:11

http://hk.apple.nextmedia.com/financeestate/art/20120812/16596337



保華殘到爆值撈

保華集團（498）上年以18.5億港銀，成功出售祖國洋口港絕大部份權益，成功為項目增值變現，兼避過環球經濟衰退，眼光獨到。再有新搞作前，集團最新 NAV一蚊，現價（0.174元），喺三年低位，跌到只有 NAV一折幾水位，殘到不得了。呢轉冷灶煲一煲，博保華升兩成到0.21元，到時嘅 NAV折讓，仲高達79%。
錢雋
117 : GS(14)@2012-08-19 16:33:06

http://hk.apple.nextmedia.com/financeestate/art/20120819/16616476

遠展（035）橫行半年，幾條平均線疊埋一齊，等爆。報章資料話，遠展喺今年3月底數據，預售樓花達到48億銀，香港佔咗3億銀，其餘包括海外袋鼠國40億銀及星洲5億銀。遠展家陣市值幾多？24億銀咁大把。又呢期香江樓市火紅，遠展已經計劃推出西洋菜北街項目，相信個盤應該會去得唔錯，亦進一步支持總體賣樓成績。而集團物業發展大豐收，相信嚟緊日子嘅成績單，肥過肥仔水，靚爆鏡。又唔計磚頭重秤，遠展 NAV3.8元，折讓63%。正當呢期已經有唔少同級磚頭股炒到飛起，遠展仲橫行唔郁之時，呢個折讓就顯得吸引。唔好大貪，買遠展，博升三成計，目標價1.83元， NAV折讓51%，仲有大把再向上收窄空間。



威華達趁低落鑊

威華達（622）話尋求出售揸住嘅港華燃氣（1083），餘下最多1.95億股，每股售價唔會低過4.2元。就以呢個價計計數，等值8.2億銀，已經超過集團總市值5.9億銀，威華達超平。又集團單喺上年底，另揸淨現金13億銀，係超級現金牛。呢轉趁鑊氣成形，兜轉博升20%，到貼近0.1元，未有耐上到 NAV0.49元。
錢雋
118 : greatsoup38(830)@2012-08-26 16:12:01

http://hk.apple.nextmedia.com/financeestate/art/20120826/18000359


廣南（1203）嚟緊星期二派成績表，股價再跌，兜底。廣南就2012年半年度業績，發咗盈警，部份原因係非經營因素，加埋上半年原材料價，又係舞龍咁舞，所以，純利會大減。但要咁睇，廣南主打馬口鐵及鮮活食品加工，兩瓣數涉及民生，而阿爺又肯落實以內需推動經濟嘅長期政策，尤其前邊馬口鐵項目，中線應該食到內需潮。Before that，廣南家陣得番0.87元，NAV折讓上到六成樓上，加埋手頭現金4億銀，應該好易度過風雨期。又呢期推介兩隻抄底股包括中外運（598）及中國製藥（1093），有唔錯表現。廣南價殘，反映唔少負面嘢，有機。呢轉廣南業績公佈，一質穿0.8元撈底，中線上番1蚊，有貼近30%回報，兼未有耐上到NAV2.25元。
119 : GS(14)@2012-09-02 11:11:29

http://hk.apple.nextmedia.com/financeestate/art/20120902/18005806



麗展價殘追落後

麗新發展（488）最新NAV0.64元，現價（0.139元）折讓高達78%。本地磚頭股當中，麗展有咁嘅折讓，流曬口水。又呢期香江樓市繼續癲狂，麗展呢段日子，亦繼續有住宅出售，食住呢個火燙潮，應該肥仔水，NAV有調升空間。呢轉買落後，短打麗展，係咁意博升20%到0.17元，折讓仲高達74%，唔係好過份。
120 : 鉛筆小生(8153)@2012-09-02 11:35:45

119樓提及
http://hk.apple.nextmedia.com/financeestate/art/20120902/18005806

麗展價殘追落後
麗新發展（488）最新NAV0.64元，現價（0.139元）折讓高達78%。本地磚頭股當中，麗展有咁嘅折讓，流曬口水。又呢期香江樓市繼續癲狂，麗展呢段日子，亦繼續有住宅出售，食住呢個火燙潮，應該肥仔水，NAV有調升空間。呢轉買落後，短打麗展，係咁意博升20%到0.17元，折讓仲高達74%，唔係好過份。


某程度, 只看資產來說
我真的很喜歡488
121 : GS(14)@2012-09-02 11:47:00

我其實更喜歡1125或571，不過他們太賤了
122 : 鉛筆小生(8153)@2012-09-02 11:48:31

121樓提及
我其實更喜歡1125或571，不過他們太賤了


連PASSPORT 都攻不下, 咱們唯有遠望
123 : greatsoup38(830)@2012-09-09 13:03:37

http://hk.apple.nextmedia.com/financeestate/art/20120909/18011345



時富夠鑊氣短炒

時富金融（510）最新NAV0.23元，現價（0.067元）嘅折讓，亦高達70%，又係另一家低殘證券股。又時富唔係好似上邊第一上海，有淨現金，但淨借貸只係3500萬銀，淨借貸比率3.8%，好安全。對上星期，時富股價未點郁，成交先嚟料，趁鑊氣成形，嚟轉短打博升20%到0.079元，亦係未有耐上到NAV。
錢雋
124 : 香港自由人(32603)@2012-09-09 16:56:06

Ching，你點睇326?
125 : GS(14)@2012-09-09 22:37:28

124樓提及
Ching，你點睇326?


可以當老千股，建議不理會，這個貼建議你看看
http://realforum.zkiz.com/thread.php?tid=34165
126 : 香港自由人(32603)@2012-09-09 23:54:01

本來我想搵睇下仲有無澳門概念股係未起飛嘅，睇睇下見到呢隻，但係佢老細嘅動作多到...睇到我眼花瞭亂。
127 : ijoe79(20432)@2012-09-10 03:35:21

我屋企輸279輸足三代!
到我d代,決定改變狀况,唔再掂老千股,正正經經咁做足功課投資!
由2010至今都尚算满意
128 : provleng(11142)@2012-09-10 16:10:25

127樓提及
我屋企輸279輸足三代!
到我d代,決定改變狀况,唔再掂老千股,正正經經咁做足功課投資!
由2010至今都尚算满意

老千股真係唔好攪,一間公司管理層有心
129 : provleng(11142)@2012-09-10 16:13:15

128樓提及
127樓提及
我屋企輸279輸足三代!
到我d代,決定改變狀况,唔再掂老千股,正正經經咁做足功課投資!
由2010至今都尚算满意

老千股真係唔好攪,一間公司管理層有心

老千股真係唔好攪,一間公司管理層有心搵小股東錢的話,基本上這個地球無咩人可阻止佢,無謂嘥錢,時間和精神和他玩.
130 : GS(14)@2012-09-10 23:19:13

126樓提及
本來我想搵睇下仲有無澳門概念股係未起飛嘅，睇睇下見到呢隻，但係佢老細嘅動作多到...睇到我眼花瞭亂。


知唔知老細是乜水，亂買你就輸了
131 : GS(14)@2012-09-10 23:19:48

129樓提及
128樓提及
127樓提及
我屋企輸279輸足三代!
到我d代,決定改變狀况,唔再掂老千股,正正經經咁做足功課投資!
由2010至今都尚算满意

老千股真係唔好攪,一間公司管理層有心

老千股真係唔好攪,一間公司管理層有心搵小股東錢的話,基本上這個地球無咩人可阻止佢,無謂嘥錢,時間和精神和他玩.


我好憤怒呢d公司，他們是為錢，不是為股東權益的
132 : greatsoup38(830)@2012-09-16 14:45:00

http://hk.apple.nextmedia.com/financeestate/art/20120916/18017163

天業節水（840）跌到近08金融海嘯低位，抵博。天業2012年半年度（6月底止）純利得700萬銀人仔，兼倒退超過五成，老實講，業績一啲都唔吸引。但要咁睇，呢期市場逐個板塊輪住炒阿爺嘅新刺激政策。天業主打節水項目，呢個瓣數，一路都有阿爺環保國策所支持，所以，斷估有新經濟措施投入，節水及水利板塊，應該係阿爺選擇。又天業現價跌到得番0.7元，貼近08年金融海嘯價，相對NAV1.68元，折讓近60%。喺節水板塊當中，相信無邊家公司，夠天業折讓咁吸引。再講，天業對口單位，又係新農八師國有資產管理委員會，後台夠硬淨。呢轉博資金埋身，冷灶煲一煲，博天業升三成到0.9元，股價仲未有耐上到NAV。
133 : greatsoup38(830)@2012-09-23 14:29:16

http://hk.apple.nextmedia.com/financeestate/art/20120923/18022660


泛海集團（129）仲喺1年橫行底載浮載沉，超級大折讓兼大落後，抵買。泛海連埋酒店價值蒲面，每股NAV13蚊，現價（1.34元）折讓，高達90%，現兜兜NAV1折有售。又泛海揸住包括歐美地區嘅財務資產，值35億銀。不妨好保守咁，將呢筆數全部撇減，每股NAV調整到10.50元，折讓仍然高達87%，離曬大譜。莫忘記，呢期花旗一推QE3，香港樓市火上加油，而泛海所佔香港物業、土地組合，樓面達到136萬平方呎，遠少少嘅澳門，應佔土儲樓面面積，亦上到170萬平方呎。呢批組合嘅升值潛力，肯定唔嘢少，泛海嚟緊日子，肥過肥仔水。呢轉買泛海，真係係咁意博翻半番到1.98元，折讓仲講緊高達85%。




佳景業績靚兼平霸

佳景集團（703）2012年半年度純利6000萬銀，增長咗九成，靚仔到爆。又集團喺濠江餐飲業，有非常優勢，加埋旅業暢旺，就當集團全年度純利起個孖，到1.2億銀，PE得5倍多少少。場內大快活（052）PE上到15倍，龍頭大家樂（341）貼近27倍，佳景平霸。呢轉博佳景翻半番到1.70元，預期PE都未上到雙位數。
錢雋
134 : GS(14)@2012-10-02 13:04:11

http://hk.apple.nextmedia.com/financeestate/art/20121002/18029585




渝港國際（613）系全線大折讓，以近期交投揀，博控股渝港。渝港每股NAV0.24元，現價0.05元，相對NAV折讓，就高達79%。而家陣渝港透過渝太地產能（075）揸咗兩幢超筍商廈，包括尖沙嘴彩星中心及中環世紀廣場。單係07年底到今年6月底，投資物業價值都翻咗近半番，到35億銀。呢個數額，仲未計呢潮美國推QE，香江物業市場火紅火綠因素，控股渝港家底都升值唔少，但家陣集團股價同08金融海嘯價，實在差無幾，殘到爆。再講，渝港呢個NAV，又係未計佢揸住嘅內房股中渝置地（1224）中長線升值因素，講增值、講折讓因素，渝港一啲唔輸蝕。呢期磚頭股逐隻炒，渝港鑊氣多少少，揀渝港兜轉，博升三成到0.066元，折讓仲超過70%。
遠展超筍博半番

遠東發展（035）NAV貼近8蚊，現價大大折讓78%，又係另一家超筍磚頭股。又遠展預售樓盤，暫時已經錄到40億銀銷售額。唔計酒店項目未來進一步增值，單係住宅預售入賬，集團家底及嚟緊幾年業績，已經肥過肥仔水。呢轉買遠展，吼實1.64元平台區兜底，折讓係咁意到70%，要見2.40元，潛在回報率近半番。
錢雋
135 : greatsoup38(830)@2012-10-07 12:13:35

http://hk.apple.nextmedia.com/financeestate/art/20121007/18034292






橙天嘉禾（1132）打橫行咗一季，係時候。橙天2012年上半年度，純利飆升咗兩倍到4000萬銀。踏入下半年，有好似《蝙蝠俠》、《蜘蛛俠》等等好戲，加埋呢期祖國媒體報導，到下半年，祖國電影票房keep住好景，到9月底九個月，總票房應該達到125億人仔。橙天食住電影消費熱，繼續好靚仔。唔好估多，集團2012年度純利係咁意增長20%，到1.15億銀，預期PE得8倍幾單位數，比起好多同業吸引。再講，橙天呢幾年台灣業務，亦搞得有聲有色，而集團前排亦話，有意將呢瓣業務分拆上市。相信呢壇製作起動，橙天亦有多個熱炒賣點。呢轉吼住0.35元兜轉，橙天2012年度預期PE上番11倍，要見0.47元，潛在回報率34%，PE仲未追到同業水位。
保華有勢宜冷敲

保華建業（577）由上次話有意進軍電影業，經除權但最後計劃turn down咗兼無派特別息後，到家陣股價橫行大半年，現價0.50元，同08金融海嘯價差冇幾。而呢期所見，除磚頭股外，建築股好似新昌營造（404）及有利（406）都辣起埋。同類股有勢，冷敲保華，博升20%到0.60元，未有耐上到NAV1.05元。
錢雋
136 : 寧采臣(25759)@2012-10-07 12:22:38

個專欄好有風格, 甚稱PB NAV專家smiley
137 : greatsoup38(830)@2012-10-07 12:27:54

136樓提及
個專欄好有風格, 甚稱PB NAV專家smiley


他真是專家來的，有d正的、低PEPB唔提
138 : 寧采臣(25759)@2012-10-07 12:30:24

137樓提及
136樓提及
個專欄好有風格, 甚稱PB NAV專家smiley

他真是專家來的，有d正的、低PEPB唔提


所以真是有風格, 起碼夠一致性

同埋我覺得真係有人信
139 : 寧采臣(25759)@2012-10-07 12:31:22

點解你唔係報紙寫專欄, 順面宣傳RF?
140 : greatsoup38(830)@2012-10-07 12:34:50

139樓提及
點解你唔係報紙寫專欄, 順面宣傳RF?


我唔會的，我就算寫都改第2個名，用第2種風格寫，哈哈...RF 件貨如果是好，又唔等錢使，點解要宣傳，人自己都識入來啦，慢慢搞大佢先是正道，反而我對人地用得舒唔舒服或者順手會有更大要求

我最怕別人有種偏見，RF 淨是講股或者是細價股，事實上，我同壇主傾好左，RF唔會淨是得股，zkiz.com 的方向是多元的，只是暫時未夠大，唔夠多人
141 : greatsoup38(830)@2012-10-07 12:39:25

138樓提及
137樓提及
136樓提及
個專欄好有風格, 甚稱PB NAV專家smiley

他真是專家來的，有d正的、低PEPB唔提

所以真是有風格, 起碼夠一致性
同埋我覺得真係有人信


正得來有d邪，正如wilsonchui 講d大行用QE3賣MBS Fund其實異曲同工，唔是黑唔是白最難分
142 : 寧采臣(25759)@2012-10-07 12:42:12

依D先恐怖
143 : greatsoup38(830)@2012-10-07 12:43:59

142樓提及
依D先恐怖


所以需要更高的智慧
144 : greatsoup38(830)@2012-10-14 12:12:36

http://hk.apple.nextmedia.com/financeestate/art/20121014/18039838


中渝置地（1224）啱啱公佈近季度數據，靚仔到爆，有得諗。中渝今年頭四個月嘅累計銷售額，按年仲係錄到跌幅。但集團呢期公佈頭九個月嘅內房銷售額，按年增加咗11%，到近50億銀人仔，而單喺9月份，就升咗40%到9.6億銀人仔。由第二季開始發力，兼越賣越好，靚仔到痹。再講，尤其第一季唔多盞環境底下，中渝到6月底嘅半年底純利仍然錄得35%增長，達2億銀，預售收益豐厚，又有墊底作用。
又唔計任何重秤，中渝家陣NAV5蚊，折讓66%，亦係好吸引。家陣市場環境唔就內房，冇得講，但好似港資磚頭股，頭兩季郁都唔郁，但價殘物超所值，一個QE3就炒開巷。買定中渝，中線博翻半番到2.50元，未有耐到NAV。
145 : donaldleung0804(5940)@2012-10-14 17:24:16

留個名先，無哂d通知都唔知人群聚集左係邊
146 : greatsoup38(830)@2012-10-21 14:03:44

http://hk.apple.nextmedia.com/financeestate/art/20121021/18045226






威華達（622）揸住港華燃氣（1083），家底與日俱肥，抵搞。威華達到今年6月底，仲hold住港華1.95億股，港華上星期最高見6.25元，創出金融海嘯以嚟新高，以威華達最新揸住港華1.87億股計數，都等值近11.6億銀，兼且相當於每股0.16元。威華達家陣股價幾多？得9.9仙咁大把。集團揸住隻金蛋，潛在變現及套利，真係啖啖肉。再講，威華達本身又揸住淨現金12億銀，加埋所有高流動性資產嘅潛在變現，高達29億銀，股價細細粒，但係超級現金牛，足夠日後變身，市值斷估唔係呢個晒士。又呢轉細價嘢熱身，而威華達又啱啱破咗半年橫行頂，係咁意博翻半番到0.15元，NAV折讓仲係超過七成，實情仲有大把向上收窄空間。
中策整固宜收集

中策集團（235）到今年6月底嘅淨現金，高達5.85億銀，集團家陣市值幾多，講緊都係6億銀左右。即係話，中策每股淨現金，幾乎等同現價（0.168元），又係另一隻現金牛。而集團經呢個月頭炒升一轉後，正係唞唞整固緊，趁資金埋身作第二波抽升前收集，短打博升20%到0.20元，P/B1倍鬆少少，仲係好安全。
錢雋
147 : GS(14)@2012-10-28 09:27:26

http://hk.apple.nextmedia.com/financeestate/art/20121028/18050620





冠軍科技（092）現價係NAV嘅一折唔夠，博翻半番，有得諗。冠軍NAV1.22元，現價0.105元，貼住金融海嘯價，NAV折讓高達91%，即係話，冠軍現價得NAV一折左右，殘到爆。勻真啲減咗集團資產當中嘅開發成本39億銀，每股NAV得番0.58元。就算係咁，冠軍嘅NAV折讓仲係高達81%，離曬譜。
又冠軍2012年度（6月底止）純利6248萬銀，增長10%，家陣PE得10倍，已經唔係貴。而喺年度裡面，因應經營環境風險唔多盞，冠軍為求隱陣，確認一項系統網絡按金及開發減值1億銀。唔計呢項減值，每股純利起個孖有凸，PE得4倍左右。呢轉買冠軍，博翻半番到0.16元，折讓仍然高達86%，實情仲係好低殘。
再生能源獲扶持

中國再生能源（987）2012年半年度純利增長近5倍，到2668萬銀。溢利基礎細，冇乜意思，但業績冇問題，安全過渡。而最吸引係，集團家陣NAV折讓高達73%，加埋環保電力又係國策，阿爺久唔久又滲啲行業扶持措施，有得諗嚇。吼實0.20元橫行底兜轉，短打博升20%到0.24元，未有耐上到NAV0.77元。
錢雋
148 : provleng(11142)@2012-10-28 13:17:01

147樓提及
http://hk.apple.nextmedia.com/financeestate/art/20121028/18050620


冠軍科技（092）現價係NAV嘅一折唔夠，博翻半番，有得諗。冠軍NAV1.22元，現價0.105元，貼住金融海嘯價，NAV折讓高達91%，即係話，冠軍現價得NAV一折左右，殘到爆。勻真啲減咗集團資產當中嘅開發成本39億銀，每股NAV得番0.58元。就算係咁，冠軍嘅NAV折讓仲係高達81%，離曬譜。
又冠軍2012年度（6月底止）純利6248萬銀，增長10%，家陣PE得10倍，已經唔係貴。而喺年度裡面，因應經營環境風險唔多盞，冠軍為求隱陣，確認一項系統網絡按金及開發減值1億銀。唔計呢項減值，每股純利起個孖有凸，PE得4倍左右。呢轉買冠軍，博翻半番到0.16元，折讓仍然高達86%，實情仲係好低殘。
再生能源獲扶持
中國再生能源（987）2012年半年度純利增長近5倍，到2668萬銀。溢利基礎細，冇乜意思，但業績冇問題，安全過渡。而最吸引係，集團家陣NAV折讓高達73%，加埋環保電力又係國策，阿爺久唔久又滲啲行業扶持措施，有得諗嚇。吼實0.20元橫行底兜轉，短打博升20%到0.24元，未有耐上到NAV0.77元。
錢雋

92老牌OT股
149 : greatsoup38(830)@2012-10-28 13:19:07

呢條友個model 其實幾成功
150 : provleng(11142)@2012-10-28 13:23:32

只是記得開頭找D明星幫手賣吓CALL機,就係這隻,使我明白找明星入股的通常都要多加考慮.只記得,當時
學費都唔係交好多,但都肉赤.
151 : greatsoup38(830)@2012-10-28 13:29:44

我一直都唔信明星入股的古仔
152 : greatsoup38(830)@2012-11-04 15:11:16

http://hk.apple.nextmedia.com/financeestate/art/20121104/18056917


中電新能源（735）係國策受惠股，股東又粒粒星，遲早發光。中電新能源主席係祖國電後李小琳，主要股東包括國資委旗下「長江三峽集團」、「中國電力新能源」，及中國海洋石油總公司，全部勁重磅。集團主打環保發電業務，食住國策，喺咁強勁股東背景之下，唔難保成為第二隻光國（257），市值及業務蒸蒸日上（光國09年得0.50元，家陣貼近4蚊）。啱啱喺上個月尾，中電新能源股東中國電力（2380），以每股0.65元兌換集團CB，中電新能源家陣得0.34元，大股東以高溢價兌換，信心表露無遺。呢轉一於長、短打，一注揸實博業務壯大，一轉博上番CB換股價0.65元，現價幾乎翻一番，但P/B仲喺一倍之下。
百仕達火燒冷灶


百仕達（1168）手頭現金高達41億銀，借貸得2.65億銀咁大把，淨現金高達38.7億銀，相當於每股1.10元，百仕達家陣幾銀？係0.59元，每股淨現金遠遠高過現價。再講，百仕達係三年低殘位，NAV折讓高達70%，內房股當中，集團嘅折讓好吸引。趁呢轉內房鬱鬱嚇，冷灶煲一煲，博百仕達升20%到0.71元，未有耐上到NAV。
錢雋

錢雋
153 : GS(14)@2012-11-11 11:51:47

http://hk.apple.nextmedia.com/financeestate/art/20121111/18063547



重慶機電（2722）主打瓣數係國策受惠行業，仲未向上爆，有得諗。重機主打商用車零部件、包括水力發電嘅電力設備，及電線電纜產銷。呢期十八大焦點之一，係繼續支持低碳潔能行業，加埋汽車工業又係阿爺重點支持行業。隨住新領導接班，相信好快有支持政策出籠，重機係受惠者。
又集團2012年年度，中期純利雖則倒退兩成到3.1億銀人仔，但股價貼近三年低位，往績PE得4.7倍，就當全年都倒退20%，PE都係5.8倍咁大把，股價已經反映不利因素。連埋祖國經濟再上軌道，加埋政策效應，重機2013年度Turn around，PE分分鐘又係得4倍幾。呢轉先炒政策市，博集團上番NAV1.68元，現價（1.17元）要升40%，PE未有耐到雙位數。
勤達等待大爆發

勤達集團（1172）係禾稈冚珠珍類，又係等爆。集團手頭揸住廣東墓園項目，齋計現有518畝土地，可供發展1.8萬幅墓地及21萬個壁龕，以項目高、低位平均價計，潛在銷售額高達60億銀樓上，打個五折純利都30億銀，勤達家陣市值3億都唔夠，不得了！買勤達博翻半番，到0.20元，亦係未有耐上到NAV0.25元。
錢雋
154 : GS(14)@2012-11-18 13:21:55

http://hk.apple.nextmedia.com/financeestate/art/20121118/18070191



中國風電博短打

中國風電（182）主打風力發電，係祖國重點支持嘅環保潔能瓣數之一。隨住呢期祖國新領導班子上場，短期焦點，又放喺有冇新一輪嘅政策措施，潔能股分分鐘隨又嚟過。再講，中國風電最新NAV0.6元，現價（0.237元）既折讓高達60%，潔能股當中又係吸引之列。呢轉短打博升兩成到0.284元，中國風電未有耐上到NAV。

錢雋
155 : greatsoup38(830)@2012-11-25 16:24:39

http://hk.apple.nextmedia.com/financeestate/art/20121125/18078976




遠東發展（035）周三派2013年半年度（9月年結）成績表，聞到有鑊氣，昅昅。遠展2012年度物業累售達48億銀，隨住呢批物業陸續入賬，已經為集團嚟緊嘅成績表打咗底。
雖然呢期香港政府引入新措施，紓緩樓市火熱市況，但遠展除咗香港以外，物業銷售組合遍及澳洲及祖國，物業發展應食住各地區嘅資產升值潮，繼續肥仔水。係咁意估遠展2013年度純利只增長20%咁大把，到貼近5.4億銀，預期PE跌到得5字頭單位數，吸引到痹。再講，遠展NAV8蚊樓上，未計任何進一步嘅資產重估，現價（1.74元）折讓已經高達78%，睇見都流口水。買遠展博升破一年頂1.81元，去番現價PE7倍水位，到2.30元，潛在回報率33%。
保華價殘可冷敲

保華集團（498）冇咗去年度出售港口資產收益，2013年半年度（9月年結）純利，跌咗七成到8120萬銀。但集團慷慨派高息回饋股東，以每股中期息1仙計，現價息率高達5.7厘，又集團呢個低殘價，NAV折讓高達83%，吸引到痹。呢轉冷吼，博上番一年阻力位0.22元水位，潛在回報率25%，保華未有耐上到NAV1蚊。

錢雋
156 : greatsoup38(830)@2012-12-02 19:16:36

http://hk.apple.nextmedia.com/financeestate/art/20121202/18087148





二線內房逐隻郁，揀落後，炒麗豐控股（1125）。麗豐最新NAV0.65元，現價（0.189元）折讓高達71%。麗豐折讓大，股價喺一年低位打橫行咗成年，啱啱先破咗橫行頂，股價殘係一回事。二則，麗豐呢幾年資產增值好肥仔，到家陣已經過百億銀，將個NAV折讓再拉闊。咪忘記，麗豐家陣喺祖國嘅物業組合，以應佔建築面積計，達1373萬平方呎，當中發展中物業土儲上千萬平方呎，即係話，土地價值仲未釋放。組合係咁意每平方呎增值100蚊計，都講緊額外增值13億銀，而麗豐家陣市值都不過30億銀，繼續肥仔水。呢轉買麗豐，折讓收窄到60%，見0.26元，都講緊要升38%，向上仲有大把收窄空間。
泛海殘爆追落後

泛海集團（129）打橫行咗成年，喺本土地產股當中，非常落後。以集團2013年半年度（9月底止）業績為準，連埋酒店價值浮面，每股NAV高達12蚊，現價講緊幾多？係1.38元。NAV折讓高達89%！不妨離譜啲，將NAV打個四折，到得番4.8元，折讓仍然高達71%。買泛海，博翻半番到2.07元，折讓仍然有83%，價殘博取呢個回報率，一啲都唔過份啩？

錢雋
157 : greatsoup38(830)@2012-12-09 16:47:42

http://hk.apple.nextmedia.com/financeestate/art/20121209/18095088



豐德麗（571）係麗新系內最落後，炒完麗豐（1125），再炒豐德麗。由麗展（488）全系9月中起動計，麗展已經翻咗一番，內房麗豐亦升咗五成，兼齊齊創一年新高。豐德麗又點？52周高位1.67元，家陣大落後。
麗豐前排供股，豐德麗喺麗豐權益由原先40.5%，上到47.4%，權益變相增加，麗豐內房業繼續發熱發亮，豐德麗家底繼續肥仔。Before that，豐德麗NAV6.44元，家陣位嘅折讓挨近80%，好吸引。再講，集團手頭現金高達41.6億銀，銀行貸款連埋票據債務總共35.6億銀，有淨現金6億銀，又係現金牛。上個禮拜主打麗豐，炒同氣連枝，買豐德麗，當翻半番計數，上到1.95元，NAV折讓仍然高達70%。
香港華人資產靚



香港華人（655）同前排寫過嘅遠東發展（035）一樣，喺沙士打後，已經發展香港以外地產業務。家陣物業發展遍及中港澳及星洲，一樣有地區多元性概念，一樣受惠地區資產升值，但華人仍然超級落後，所以，超級抵博。博華人升19%到見1.50元，折讓仍然挨近70%，以亞洲區地產股計數，仲係好吸引。
158 : 鉛筆小生(8153)@2012-12-09 22:19:13

655 不錯
159 : GS(14)@2012-12-10 23:41:59

158樓提及
655 不錯


好少少
160 : greatsoup38(830)@2012-12-16 10:48:23

http://hk.apple.nextmedia.com/financeestate/art/20121216/18103008


中國數碼煲冷灶

上星期20大升幅榜中，仙士、粒臣股佔咗18家，資金起哄買細價嘢，昅實中國數碼信息（250）。原因之一，係互控嘅南海控股（680）EGM通過出售項目，估獲收益9億銀，中國數碼受惠。二則，集團嘅NAV折讓高達69%，而南海講緊得32%。冷灶短打中國數碼，博升20%到3.5仙，未有耐上到NAV9仙。

錢雋
161 : 鉛筆小生(8153)@2012-12-16 10:49:36

160樓提及
http://hk.apple.nextmedia.com/financeestate/art/20121216/18103008


中國數碼煲冷灶

上星期20大升幅榜中，仙士、粒臣股佔咗18家，資金起哄買細價嘢，昅實中國數碼信息（250）。原因之一，係互控嘅南海控股（680）EGM通過出售項目，估獲收益9億銀，中國數碼受惠。二則，集團嘅NAV折讓高達69%，而南海講緊得32%。冷灶短打中國數碼，博升20%到3.5仙，未有耐上到NAV9仙。

錢雋


你又刻意逃避開
162 : greatsoup38(830)@2012-12-16 11:05:42

放左入271
163 : lcta(34996)@2012-12-16 11:09:20

頂

雖然唔太喜歡自己 D 股俾人唱
但呢隻係好野又唔太怕 ge smiley
164 : greatsoup38(830)@2012-12-23 14:27:46

http://hk.apple.nextmedia.com/financeestate/art/20121223/18111025


亨泰（197）食住阿爺谷內需國策，鑊氣又形成，絕對有得諗。呢期祖國經濟會議，國策之一，係阿爺定調要擴內需。亨泰主打祖國多元化消費品分銷，及冷凍鏈物流業，正正就食正祖國重點國策。而呢期商務部啱啱預測，今年祖國消費品零售增長，達到14%。相信尤其喺下半年，祖國經濟金融回暖，零售消費力釋放，喺亨泰啱啱踏入2013年財政年（7月開始），亦食正呢股增長潮，可以恢復番唔錯嘅業務增長。再講，亨泰有淨現金6.4億銀，現金牛財政好，而集團最新NAV0.66元，現價（0.211元）嘅折讓，高達68%，內銷或者內需股當中，都平得交關。呢轉買亨泰，真係係咁意博PB上番到0.5倍，已經講緊要翻半番到0.33元。
達進勢食正國策


達進東方照明（515）月頭幾條平均線叠埋一齊，呢期10日線配合成交，開始向上扯，有勢再爆一轉。呢期市場焦點，除咗內銷，就係炒環保國策，其中，阿爺鼓勵用LED燈，就係其中一個瓣數。達進又係食正國策。呢轉短打，博達進升20%到1.33元，亦係未有耐上到NAV1.97元，及同類LED燈股上一倍PB水位。

錢雋
165 : GS(14)@2012-12-30 13:56:55

http://hk.apple.nextmedia.com/financeestate/art/20121230/18117473

浪潮國際（596）喺三年低位，成交先嚟料，昅昅。浪潮啱啱嘅星期四以高近3000萬股成交，衝破三年底部嘅橫行頂，資金開始追落後，現價0.28元殘到不得了，NAV折讓36%，喺IT股中，浪潮折讓好吸引。
再講，浪潮揸住現金11.87億銀，減咗優先股債項6350萬銀，手頭淨現金高達11.2億銀，幾乎等於集團嘅總市值，係超級現金牛，好吸引。浪潮同好多IT業一樣，祖國經濟金融業唔掂檔，2012年半年度純利倒退咗七成，得番1048萬銀。但要咁睇，特別係下半年，祖國金融市場轉活，加埋阿爺實施「寬頻中國」工程，支持IT產業，浪潮嚟緊日子應該有運行。呢轉趁有勢跟轉，博浪潮升三成到0.36元，未有耐到NAV0.44元。
166 : greatsoup38(830)@2013-01-06 15:35:12

http://hk.apple.nextmedia.com/financeestate/art/20130106/18124498






御泰中彩（555）buy兩個字：「超平！」祖國彩票股有呢期勁爆嘅中民控股（681），半年大升76%，華彩（8161）36%，御泰升得16%，價殘超平。御泰2012年度中期，純利大升四成，到4.4億銀，係華彩嘅9倍，而中民嘅彩票業，仲係見紅，冇嘢睇。再講，御泰有齊上下游業務，又兼營曬體育及褔利彩票兩個瓣數，講純利曬士，業務優勢，好有一哥味道。又上年祖國11個月累計彩票銷售，高達2347億元人仔，增加近18%，繼續好景，好保守計數，御泰全年度純利起個孖到8.8億銀，2012年度PE得5.9倍，而華彩預期PE10倍，至於中民，繼續冇嘢睇。講PE，御泰又係超平！御泰翻半番到0.96元，PE仲未追到華彩，升幅亦未及中民同期升幅。
明豐落後可短打

珠寶股炒到澎澎聲，明豐珠寶（860）啱啱星期五先嚟郁，有得諗嚇。明豐一年前嘅PB高達一倍，家陣喺三年低位，PB得番0.6倍，拍得住景褔（280），PB之吸引，明豐都數一數二。又明豐主打內地奢侈品市場，呢期奢侈品消費類耀萊（970）彈上，明豐升勢亦落後。短打博明豐升20%到0.46元，未有耐上到NAV0.64元。
167 : 鉛筆小生(8153)@2013-01-06 17:18:51

555, 很久之前我曾經係0.12入過

回望返, 我後悔了
168 : GS(14)@2013-01-06 17:20:01

167樓提及
555, 很久之前我曾經係0.12入過

回望返, 我後悔了


我好久之前都好多10倍股想買
169 : 鉛筆小生(8153)@2013-01-06 17:20:50

168樓提及
167樓提及
555, 很久之前我曾經係0.12入過

回望返, 我後悔了


我好久之前都好多10倍股想買


我肯定買錯了, 因為當時590, 617, 27 都超平
170 : GS(14)@2013-01-06 17:26:29

169樓提及
168樓提及
167樓提及
555, 很久之前我曾經係0.12入過

回望返, 我後悔了


我好久之前都好多10倍股想買


我肯定買錯了, 因為當時590, 617, 27 都超平


590 我都想當年2蚊
171 : 鉛筆小生(8153)@2013-01-06 17:29:25

170樓提及
169樓提及
168樓提及
167樓提及
555, 很久之前我曾經係0.12入過

回望返, 我後悔了


我好久之前都好多10倍股想買


我肯定買錯了, 因為當時590, 617, 27 都超平


590 我都想當年2蚊


617 LESS THAN 0.1
172 : GS(14)@2013-01-06 17:32:46

都是4倍，中間10合1過
173 : GS(14)@2013-01-06 17:33:55

http://www.hkexnews.hk/listedco/ ... TN20080910569_C.pdf
174 : 鉛筆小生(8153)@2013-01-06 17:34:16

172樓提及
都是4倍，中間10合1過


但息口強

就像34 息口也強

總之後悔, 失去了現金牛股
175 : GS(14)@2013-01-06 17:35:18

174樓提及
172樓提及
都是4倍，中間10合1過


但息口強

就像34 息口也強

總之後悔, 失去了現金牛股


現在周期都好快啦
176 : greatsoup38(830)@2013-01-13 10:49:46

http://hk.apple.nextmedia.com/financeestate/art/20130113/18131880






祖國製造業轉活，而上個月出口又大增，旭光高新材料（067）肥仔水。旭光係中投三寶，主打PPS樹脂及芒硝生產，係全球龍頭企業。而主打瓣數又係輕重工業必須原材料。要咁睇，近呢幾個月，祖國PMI指數一路向好，而啱啱公佈無耐，上月祖國出口，就大幅增加14%，好過原先預期5%。數據話俾市場知，祖國製造業轉活，而外國經濟問題紓緩，對祖國產品回覆需求動力，旭光已經有運行。再講，旭光主打瓣數PPS，又係食住環保國策，而估計到2015年，包括PPS嘅新材料產業規模，高達2萬億銀人仔，旭光身為領先企業，肥仔水。係咁意估計，旭光本年度純利20億銀人仔，預期PE得4倍幾。當翻半番計到2.78元，PE都係6倍咁大把。
南海石油可短炒

南海石油（076）除咗對上星期，每日成交股數過3億股之外，轉手率奇高，資金瘋狂炒賣。又南油最新NAV0.36元，但貨幣單位講緊係美元。即係話，集團每股NAV2.8元，現價（0.122元）折讓高達95%。數係咁計，南油翻一番到0.26元，折讓仲有90%。但呢轉趁勢短打，博升兩成見0.145元，已經有魚有肉。


假PE假PB
177 : greatsoup38(830)@2013-01-20 14:38:44

http://hk.apple.nextmedia.com/financeestate/art/20130120/18140044

中央「一號文件」扶農政策應該就快出台，買落後，買玖源（827）。玖源主打複合肥、化肥及BB肥。集團2012年上半年度純利增長咗46%，到8120萬銀人仔。當玖源全年度純利，都係增長40%，到1.4億銀人仔，預期PE得5倍幾，平過同業平均8倍PE。又玖源PB得0.7倍，相對中化化肥（297）、心連心（1866）及上個星期升到飛起嘅世紀陽光（509），全部PB都過曬1倍，玖源亦係平咗一截。同去年12月30日見報嘅浪潮（596）一樣（兩星期最高昇24%），玖源唔起眼，但PE、PB好吸引，就連世界銀行集團旗下「國際金融公司」，都係玖源股東（揸11%）。買玖源，博2012年PE目標，追番上同業8倍，要見0.19元，現價（0.133元）講緊要升40%。
178 : greatsoup38(830)@2013-01-27 14:06:31

http://hk.apple.nextmedia.com/financeestate/art/20130127/18147540


中電新能源低吸

中電新能源（735）呢期調整消化超買。而啱喺上星期，集團就公佈授出購股權1.36億股，行使價0.514元，集團現價0.435元，低過呢個行使價，好勻真。再講，阿媽中國電力（隸屬國資委旗下）喺上年底增持，成本價都係0.40元左右。呢轉趁調整買入，短打博升20%到0.52元，啱先高過上邊購股權行使價少少。

錢雋
179 : VA(33206)@2013-01-27 15:29:08

271 果段呢? 唔夠old thousand??
180 : GS(14)@2013-01-27 15:31:32




丹楓控股（271）係咁意秤佢NAV，已經好吸引，趁跌買。丹楓喺鴨脷洲港灣工貿中心，應佔（建築面積．下同）33.6萬平方呎。贒到報紙代理廣告，港灣工貿個別單位，放盤呎價4,300蚊。以呢個數參考，丹楓應佔面積，已經值14.5億銀，超過本身市值13億銀。又集團另一壇重磅物業紅山半島，應佔17萬平方呎，以近排成交呎價1.6萬銀計，又值27億銀，合計值40億銀，比起資產負債表嘅29億銀，凸章11億銀。丹楓每股NAV冧多0.88元，而現價幾多？都係得1.12元。家陣市區土地供應缺乏，港灣工貿中心又係臨海筍地，又估嚇有冇人吼？Before that，齋計上邊重秤，丹楓每股NAV近4.20元，折讓73%，好吸引。翻半番到1.70元計，折讓仍然高達60%。
181 : GS(14)@2013-01-27 15:36:16

唉，被扣分呢
182 : VA(33206)@2013-01-27 15:37:35

181樓提及
唉，被扣分呢


點解夑左BJ? Sorry Sorry! 我想GJ!
183 : greatsoup38(830)@2013-02-03 18:35:23

http://hk.apple.nextmedia.com/financeestate/art/20130203/18154658






未到重九，麗展（488）系股價鬥快登高，剩底大落後豐德麗（571），買。麗展由上年中發力，到家陣升咗兩倍，麗國（191）對上星期五搶升15%，同樣創咗三年新高，累積升幅兩倍過外。豐德麗點？佢三年高位喺2011年6月3.34元，跟住過去兩年，一路兜大圓底，兜到家陣，現價得1.69元，等緊爆，要追落後，真係大把空間。再講，豐德麗NAV6.4元，現價係大大大折讓74%，兼係系內折讓最大。而嚟緊日子，集團又直接受惠旗下麗豐（1125）之內房及橫琴增值，NAV可以快高長大。再講，豐德麗淨現金高達6億銀，又係現金牛，冇有怕。呢轉買豐德麗，上番2011年高位3.34元咁計數，現價幾乎要翻一番，未計增值前，折讓仍然挨近50%。
時富金融宜短打

時富金融（510）上個月初晉身毫子股後，好有秩序咁整固。呢期證券股有勢狂飆，多得阿爺持續推進金融及證券政策。而嚟緊日子，祖國只會有越嚟越多有利政策推出，呢類唔獲市場中人睇好嘅股份，又有新story炒。Before that，趁呢轉調整期短打時富金融，博升20%到0.128元，未有耐上到NAV0.26元。
184 : greatsoup38(830)@2013-02-13 12:32:33

http://hk.apple.nextmedia.com/financeestate/art/20130213/18163538


保華建業後台猛

保華建業（577）變身濠賭股，剛完成近20億銀配股冇耐。城中孖沙朱太、潘政權益曝光，配股價0.65元。又同系德祥地產（199）上月尾開始買保華建業，合共1.53億股，平均價0.65元。連除息效應，保華建業由1月尾1蚊一路跌到起步位，現價得番0.62元。短打博升兩成到0.74元，對一班大孖沙嚟講，仲未啖啖肉。

錢雋
185 : greatsoup38(830)@2013-02-17 12:53:15

http://hk.apple.nextmedia.com/financeestate/art/20130217/18167523



中國稀土現金牛

中國稀土（769）已經發咗2012年度盈警，唔使心掛掛。而集團稀土產品，喺受惠環球製造業復蘇，業績變返靚仔前，股價喺三年低位打底PB又得0.7倍，加埋淨現金12億銀，係超級現金牛。又經過呢期牛皮，中國稀土幾條平均線叠埋一齊，有勢發動短期攻勢。呢轉短打博升20%到2.09元，未有耐上到NAV。
186 : greatsoup38(830)@2013-02-24 13:02:14

http://hk.apple.nextmedia.com/financeestate/art/20130224/18174691





光宇國際（1043）係最平嘅電池股，加埋網上遊戲分部，市場估值可以好豐厚，有得諗。光宇最新NAV4.96元，現價（2.81元）企喺三年大低位，PB得0.56倍。場內相近的電池股天能動力（819）兩倍PB，超威動力（951）PB1.8倍，光宇平咗一大截。又集團透過聯營發展網上遊戲，喺2011年度，呢個項目已經幫光宇賺咗上億銀，再喺2012年半年度，網上遊戲純利再增長30%，到5,000萬銀人仔。光宇應佔聯營權益，上到46%。而家陣網上搞作，市場估值可以高到冇譜，呢壇製作若果透過市場資本化，光宇NAV增值，隨時不得了。Before that，當電池板塊買，追落後，光宇翻半番到4蚊，未有耐追到同業PB水位。
海王集團殘到爆

海王集團（070）星期四派半年成績表。而喺集團呢個半年度期間，濠江博彩毛收入超過1,500億銀，增加81%。又喺今年1月及本月頭17日，呢項收入亦增加7.3%及6.8%。大行報告嫌少，但老老實實，增長相當唔錯，海王中介人業務，繼續有運行。而集團經呢期一跌，得番兩倍PE，殘到爆。博海王翻半番到0.24元，唔係好過份。

錢雋
187 : alb(35614)@2013-02-25 07:32:47

咩都夠膽死介紹smileysmiley
188 : GS(14)@2013-02-25 23:40:01

187樓提及
咩都夠膽死介紹smileysmiley


他幾好玩
189 : greatsoup38(830)@2013-03-03 11:52:22

http://hk.apple.nextmedia.com/financeestate/art/20130303/18182460



永恒策略（764）揸住嘅中國星（326）起勢升，永恒超級肥仔水。永恒公佈冇耐，話計劃行使中國星CB換股，及沽出換股後中國星38.3億股，每股成本價0.14元。中國星股價呢期發力，現價（0.241元）比永恒每股成本價，高出近0.10元。單係呢壇製作，永恒嘅潛在變現，高達9.2億銀，賬面增值/獲利，亦高達3.8億元，永恒市值幾多？3億銀咁大把！又永恒本身亦已經揸住淨現金9億銀，連埋潛在變現，永恒淨現金將高達18億銀，相當於每股6蚊，永恒家陣幾銀？講緊得0.96元。係咁意計數，永恒翻一番到1.90元，未有耐上到本身每股淨現金值3蚊，翻兩番到3.80元，亦係未有耐上到連埋潛在出售中國星權益反映嘅每股淨現金6蚊。吸引冇？
航天萬源大落後

中國航天萬源（1185）最新PB0.88倍，係呢期市場再勁炒嘅環保股中，仲有折讓嘅少數股份。又同樣係航天系統嘅亞太衛星（1045），炒盈喜，股價一個月翻咗一番，航天萬源呢個月27日公佈業績，未郁過。話炒同系統好，炒焦點板塊好，航天萬源都好有point。短打博該股升20%到0.47元，PB1倍多少少，仲係大落後。

錢雋
190 : alb(35614)@2013-03-04 07:21:39

"亦係未有耐上到連埋潛在出售中國星權益反映嘅每股淨現金6蚊。吸引冇？"
191 : GS(14)@2013-03-04 22:47:05

190樓提及
"亦係未有耐上到連埋潛在出售中國星權益反映嘅每股淨現金6蚊。吸引冇？"


痴線，他套現到9億股價唔跌至算
192 : GS(14)@2013-03-10 12:05:47

http://hk.apple.nextmedia.com/financeestate/art/20130310/18189996





浩倫農科（1073）勁低PB、PE，加埋農業股未認真炒過，浩倫有機會接力環保股起飛。兩會期間，阿爺講明扶農政策係「重中之重」，嚟緊應該有新政策出籠。有國策back up，農業板塊會係炒友另一樂園。睇番浩倫，最新PB得0.2倍，場內近磅嘅中化化肥（297），PB上到1倍、世紀陽光（509）高達1.4倍。浩倫PB已經平到不得了。又浩倫啱公佈2013年半年業績，純利增長咗20%到1.6億銀，已經超過2012年全年度純利1.4億銀。保守當浩倫2013年全年純利，只係keep住呢個半年度純利數額，PE得兩倍幾。買浩倫，博翻半番到0.60元，PB都係得0.3倍，PE3倍幾，未有耐上到同業平均12倍PE水位。
百富環球盈利勁

百富環球（327）嚟緊星期四公佈2012年度業績。集團主打POS終瑞機解決方案，食住祖國龐大消費市場，加埋阿爺「十二．五」推出8億張社保卡，間接助長電子化交易，而二線城市發展，碌機刷卡嘅非現金支付消費模式，需求有增無減，百富環球肥仔水。集團2012年度純利係咁意增長25%，到近2.3億銀，預期PE得8倍幾，上番10倍到2.30元，要升20%。
193 : greatsoup38(830)@2013-03-17 12:06:47

http://hk.apple.nextmedia.com/financeestate/art/20130317/18197725


御泰中彩（555）應該就快公佈2012年度業績，如冇意外，純利表現應該暴漲。御泰主打祖國彩票業，集團單係2012年半年度，純利就增長咗四成到4.4億銀，而喺御泰半年業績打後，祖國彩票業繼續好景，全國銷售額下半年增幅，同樣keep住去年43%。仲要咁睇，御泰主打瓣數，包羅晒上、下游業務，又兼具體彩及褔彩兩個項目，保守計，集團上年下半年，起碼可以維持到市場嘅增幅。而踏入2013年，祖國1月彩票毛收入又翻半番到248億人仔，靚仔到不得了。唔好多計，御泰2012年度純利起個孖到8.8億銀，PE得6倍，2013年度純利上望10億銀，PE得番5字頭單位數。買御泰，博股價見1字頭，講緊要翻半番，到時，集團2013年度預期PE，仲係單位數。
194 : greatsoup38(830)@2013-03-24 10:39:10

http://hk.apple.nextmedia.com/financeestate/art/20130324/18205243

威華達（622）揸住市場熱爆嘅祖國燃氣股投資，肥過肥仔水。威華達hold咗超級大孖沙四叔旗下港華燃氣（1083）1.7億股，應佔權益高達7%，以港華造價計，威華達權益等值13億銀！威華達本身又揸住淨現金12億銀，兩項總值高達25億銀，或威華達每股0.35元，集團家陣幾銀？講緊得0.163元。而祖國市場潛力龐大，港華中線股本升值，分分鐘可以係煤氣（003）翻版，威華達仲唔超級肥仔水？又燃氣股渴市，又當威華達要變現，估計就算成手貨全數出街，亦唔應該有大折讓。而若果威華達行變現呢步，相信一定係為大變身鋪路，亦一樣有得炒。博威華達翻半番到0.245元計，未有耐上到上邊所講每股可變現連現金淨值0.35元水位。
195 : alb(35614)@2013-03-24 14:00:42

又622, 年中無休係咁推
196 : greatsoup38(830)@2013-04-07 13:27:52

http://hk.apple.nextmedia.com/financeestate/art/20130407/18218887



海王集團（070）短短兩個月跌咗40%，得番一倍幾PE，濠江賭業類中，平到不得了。海王主打濠江博彩中介人業務，截至去年底嘅2013年半年度，純利增長26.5%到1.76億銀，已經有靚仔業績打底。而今年1到3月，澳門總體博彩毛收入分別增加7.3%、11.5%及25.4%，總額高達853億銀。濠江賭業繼續好景，海王繼續肥仔水。
係咁意計數，就當海王2013年下半年純利，同上半年睇齊，全年純利3.5億銀，增長24%，連埋今年1月配股嘅攤薄效應全面反映，預期PE都係得1.7倍，吸引到爆，真係仲想點？數係咁計，海王現價翻一番到0.27元，2013年度預測PE，都係得4倍單位數，呢個水位，仍然平得離晒大譜。
第一上海博一蚊

第一上海（227）話咁快由1月中1蚊水位，直插番到挨近五年低位「長城鋼價」0.50元橫行區。同好多其他股仔一樣，第一上海經呢輪插水，日線圖RSI插到20樓下超賣區，而現價嘅NAV高達67%，吸引到痹。又第一上海亦係cycle pattern幾明顯嘅股份，股價跌到呢啲位收集，唔錯得去邊，中線博上番1蚊，回報翻半番。

錢雋
197 : 200(9285)@2013-04-07 15:50:44

196樓提及
http://hk.apple.nextmedia.com/financeestate/art/20130407/18218887



海王集團（070）短短兩個月跌咗40%，得番一倍幾PE，濠江賭業類中，平到不得了。海王主打濠江博彩中介人業務，截至去年底嘅2013年半年度，純利增長26.5%到1.76億銀，已經有靚仔業績打底。而今年1到3月，澳門總體博彩毛收入分別增加7.3%、11.5%及25.4%，總額高達853億銀。濠江賭業繼續好景，海王繼續肥仔水。
係咁意計數，就當海王2013年下半年純利，同上半年睇齊，全年純利3.5億銀，增長24%，連埋今年1月配股嘅攤薄效應全面反映，預期PE都係得1.7倍，吸引到爆，真係仲想點？數係咁計，海王現價翻一番到0.27元，2013年度預測PE，都係得4倍單位數，呢個水位，仍然平得離晒大譜。
第一上海博一蚊

第一上海（227）話咁快由1月中1蚊水位，直插番到挨近五年低位「長城鋼價」0.50元橫行區。同好多其他股仔一樣，第一上海經呢輪插水，日線圖RSI插到20樓下超賣區，而現價嘅NAV高達67%，吸引到痹。又第一上海亦係cycle pattern幾明顯嘅股份，股價跌到呢啲位收集，唔錯得去邊，中線博上番1蚊，回報翻半番。

錢雋


又海王集團 ?
198 : GS(14)@2013-04-07 15:57:39

無錯
199 : GS(14)@2013-04-14 13:22:38

http://hk.apple.nextmedia.com/financeestate/art/20130414/18227156


風電類又再熱炒，中國高速傳動（658）落後到痹，買！對上星期五，華電褔新（816）等環保股熱炒。咁睇，中傳動最新PB0.5倍，同業當中，已經平到痹。睇番本業，好似GE、Vestas及Hiach等大孖沙級數公司，都係集團風電傳動產品客戶，產品質素頂呱呱，有絕大競爭優勢。嚟緊日子，祖國亦要大搞海上風電，估計到2020年，項目將達到30GW，係家陣6倍。又祖國城鎮化，加快高速鐵路及城市輕軌機車建造，呢瓣傳動產品，亦有好大需求，中傳動肥仔水。係咁意計數，集團2013及2014年純利翻一番及半番，到2.76億銀及4億銀人仔，跌到得番9倍PE，風電類中，吸引到爆。上番同業14倍PE水位，講緊要升40%，到5蚊過外。
德祥可博翻半番

德祥企業（372）未計任何增值前每股NAV3.50元，現價（0.51元），折讓高達85%。嚟緊日子，德祥仲有旗下德祥地產（199）喺澳門龐大售樓收益入賬，對旗艦德祥嘅NAV增值，每股起碼講緊1蚊。德祥重秤NAV4.50元，折讓高達89%。博德祥翻半番到0.75元，折讓仍然高達83%，呢個目標價，唔係太奢想啫？

錢雋
200 : alb(35614)@2013-04-15 08:13:36

又德祥..
201 : GS(14)@2013-04-15 21:41:26

200樓提及
又德祥..


他好悶
202 : alb(35614)@2013-04-16 08:10:18

海王, 德祥, 622, 永恆, 黎黎去去呢幾隻~
203 : Wilbur(1931)@2013-04-16 17:34:15

佢真係隻隻精選

歐陽先生都難望其項背
204 : greatsoup38(830)@2013-04-16 23:16:12

203樓提及
佢真係隻隻精選

歐陽先生都難望其項背


郭生同小魚邊是他手腳?
205 : greatsoup38(830)@2013-04-21 12:28:31

http://hk.apple.nextmedia.com/financeestate/art/20130421/18234810


中國智能交通（1900）啱啱星期二幾條平均線扭埋一齊，兼向上爆，個格係等破頂。智能交通主打祖國交通基建技術解決方案，包括高鐵、城市交通道路及高速公路。咁睇，智能交通單係上年年尾未完成合約，相對2011年同期，已經增加咗近三成，到20億銀人仔。今年頭一季，祖國全國鐵路基本建設投資，增加咗近三成，到545億銀人仔。據十二．五規劃，祖國喺城鎮化下推動嘅智能交通網，投放金額，又另一個1,000億銀。智能交通瓣瓣業務，都肥仔水。係咁意計數，集團2013、2014年度純利，各翻半番到1.98億銀及2.97億銀人仔，PE得番7倍。單係呢個PE基數，已經有足夠條件，俾智能交通破頂。以10倍PE做目標，股價要見2.35元，升幅40%過外。
志高冷灶博升20%

志高控股（449）跌番落1年底橫行，最新NAV0.4元，現價折讓50%，係場內PB最抵買嘅空調產銷商。祖國景氣回暖，加埋城填化效應，應刺激到包括志高產品需求。集團喺年報分析話前排空調過度消費影響逐漸消失。志高本年度業務應該有運行。Before that，志高跌得太殘，冷灶博升20%到0.235元，未有耐上到NAV。
206 : greatsoup38(830)@2013-04-28 12:07:06

http://hk.apple.nextmedia.com/financeestate/art/20130428/18242184



通達集團（698）受惠智能手機需求熱爆，接到爆曬單，超級肥仔水，博翻半番。通達主打智能手機及電腦外殼產銷。啱呢個月中，報載通達今年第一季營業額增幅理想，去到第二季，更加接到爆曬單。咁睇，製造業都好講做邊一瓣數，而家陣智能手機全球熱爆，兼不時推出新型號，通達食正呢潮水，已經和味龍。又集團與時俱進，開發咗適用於4G流動設備嘅LD Santenna技術，兼且係市場獨家。而隨住4G普及，呢類高增值產品，亦都有助提升通達毛利率，肥過肥仔水。通達往績PE得7倍，兼且有4釐高息，已經夠曬吸引。係咁意計數，集團2013年度純利增長30%到3.9億銀，預期PE跌到得番5.6倍，現價翻半番到0.69元，2013年度PE，不過8倍。
浪潮冷灶可煲

浪潮國際（596）圖表三條平均線扭埋一齊，等爆。祖國搞智慧型城市，無論基建或金融業落區發展，IT業界一樣受惠，亦一樣有concept。Before that，浪潮PB得0.7倍，淨現金高達11億銀，每股淨現金同現價（0.285元）差無幾，超級現金牛。博資金輪流炒，開IT呢瓣，冷灶煲浪潮升20%到0.35元，未有耐上到NAV。
207 : greatsoup38(830)@2013-05-05 11:37:23

http://hk.apple.nextmedia.com/financeestate/art/20130505/18249225


永恒策略（764）嚟自中國星（326）潛在變現，超級肥仔水，又現三線滙合，等爆。永恒揸住嘅中國星，啱通過派特別股息，每股4仙，永恒已經可以袋超過3,000萬銀。又之前永恒講過，計劃沽售中國星全數權益（最高可達38.28億股）。後邊中國星，啱創出三年高位，最新報0.42元，永恒潛在變現16億銀，代表永恒每股3.52元。永恒現價幾銀？得1.2元。又永恒hold中國星成本價，每股約0.142元，永恒若果真係落實呢壇大製作，可獲利高達10.8億銀，又相當於永恒每股2.37元，又係遠遠超過集團現價。計咁數，永恒升到上呢個嚟自中國星變現嘅每股潛在利潤，現價幾乎要翻一番，亦未有耐上到連潛在變現嘅每股淨現金值5.5元。
勵晶大折讓墊底

勵晶太平洋（575）對上星期四，突然一棍，有挨近4,000萬股成交，似係熱身。而集團由1月高位跌咗近四成，現價（0.114元）相對每股NAV0.32元，折讓64%，有唔錯折讓墊底。再講，喺資產值當中，完全冇涉及到商譽或勘深評估呢類比較浮嘅資產，好實淨。趁集團交投先嚟料，短打博升20%到0.135元，未有耐上到NAV。
208 : GS(14)@2013-05-12 14:59:54

http://hk.apple.nextmedia.com/financeestate/art/20130512/18256764


百富環球（327）嚟緊日子，肥過肥仔水，買。百富環球主打電子化交易終瑞機解決方案。以出貨量計，係全球第四大營運商，講優勢，好掂。又家陣包括金磚四國等新興經濟體，推動城鎮化，唔少地區政府，亦都積極推動電子化交易模式，所以，百富環球面向嘅「城鎮化」，係全球性。
再講，好似「Visa」及「MasterCard」呢類超級大孖沙，近年嚟就一啲發達國家好似花旗國，廣泛部署符合EMV標準嘅終端機，亦開正百富環球條水。係咁意計數，百富環球13、14年度，純利增長25%，到2.28億銀及2.86億銀，預測PE跌到得番8倍及6.5倍，吸引到痹。買百富環球，以2014年10倍PE做目標，要見2.75元，現價係要翻半番。
浩倫大折讓值博

浩倫農科（1073）對上星期五首棍陽燭，似嚟料。浩倫係呢個半年橫行位（0.345元）嘅NAV折讓，高達80%，今年半年度純利1.6億銀，已經過咗12年全年度純利1.37億銀，冇問題。而呢期類近板塊心連心（1866）半個月左右，爆升咗近五成，浩倫有point炒落後。短打博浩倫升20%到0.42元，未有耐到NAV。

錢雋
209 : greatsoup38(830)@2013-05-19 13:06:59

http://hk.apple.nextmedia.com/financeestate/art/20130519/18264202

賭股旺　海王可博

海王（070）往績PE得兩倍，而13年半年度，純利增長咗26%，到1.76億元，又澳門今年1月到4月博彩毛收入增加14%，到1,136億銀。澳門賭業暢旺，海王盈利嚟自中介博彩業，繼續靚仔，預測PE分分鐘跌到得1字頭單位數。而龍頭賭業股相繼創新高，板塊有勢，博海王翻半番到0.25元，預期PE繼續超級低殘。

錢雋
210 : VC(35825)@2013-05-19 13:27:47

209樓提及
http://hk.apple.nextmedia.com/financeestate/art/20130519/18264202

賭股旺　海王可博

海王（070）往績PE得兩倍，而13年半年度，純利增長咗26%，到1.76億元，又澳門今年1月到4月博彩毛收入增加14%，到1,136億銀。澳門賭業暢旺，海王盈利嚟自中介博彩業，繼續靚仔，預測PE分分鐘跌到得1字頭單位數。而龍頭賭業股相繼創新高，板塊有勢，博海王翻半番到0.25元，預期PE繼續超級低殘。

錢雋


佢第幾次推海王?
211 : greatsoup38(830)@2013-05-19 13:30:00

今年第2次
212 : 鉛筆小生(8153)@2013-05-19 15:07:30

遠大中國（2789）拍埋同業遠東環球（830），平咗大大截，買！遠大主打祖國幕牆業務，去年度純利4.4億銀人仔，得9倍PE，遠東環球見紅，係冇PE。又遠大去年收入高達185億銀，係遠東環球11倍，講晒士，贏開巷，而嚟緊日子，遠大食住城鎮化條水，長賺長有。係咁意計數，遠大本年度純利增長40%到6.2億銀，預測PE得番6倍。睇彭博綜合預測，遠東環球睇今年度預測PE，高達50倍，若覺得遠東環球抵買，咁遠大係超級抵！又遠東環球啱啱喺上星期四創新高，股價半年急升咗1.2倍，遠大同期係未郁過，集團就算翻一番到1.67元，預測PE不過12倍，未有耐追到遠東環球。同樣炒城鎮化，遠大平成咁，一有基金昅中，股價分分鐘可以放紙鳶。


830 可以咁比較, 勁

當年差唔多價添
213 : GS(14)@2013-05-26 14:09:55

http://hk.apple.nextmedia.com/financeestate/art/20130526/18271551



新昌營造（404）原有業務下，家陣得5倍PE，4.5厘高息，加埋新拓展內房業務，第時業績仲爆炸，抵搞。新昌係老牌建築股，手頭未完成合約，貼近260億銀歷史新高。係冇重大不利情況下，集團已經坐定粒六，繼續keep住呢個低PE及高息回報。又新昌新拓遼寧省鐵嶺內房業，總樓面3,100萬平方呎，地價每方呎56蚊港紙，係鹹豆價，獲利潛力肥仔水。以土地每方呎賺/增值150蚊計，新昌總增值/獲利45億銀，就算連埋呢壇土儲收購所發CB嘅攤薄效應計，新昌每股都可以增值/獲利2.9元，新昌現價幾銀？得1.12元咁大把！又連呢壇重秤計，新昌NAV上到4.97元，大幅折讓77%。折讓係咁意收窄到60%，新昌已經要升80%，到近兩蚊水位。
中天化工大折讓

中國天化工（362）NAV1.32元，現價（0.28元）嘅折讓，高達79%，即係話，集團現價只得NAV兩折。又中國天化工喺08年金融海嘯期，股價亦講緊1蚊水位，集團現水位，殘到爆。中國天化工由4月底，一路配合成交上嚟，啱啱破咗近三年嘅蟹貨密集區，呢轉短打博升20%，到0.33元，折讓仍然高達75%，安全到痹。

錢雋
214 : 0o4(31752)@2013-05-31 07:52:22

唔記得留名睇野....
215 : greatsoup38(830)@2013-06-02 17:55:45

http://hk.apple.nextmedia.com/financeestate/art/20130602/18280082
福建野照推




中怡精細化工（2341）點秤都超抵搞，係翻一番之材。中怡主打精細化工，下家包括醫藥、保健及香薰等民生用品。咁睇，呢類下游產品既唔受經濟環境影響，加埋集團本身又提升到毛利較高嘅產品銷售，所以，喺上年都算係惡劣環境下，集團全年純利都keep到8%增長，到1.3億銀人仔，家陣PE得5倍。嘩，仲想佢點？又隨住今年環球經濟一定返落嚟，加埋中怡擴大下家產業範圍，今年業績仲有睇頭。係咁意計數，集團2013年度純利增長20%，到1.5億銀人仔，預期PE得番4.8倍。再講，中怡家陣PB得0.5倍，近磅股PB已經喺一倍水位，中怡又係平過人。真係唔好計多，中怡現價翻一番到3.7元計，PB先啱啱好追上同業，而預期PE都係得9.6倍多少少。
追炒亨泰翻半番

「一周兩件」上星期副選中國天化工（362），股價逆市最多升近40%，好靚仔，要追炒亨泰（197）。亨泰揸咗中國天化工近3.4億股，相信呢手貨係上年中國天化工供股時所得，供股價只係0.15元。亨泰呢手貨，大大增值1.4倍。又亨泰淨現金高達6億銀，超級現金牛。呢轉博亨泰翻半番到0.28元，未有耐上到NAV0.65元。

錢雋
216 : greatsoup38(830)@2013-06-09 11:12:15

http://hk.apple.nextmedia.com/financeestate/art/20130609/18290019



百仕達（1168）超級現金牛，博威華達（622）翻版。百仕達手頭現金40億銀，扣埋借款後，淨現金仍高達37億銀，遠遠超過本身市值27億銀。咁睇，百仕達主席歐亞平，身兼威華達大股東，歐生蟄伏已久，頭炮威華達，喺企業本業冇大發圍，但銀彈多多下（12億銀淨現金），呢期染指頁岩氣項目，威華達仲等詳情落實，但短短一個月，股價翻一番。百仕達手頭銀彈仲多，加埋內房本業近一兩年，亦再冇大搞作。啲錢除咗放喺銀行，用嚟壯大業務，呢個推想，亦好合情理。更何況，百仕達家陣低企三年超殘位，而歐生喺百仕達權益，達到44%，呢個比重唔係細。呢轉買百仕達，博翻半番到近1.2元，集團PB仍然低到得0.5倍，依然超殘。
海王雙底等爆

海王（070）用咗近一年兜大雙底，喺頸線邊，等爆。海王主打濠江博彩中介人業務，得兩倍PE。而集團啱上年底止2013年半年度，純利增長近三成，到1.8億銀。而澳門今年頭五個月博彩收入，又keep住過一成增幅，海王全年度應該勁掂，PE繼續keep住超低單位數。博海王爆邊上，翻一番到0.4元，預期PE不過四倍。
217 : alb(35614)@2013-06-09 11:12:48

又係呢幾隻, 睇到都悶
218 : greatsoup38(830)@2013-06-09 11:16:50

不如叫錢生寫波哥的野，波哥寫錢生的野，其實唔提個作者名，我都分唔出邊個
219 : greatsoup38(830)@2013-06-09 11:18:53

仲有呢個名稱的作者劉志榮做那個角色
http://zh.wikipedia.org/wiki/%E8 ... 8%A6%96%E5%8A%87%29
220 : ant2012(35387)@2013-06-09 11:46:52

218樓提及
不如叫錢生寫波哥的野，波哥寫錢生的野，其實唔提個作者名，我都分唔出邊個


哪一個是波哥？
221 : greatsoup38(830)@2013-06-09 11:51:35

220樓提及
218樓提及
不如叫錢生寫波哥的野，波哥寫錢生的野，其實唔提個作者名，我都分唔出邊個


哪一個是波哥？


你打波哥做tag 找下就知
222 : VC(35825)@2013-06-09 13:06:39

221樓提及
220樓提及
218樓提及
不如叫錢生寫波哥的野，波哥寫錢生的野，其實唔提個作者名，我都分唔出邊個


哪一個是波哥？


你打波哥做tag 找下就知


海王今年係APPLE推左第4定5次?
223 : greatsoup38(830)@2013-06-09 13:09:20

遲d用Wisenews找
224 : ant2012(35387)@2013-06-09 13:37:12

223樓提及
遲d用Wisenews找


其實Wise news 係乜？
225 : VC(35825)@2013-06-09 13:38:22

224樓提及
223樓提及
遲d用Wisenews找


其實Wise news 係乜？


類似FACTIVA既野
226 : greatsoup38(830)@2013-06-09 13:39:31

225樓提及
224樓提及
223樓提及
遲d用Wisenews找


其實Wise news 係乜？


類似FACTIVA既野


http://www.dowjones.com/factiva/index.asp
華文界的
227 : Tricky.Frog(35942)@2013-06-16 07:18:58

留名
228 : GS(14)@2013-06-16 16:32:25

http://hk.apple.nextmedia.com/financeestate/art/20130616/18299070



威華達（622）係頁岩氣概念中PB最平嘅，而股價短短六個交易日，最多跌咗33%，又抵博。威華達呢期染指頁岩氣，最新NAV0.52元，現價（0.217元）折讓58%。場內頁岩氣股，好似宏華（196），就算經呢期急跌，PB仍高達1.7倍。其他好似華油能源（1251）及安東油田（3337），PB更高達4倍。講PB，威華達最抵搞。又威華達手頭淨現金高達12億銀，而集團本身又揸住港華燃氣（1083）1.7億股，等值13億銀，兩筆數夾埋總值25億銀，或每股0.35元，遠遠超過威華達現價。威華達手頭咁多銀彈，亦足夠應付業務拓展。呢轉買威華達，係咁意博翻半番計數，要見0.33元，到時集團PB都係得0.6倍，未有耐追到其他頁岩氣股PB水位。
達成可睇升三成

達成（126）將改名「佳寧娜」，以反映以呢個品牌所經營的餐飲及酒店業務的豐厚貢獻。又達成前排通過出售華南城（1668）權益，套現高達11.6億銀，獲利1.83億銀。集團即將公佈2013年度業績，趕得切入賬，單係呢項收益，已可以令PE跌到得番7倍幾，兼博有甜品派送。買達成博升三成到1.64元，PB不過0.55倍。

錢雋
229 : greatsoup38(830)@2013-06-23 11:01:46

http://hk.apple.nextmedia.com/financeestate/art/20130623/18308641



永恒策略（764）嚟緊星期五EGM，議決出售中國星（326）權益，呢鋪肥過肥仔水。呢次EGM，係永恒尋求股東批准，兌換中國星CB，及出售最多40.94億股中國星股份。以中國星現價（0.197元）計，永恒潛在套現高達8億銀，加埋手頭現金及出售觀塘物業現金回籠，淨現金將高達18億銀，或每股3.95元，係永恒現價（1.25元）三倍！又係呢批CB當中，有包括兌換價1仙及0.11元，中國星現價，遠遠超過兌換價，永恒呢壇大製作，順風順水，潛在獲利4億銀，或每股0.9元，貼近永恒現價。連埋中國星潛在增值反映，每股NAV上到6.7元，超級大折讓80%，集團上到每股淨現金值3.95元，要升2.1倍，亦未有耐上到NAV。
御泰博翻半番

御泰中彩（555）2月到家陣累積跌三成過外，PE得番五倍。又祖國頭五個月，累計銷售彩票1,249億銀人仔，同比增加咗16.3%。御泰兼且係領導性兼多元性彩票相關業務經營商，有優勢兼有大勢，繼續肥仔水，但仲要掉頭跌，唔多合理。御泰本年EPS增長20%到11.8仙，預期PE得番四倍幾。博翻半番到0.78倍，PE仲係得八倍幾。

錢雋
230 : greatsoup38(830)@2013-07-01 21:04:31

http://hk.apple.nextmedia.com/financeestate/art/20130701/18317788



泛海（129）現價得番NAV一折水位，財務資產嘅潛在變現，高達40億銀，勁抵買。泛海啱啱公佈2013年度業績，純利高達24.75億銀，超過本身總市值20億銀，家陣PE得0.8倍！又連埋酒店價值反映，泛海NAV13.8元，現價得1.67元，折讓高達88%，即係話，現價係NAV嘅一折水位有交易。而集團嚟自單一幢物業，好似中環泛海大廈嘅市值，分分鐘超出總市值，泛海殘到爆。再講，受惠歐美地區去年6月以嚟兜底大爆升，泛海嘅財務資產（集團主要集中投資歐美地區），漲價到近40億銀，相當於每股3.2元，又係現價兩倍，潛在變現勁豐厚。泛海NAV折讓咪咁離譜，係咁意收窄到70%，都要見4.14元，現價升幅，已經講緊貼近1.5倍。
滙漢睇升1.5倍

滙漢（214）係泛海系旗艦，NAV亦高達13蚊，現價1.56元折讓高達88%。以NAV一折水位買滙漢，就可以hold住每股高達13蚊嘅資產值，見到都流口水。再講，港府啱啱公佈，延長一手樓花預售期，辣招有降溫迹象，地產股應聲彈，滙漢系折讓又大得離譜，有point炒。同樣，滙漢折讓收窄到七成，講緊要見4蚊，要升1.5倍。

錢雋
231 : Tricky.Frog(35942)@2013-07-01 21:10:53

表面睇樓上果兩隻幾吸引喎
232 : greatsoup38(830)@2013-07-01 21:11:33

又是同一系，又是華匯的好朋友
233 : Tricky.Frog(35942)@2013-07-01 21:15:43

老千？
234 : greatsoup38(830)@2013-07-01 21:24:09

233樓提及
老千？


以前他們的股票是互控
235 : GS(14)@2013-07-23 00:20:26

http://hk.apple.nextmedia.com/financeestate/art/20130722/18343674
真是唔福建唔推




星辰通信（1155）插到落三年低位，PB平過同業一大截，冷灶值得煲一煲。星辰主打祖國無線通信覆蓋系統設備產銷及相關工程服務。現價（0.75元）嘅NAV折讓，高達62%。場內近磅股，京信通信（2342）PB高見1倍，休戰停牌中嘅中興通訊（763），PB更高達1.5倍。星辰平咗一大截。另阿爺呢期召開國務院常務會，已經計劃透過信息消費，拉動祖國經濟需求。阿爺意旨已經好明確，換言之，祖國喺無線通信基建、設備方面嘅質素需求及規模，亦應先要有所提升及到位。所以，包括星辰在內企業，應該有運行。星辰家陣得7倍PE，冷敲博翻半番計數，價見1.12元，PB仲喺1倍樓下。
威華達有異動

威華達（622）對上星期四一嘢抽升，成交股數高達1.5億股，又係交投先嚟料。集團揸住港燃（1083）7%權益，等值13.16億銀，連埋本身手頭淨現金12億銀，潛在變現連淨現金高達25億銀，相當於每股0.35元，遠遠超過現價0.211元。威華達現價翻半番到0.32元左右，仲未上到呢個高現金值水平，NAV折讓高達有40%。

錢雋
236 : greatsoup38(830)@2013-07-30 01:09:58

http://hk.apple.nextmedia.com/financeestate/art/20130729/18353978


中國軟件（354）喺三線滙合區chok上chok落玩震倉，遲早爆邊。中軟阿媽係聯想控股，微軟又係股東，有大型企業及政府單位大客，實力超晒班。半年嚟，中軟升得20%，同業金山軟件（3888）同期幾乎翻咗一番。嚟緊日子，阿爺着力信息消費，目標喺2015年全國網上交易，釋放出消費規模3萬億銀。而隨着電子消費需求提升，軟件業去到2016年嘅市場規模，上到近2萬億銀，中軟肥仔水。中軟今明兩年EPS係咁意增長40%，到0.128元及0.157元人仔，預期PE得番11倍，現價2.23元翻半番到3.3元，明年度PE16倍，仲未追到金軟18倍水位。
五礦建設抵炒

五礦建設（230）市值33億銀，呢期部份內房殼股市值炒到百億銀有之。仲要咁睇，五礦建設嘅控股企業，係大孖沙五礦集團，坐擁過千萬平方米用土，以及30平方公里工業土儲。有咁大規模嘅土儲注資潛質，而五礦建設家陣市值咁細奀，咪仲值得憧憬。Before that，短打博升20%到1.37元，未有耐上到NAV2蚊。
錢雋
237 : GS(14)@2013-08-05 23:39:19

http://hk.apple.nextmedia.com/financeestate/art/20130805/18364334



冠軍（092）上周三成交1,200萬股，聞到有味，炒落後科技股，買冠軍。冠軍最新每股NAV約1.2元，現價（0.112元）大幅折讓90%。亦即係話，集團現價，得NAV嘅一折。同冠軍差唔多同期嘅科技股方正（418），喺呢期騰訊（700）lead住升嘅科網升勢下，股價四個月幾乎翻咗一番，折讓收窄到得番25%，冠軍殘到爆。再講，冠軍喺祖國每年生意額，上及25億銀，唔嘢少。而呢期阿爺催谷兼表態支持祖國電子消費及軟件產業，而冠軍食到新一輪國策帶嚟嘅科技熱商機。Before that，呢轉當炒大落後，冠軍PB係咁意收窄到0.2倍，見0.24元，係講緊翻一番，折讓仍然大到冇譜。
渝港博升20%

渝港（613）喺三年低位浮沉，又係咁啱對上星期，成交先嚟料，現價5.2仙較NAV大幅折讓80%。而集團透過渝太地產（075）揸住中環世紀廣場及尖咀彩星中心，超靚磚頭，NAV絕對夠秤。呢期所見，主板仙股及創業板股仔炒到不亦樂乎，要炒，都揀件有質地去炒。一於買渝港，短打博升20%到6.3仙，折讓仍高達76%。

錢雋
238 : VC(35825)@2013-08-05 23:40:36

237樓提及
http://hk.apple.nextmedia.com/financeestate/art/20130805/18364334



冠軍（092）上周三成交1,200萬股，聞到有味，炒落後科技股，買冠軍。冠軍最新每股NAV約1.2元，現價（0.112元）大幅折讓90%。亦即係話，集團現價，得NAV嘅一折。同冠軍差唔多同期嘅科技股方正（418），喺呢期騰訊（700）lead住升嘅科網升勢下，股價四個月幾乎翻咗一番，折讓收窄到得番25%，冠軍殘到爆。再講，冠軍喺祖國每年生意額，上及25億銀，唔嘢少。而呢期阿爺催谷兼表態支持祖國電子消費及軟件產業，而冠軍食到新一輪國策帶嚟嘅科技熱商機。Before that，呢轉當炒大落後，冠軍PB係咁意收窄到0.2倍，見0.24元，係講緊翻一番，折讓仍然大到冇譜。
渝港博升20%

渝港（613）喺三年低位浮沉，又係咁啱對上星期，成交先嚟料，現價5.2仙較NAV大幅折讓80%。而集團透過渝太地產（075）揸住中環世紀廣場及尖咀彩星中心，超靚磚頭，NAV絕對夠秤。呢期所見，主板仙股及創業板股仔炒到不亦樂乎，要炒，都揀件有質地去炒。一於買渝港，短打博升20%到6.3仙，折讓仍高達76%。

錢雋


升到BABA聲
239 : GS(14)@2013-08-05 23:41:58

買呢兩隻就當人低能
240 : greatsoup38(830)@2013-08-21 01:01:50

http://hk.apple.nextmedia.com/financeestate/art/20130820/18386338


以後「一週兩件」逢週二及週五見報，兩日各主打一件爆升潛質股，本週第一件先嚟松景科技（1079），有潛質起碼翻一番。
呢期市場熱炒科技嘢及創業板，松景係創業板元老級股份，1999年上市，2010年先升格跳去主板。
松景主打自家品牌「XFX」顯示卡，以及「AviiQ」數碼移動配件等科技相關產品，已經食正曬呢期資金熱炒concept。
食正科技潮　成交異動

松景99年上市價1.5元，最高在當年11月見2.8元，現價（0.149元）自高位累積跌咗95%，貼近08海嘯價，市值得番1.3億銀。同前身係恆力嘅萬達商業地產（169）一樣，靜到冇人吼。
不過，萬達獲相中，成為內房殼股，半年飛昇12倍，家陣市值過百億銀。松景絕對有殼嘅潛質。
就算排除呢個可能，松景NAV0.61元，現價超級大幅折讓76%。科技嘢呢期炒到甩轆，松景仲有咁大折讓，真係流曬口水。
再講，松景13年半年度已經虧轉盈，管理層更加預期，隨住Windows8推出，下半年財政年度，顯示卡業務好轉，對全年度盈利能力抱樂觀態度。嚟緊日子，兼有得炒盈喜。
今個8月，只係過咗一半，但松景呢個月暫時累積成交，已經貼近1億股，創出集團喺07年港股喪炒期後，六年嚟最高成交的月份。股價未郁，成交先嚟料，聞到飯香。
買松景，翻一番到0.3元，到時PB0.5倍，仲係好吸引；又如果松景上番2010年高位0.4元，要升1.7倍，PB低企1倍樓下。

錢雋
細價股專家
本欄逢週二、五刊出
241 : VC(35825)@2013-08-21 01:07:09

240樓提及
http://hk.apple.nextmedia.com/financeestate/art/20130820/18386338


以後「一週兩件」逢週二及週五見報，兩日各主打一件爆升潛質股，本週第一件先嚟松景科技（1079），有潛質起碼翻一番。
呢期市場熱炒科技嘢及創業板，松景係創業板元老級股份，1999年上市，2010年先升格跳去主板。
松景主打自家品牌「XFX」顯示卡，以及「AviiQ」數碼移動配件等科技相關產品，已經食正曬呢期資金熱炒concept。
食正科技潮　成交異動

松景99年上市價1.5元，最高在當年11月見2.8元，現價（0.149元）自高位累積跌咗95%，貼近08海嘯價，市值得番1.3億銀。同前身係恆力嘅萬達商業地產（169）一樣，靜到冇人吼。
不過，萬達獲相中，成為內房殼股，半年飛昇12倍，家陣市值過百億銀。松景絕對有殼嘅潛質。
就算排除呢個可能，松景NAV0.61元，現價超級大幅折讓76%。科技嘢呢期炒到甩轆，松景仲有咁大折讓，真係流曬口水。
再講，松景13年半年度已經虧轉盈，管理層更加預期，隨住Windows8推出，下半年財政年度，顯示卡業務好轉，對全年度盈利能力抱樂觀態度。嚟緊日子，兼有得炒盈喜。
今個8月，只係過咗一半，但松景呢個月暫時累積成交，已經貼近1億股，創出集團喺07年港股喪炒期後，六年嚟最高成交的月份。股價未郁，成交先嚟料，聞到飯香。
買松景，翻一番到0.3元，到時PB0.5倍，仲係好吸引；又如果松景上番2010年高位0.4元，要升1.7倍，PB低企1倍樓下。

錢雋
細價股專家
本欄逢週二、五刊出


你好似有呢隻WOR，升到爽YY吧...
242 : greatsoup38(830)@2013-08-21 01:09:50

好多年前我叫家人兩蚊買，現在都是值千幾蚊，無乜用
243 : VC(35825)@2013-08-21 01:25:23

242樓提及
好多年前我叫家人兩蚊買，現在都是值千幾蚊，無乜用


松景99年上市價1.5元，最高在當年11月見2.8元

Oh...以前是高增長實業股?
244 : greatsoup38(830)@2013-08-21 23:05:58

243樓提及
242樓提及
好多年前我叫家人兩蚊買，現在都是值千幾蚊，無乜用


松景99年上市價1.5元，最高在當年11月見2.8元

Oh...以前是高增長實業股?


當年一上市當天就是高位啦，痴線專欄作家

唔是高增長，當年他是第一批創業板，又是科技類股票，唔炒就奇啦
http://webb-site.com/dbpub/hpu.asp?i=2273
26-Nov-1999     1.740   2.800   1.670   122,282,500   239,301,140   1.957

我上市第一日買唉
245 : greatsoup38(830)@2013-08-25 12:36:41

http://hk.apple.nextmedia.com/financeestate/art/20130823/18390815


本週二主打松景（1079），短短三個交易日，最多大升2.1倍，超級和味龍。是日主打順豪（219），一樣係坐底望升1倍嘅優質股！
順豪繫於本港最受祖國旅客歡迎嘅三、四星級酒店檔次中，擁有超過2,000間客房，佔一重要席位。
同時，管理層用到「豐收之年」去描述前景。而呢批酒店，又位處銅鑼灣、尖沙咀及上環靚仔地段，連埋中環順豪商業大廈及北角英皇道633號兩幢超筍投資物業，順豪系資產爆升能力，亦繼續驕人。
PB僅0.12倍

事實都係咁，經專業重估，阿仔華大（201）額外增值57億銀，重估後NAV上到1.17元，現價（0.38元）折讓67%，或0.33倍PB。
阿媽順豪又點？順豪未計入上邊資產增值，NAV6.6元，現價（1.7元）已經大幅折讓74%。連埋上邊批物業重估，順豪亦額外增值達41億銀，或每股7.6元，而重估後NAV上到14.2元。順豪現價係超級大折讓88%，PB講緊得0.12倍！
順豪直控兼揸住華大高達71%權益，華大一增值，阿媽順豪都啖啖肉。
兩家股份PB，冇理由相差咁遠。又華大市值34億銀，順豪應佔華大市值，亦達到24.2億銀，順豪總市值，得9億銀咁大把，殘到不堪。
又場內同瓣數嘅富豪產託（1881），0.46倍PB，朗廷（1270）更去到0.7倍。順豪一比落去，又係平到離曬譜。
一於悶聲發財，買順豪。PB同華大睇齊，見0.33倍，順豪見4.7元，升幅1.7倍。順豪追貼富豪產託，係要見6.5元，要升2.8倍。

錢雋
細價股專家
本欄逢週二、五刊出

唉
246 : cuteonon(41442)@2013-08-26 10:49:39

識食!
247 : GS(14)@2013-08-27 00:04:02

錢蝕玩夠未?
248 : greatsoup38(830)@2013-09-01 01:26:17

http://hk.apple.nextmedia.com/financeestate/art/20130830/18401261


北大青鳥（8095，H股市值得3億銀）揸住「青鳥消防」呢隻會生金蛋嘅雞，潛在增值，分分鐘過10億銀，超級肥仔水。
今年2月，北大青鳥話計劃喺今年底至明年初，分拆青鳥消防（揸咗51%）喺深交所上市。家陣已經8月，分拆期近。
又按當時市場以青鳥消防2011年純利4,700萬銀（人仔．下同），另隱含市盈率（PE）33.3倍上市參考計數，阿媽北大青鳥可額外增值或獲利5.8億銀，即係每股0.62港銀，幾乎追到現價（0.65港銀）。
NAV大折讓72%

今年上半年，消防項目總溢利4,620萬銀，已經追貼上邊11年全年純利水位。就當呢瓣全年純利起個孖，到9,100萬銀；較2011年時，已經翻一番。所以，若果青鳥消防上市基準冇變，阿媽北大青鳥潛在增值，亦應該起個孖，到14.5億港銀，或每股1.24港銀。重秤後，NAV上到2.3港銀，北大青鳥係大幅折讓72%！
又深圳創業板指數68倍PE，就算以上邊隱含PE參考，青鳥消防上市後，仲有大把向上空間，北大青鳥嘅增值，可以再下一城。
北大青鳥今年上半年純利飊升咗14倍，去到1,376萬銀。集團下半年純利，只係keep住上年同期3,160萬銀，全年純利4,540萬銀，已經可以增長40%，預測PE就會跌到得番13倍，平過創業板指數（GEM）30倍PE大半截！
買北大青鳥，博放紙鳶，追番上GEM家陣PE水位，見1.5港銀，現價要升1.3倍。又集團上到上邊重秤NAV2.3港銀，係要大升2.5倍；但仲未有耐追到GEM嘅1.4倍PB！

錢雋
249 : greatsoup38(830)@2013-09-07 22:58:04

http://hk.apple.nextmedia.com/financeestate/art/20130906/18411183


環球數碼創意（8271）市值5.5億銀，係首鋼集團唯一媒體創意旗艦，遲早實俾阿媽湊大。集團預期PE平到得6倍，翻一番都仲未有耐上到創業板指數36倍PE水位。
環球數碼主打電腦創作及製作（包括呢期好hit嘅3D動畫製作及創作），仲有電腦圖像培訓業務。集團03年1蚊上市，07年最高見過3.7元，現價0.36元跌剩番一成。
但咪睇環球數碼股價細細粒冇料到，對上控股公司，係長實（001）李超人都有揸住嘅首長四方（持有環球創意40.78%），終極對口單位，就係鼎鼎大名嘅首鋼集團。而早喺07年，首鋼講明會透過集團發展鋼鐵業以外業務。
咁睇，喺外國，大家熟悉兼發展成熟嘅「夢工場動畫」，市值高達186億港銀，環球數碼市值就得5億銀咁大把！
集團有咁雄厚嘅股東背景，加埋電腦創作大行其道，祖國電影市場又吃香，食住呢條水，遲早俾控股湊大，而且更加事半功倍。
博翻一番見0.72元

環球數碼今年上半年，虧轉盈近1,700萬銀。集團原創3D動畫電影《潛艇總動員III》勁成功，暫結到6月底，累積票房已經超過5,500萬人仔，兼創下投放拷貝數量及發行紀錄最多嘅動畫電影紀錄。而嚟緊嘅日子，集團仲有兩部2D同3D動畫電影，繼續肥仔水。
唔好估多，環球數碼全年純利7,750萬銀，係咁易增長近30%，預期PE跌到得番6倍。趁集團呢期交投變熱，買入博翻一番到0.72元，PE不過12倍，未有耐追到創業板指數36倍PE，及好似上邊夢工場近40倍PE水位。

錢雋
250 : greatsoup38(830)@2013-09-11 01:35:18

http://hk.apple.nextmedia.com/financeestate/art/20130910/18416711


本欄在8月5日主打推介冠軍科技（092），冠軍股價於8月6日單日一度大幅飆升65%。到咗呢轉，就買市值8.6億銀嘅阿仔看通（1059），博翻一番。
看通1997年上市，經歷過亞洲金融風暴，仲有之後2000年科網泡沫爆破、03年沙士及08年金融海嘯。
面對呢啲大場面，看通業績當然亦有起落，好似喺海嘯期，即係截至09年6月底一年度，看通純利得番7,100萬銀，但集團依然都係keep住每年有錢賺，之後更慢慢回勇，純利上到上年8,000萬銀。
業績亮麗　估值平通街

而今年上半年度，看通再下一城，純利大增40%，到7,700萬銀，追貼上年全年純利水位。但看通現價0.115元仲要低過08年10月最慘烈嘅海嘯價0.13元，殘到冇譜。
仲要咁睇，看通喺祖國經營咁多年，家陣祖國生意額高達10億銀，佔咗總收入七成比重。而呢期已經有估計，祖國到咗2015年，喺網絡零售消費將達到1.2萬億人仔，至於互聯網新型資產消費，甚至會上到2.4萬億人仔。看通本身同喺祖國咁優厚條件底下，當然肥過肥仔水。
看通又就快派2013年成績單，呢轉唔好計多，就當全年純利係上半年7,700萬銀起個孖，即係1.5億銀，已經係講緊增長86%，預期PE（市盈率）跌到得番5倍幾。IT科技股當中，看通又係平通街。
而且阿媽冠軍家陣揸住看通近55%，嚟自看通嘅貢獻唔少，所以買看通應該更加直接。睇看通翻一番到0.23元，到時集團預期PE都係得10倍，而PB講緊0.53倍，亦係科技股冇可能見到咁低殘嘅水位。

錢雋
細價股專家
本欄逢週二、五刊出
251 : greatsoup38(830)@2013-09-14 15:46:24

http://hk.apple.nextmedia.com/financeestate/art/20130913/18421254
天津港發展（3382）附屬A股天津港股份（滬：600717）短短兩個半月，股價翻咗半番。天津港現價及PE，仲係挨住歷史低位，殘到冇譜，勁抵買。
天津港主打集裝箱、散雜貨裝卸及港口配套業，06年喺天津發展（882）分拆出嚟，上市價1.88元，現價1.13元潛水唔在講，仲要咁睇，天津港由08年金融海嘯期賺得1億銀，極速彈番上12年度7億銀純利，兼上市以嚟高位。而集團今年半年度，純利繼續增長14%，到4.25億銀。但天津港現價，仍然低過08年10月慘烈月收市價1.5元，相對07年高位9.69元，大跌近九成，有冇搞錯？
附屬A股天津港，由6月尾到家陣翻咗半番，以天津港應佔A股權益市值，上到88億銀，天津港本身總市值，得69億銀，再印證津港真係殘到爆。
再講，祖國7月港口完成貨物吞吐量9億噸，同比增加10.4%，而8月全國進、出口總值，亦都升咗7%。
至於航運界其中一個寒暑表「波羅的海指數」，由上年年尾的699，升到家陣冇回頭，翻過一番去到1540樓上。下半年數據繼續靚仔，天津港就有運行。唔好計多，天津港今年純利起個孖到8.25億銀，增長20%，PE跌到得番8倍。
航運復蘇　博翻一番

又天津市上年獲阿爺定位為「國際港口城市」，該市呢期亦上報「自由貿易區」規劃，若果成事，天津會係繼上海之後，另一個重要自貿區。港口股當中，天津港主場之利彈出。
博天津港翻一番到兩蚊樓上，PE得16倍，未有耐追到往年平均22倍，而天津港當炒期，PE係講緊59倍。
252 : greatsoup38(830)@2013-09-18 00:53:56

http://hk.apple.nextmedia.com/financeestate/art/20130917/18426314


瀚洋控股（1803）呢家空運相關企業，市值6.9億銀，預期PE得4倍，平過近磅股好多好多截。而集團貼近上市低位，街貨市值奀到爆，易挾上。買瀚洋，博翻一番。
街貨少　估值平通街

瀚洋主打批發市場空運方案供應商。今年上半年，尤其祖國經濟活動忽明忽暗，瀚洋半年純利，仍然錄到4%增長，到4,623萬銀，已經好叻仔。
瀚洋呢期兼大幅提高派中期息，到每股2.8仙（12年中期息每股1.65仙），錢唔留自己袋而派出街，管理層似乎對下半年業務又幾樂觀。
事實都係咁，祖國踏入下半年，7月進、出口，同比分別同比增加10.9%及5.1%。再到8月份，進、出口仍維持7.2%及7%增幅。而同月，祖國PMI上到51，創咗今年新高。製造業及經濟活躍番，瀚洋有運行。
瀚洋家陣PE得7倍。好保守計數，集團今年純利增長10%到貼近1億銀，預期PE跌到6.9倍。而場內專業評估，瀚洋明年純利1.36億銀，PE再跌到得4倍單位數。
另外，讀者亦不妨睇番近磅啲嘅股份，中外運（598）今年預期PE係9倍，外國UPS（聯合包裹）今、明兩年PE係18.7倍及16倍，另一家亦係世界知名嘅FedEx（聯邦快遞），預期PE係15倍及13倍。瀚洋比落去，平、靚、正！
瀚洋控股於上年1月上市，現價0.87元比上市價0.93元潛水。再講，集團貼近上市低位，街貨市值得1.8億銀咁大把，基金睇番好航運業，一買貨，要挾上去，容乜易？
如果買瀚洋，博翻一番到1.7元，佢嘅PE都係得8倍，仲未有耐追得到上面提到嘅同業。

唉
253 : Tricky.Frog(35942)@2013-09-18 00:59:32

唉咩？
254 : greatsoup38(830)@2013-09-18 01:00:56

無得搞
255 : greatsoup38(830)@2013-09-26 00:16:59

http://hk.apple.nextmedia.com/financeestate/art/20130924/18435318


細價賭股升到開巷，北望神州，少少近磅而仲未大炒嘅有彩票股。要揀，可以揀華彩控股（8161，市值9億銀），博佢股價可以好似放紙鳶咁樣。
華彩05年改名兼變身祖國多元化彩票股。喺最慘烈嘅08年，一場金融海嘯，加埋集團大額撇減商譽，見紅9億銀。但之後華彩已經年年有錢賺，今年上半年華彩純利仲更加大幅增長咗1.4倍，到近5,000萬銀，兼貼住上年度純利6,750萬銀水位。華彩業績靚仔，但現價0.121元仲係貼住08年10月慘淡期收市價，殘到冇朋友。
踏入下半年，祖國7月彩票銷售近244億人仔，同比增加咗20%。而當中，華彩主打褔利彩票電腦銷售業務嘅廣東省，頭7個月省彩票銷售172億人仔，keep住No.1。成個彩票市場好景，加埋主打地區領導優勢，華彩肥仔水。
再講，華彩係「中福在線/VLT」獨家設備提供商，喺舊機更替潮底下，估計呢瓣設備銷量會迎來歷史新高。
同樣地，喺另一瓣體育彩票，華彩講明，打後五年將會係體育彩票終瑞機更新換代高峰期。食住呢潮水，華彩業績隨時喜上加喜。
博翻一番見0.24元

唔好計多，華彩今年純利係咁意翻一番到1.35億銀，預期PE跌到得番6倍，比較華彩轉型以來最高去到54倍PE，以及平均21倍PE，平咗一大截；而華彩大股東陳城仲係主板寶威（024）嘅主席。華彩業績靚爆鏡，又有point炒升格轉主板。
呢轉買華彩，翻一番到0.24元，預期PE都係13倍，又華彩上番平均PE21倍，要見0.38元，係講緊要升兩倍。

錢雋
細價股專家
本欄逢周二、五刊出
256 : chiukit2001(19715)@2013-09-26 19:29:59

細價股專家#
LAUGH
257 : greatsoup38(830)@2013-09-26 23:03:17

日日講垃圾
258 : greatsoup38(830)@2013-09-29 12:05:04

http://hk.apple.nextmedia.com/financeestate/art/20130927/18440262


永恒策略（764，市值4.7億銀）潛在變現連手頭現金，挨近20億銀，相當家陣市值4倍，而且集團呢期主攻財仔業務，PE、PB平過對手超過一半，買永恒，起碼可以博翻一番。
永恒策略今年6月底淨資產值19.3億銀，當中，除包括近4億銀現金，絕大部分係中國星（326）CB權益，及上年尾出售觀塘物業待收現金。
現金充裕　財仔生意俏

今年7月，永恒實收觀塘物業尾數5.3億銀。到呢個月10號，永恒開始出手沽中國星。據紀錄，到咗上星期四，永恒總共沽售約3.72億股中國星，平均價0.135元。永恒action沽中國星，意味集團19億資產淨值，快變純現金，相當於每股4.2元，係現價1.04元嘅4倍。就算以中國星現價0.135元計，永恒嘅潛在增值或獲利，都高達1.5億銀，每股NAV上到4.55元，大折讓77%，或0.23倍PB，流晒口水。
故事仲未完結，呢期永恒策略開始發展財仔業務，由今年3月到家陣已授出借款4.6億銀，年息多企8厘。
以集團超級現金牛，又隨住呢瓣業務越搞越大，就算以呢個息口計（場內財仔公司借款年息20厘），永恒未來嚟自財仔業務溢利，都上到1.6億銀，PE只得2.9倍。
場內第一信用（8215）預期PE係32倍，0.77倍PB；靄華押業（1319）最低預期PE亦講緊9倍。另外，就快上市嘅同業香港信貸（1273），最高PE定價11倍，PB亦講緊1倍樓上。永恒平咗九條街。
買永恒，係咁意翻一番到2.08元，預期PE6倍都唔夠，PB則0.45倍，未有耐追到同業水位。
259 : greatsoup38(830)@2013-10-05 21:18:08

http://hk.apple.nextmedia.com/financeestate/art/20131004/18449376


木薯資源（841，市值3.3億銀）8月尾發盈喜，股價有反應，但相信只係熱身，有強烈理由睇木薯起碼翻一番。好！入戲肉。
木薯係全泰國最大乾木薯片出口商，及中國最大進口商。集團講明今年9月底半年度，純利會大升。木薯去年度同期，純利得708萬銀，基數低，所以，最新半年純利大升，唔奇。
業績靚仔靠實力

但不妨睇埋集團到今年3月底張成績單，全年度純利，搶到上3,060萬銀。若果唔計一項船隻減值2,480萬銀，實際純利更高達5,540萬銀。即係話，木薯喺上年下半年度，先踩油發力，下半年嘅純利貢獻，高達4,830萬銀。所以，有理由相信，木薯係承接業務強勢，而唔係基數問題。
木薯啱啱喺今年7月宣佈，購買負重量4.8萬噸木薯片運船。集團打算提升運載力，業務前景係點，已經聞到有味。又據泰國商務部估計，今年木薯出口總額，會達到900億銀泰銖（折合224億港銀），創歷史新高。業界預計，今年出口祖國木薯，會增加18%，到過百億港銀。
再講，阿爺行城鎮化及環保政策（木薯適用喺替代能源），對進口木薯依重，越嚟越大。集團繼續肥仔水。
木薯今年度實際純利，係咁意增長20%，到6,650萬銀，預期PE得4.8倍。
又木薯現價（0.82元）仲貼近歷史低位，參考主場泰國，當地好似卜蜂（泰：CPF），由08年金融海嘯到家陣，就大升咗7倍，木薯殘到爆！又木薯低殘價，街貨市值得1億銀，PB得0.58倍，有強者入市，呢個市值，唔係一回事。買木薯起碼博翻一番到1.62元，預期PE都係得8倍幾。
260 : greatsoup38(830)@2013-10-12 18:24:06

http://hk.apple.nextmedia.com/financeestate/art/20131011/18459023


祖國4G時代即將來臨，炒4G受惠股，買通達（698），食住呢潮水，集團明年正式踏入業務漲爆期，預期PE得番4倍，博翻一番。
通達主打瓣數，係智能手機外殼產銷，而今年上半年，大部份工業仲嗌緊救命時，集團憑住智能手機熱銷，純利就增長咗15%到1.5億銀。
係咁意計數，通達今年純利只係keep住15%增長，到3.5億銀，現價（0.45元）預期PE得番6倍，過關兼靚仔。2014年度又點？估佢增長仲爆炸。
食正4G加換機潮

發改委剛公佈，將會組織實施4G產業化專項，意味4G時代好快嚟到。市場專業估計，隨着4G時代，加埋換機潮，去到2015年，祖國智能手機銷量會大增70%到4.7億部，到2017年，更加達到6.1億部，係今年翻一番！通達食住呢潮水，已經唔使憂。
又工信部前排發放「首批」獲得TD-LTE入網許可嘅4G手機商，入圍嘅中興（763）及華為，就正正係通達主要客戶之一，通達亦搶先食到頭啖湯。
再講，通達成功開發鐳射直接成形（LDS）工藝（簡單講，即係手機外殼可以直接變成天線接收訊號），兼且係祖國唯一一家提供垂直綜合供應鏈嘅供應商。集團亦講明，已經同各核心客戶取得共識，明年正式量產。而管理層對未來業務發展及增長，係以「充滿信心」嚟形容。有咁強嘅技術優勢，加埋天時地利配合，通達肥仔水。
估通達明年純利翻半番到4.6億銀，預期PE再跌到得4.8倍。場內同智能手機相關嘅股份，預測PE十幾廿倍係閒閒哋。博通達翻一番到0.9元，14年度PE仲未到雙位數。
261 : greatsoup38(830)@2013-10-16 01:30:29

http://hk.apple.nextmedia.com/financeestate/art/20131015/18464049


本欄9月24日推介華彩控股（8161），至上周五累積升咗超過60%。呢轉推介啱啱新鮮熱辣，完成咗分拆嘅華夏醫療（8143）。
華夏主打祖國三家先進醫院經營及管理，兼透過上星期五分拆主板嘅萬嘉集團（401），從事藥物保健品批發、分銷及連鎖店業務。
萬嘉收益肥仔水

呢次華夏唔整體升格主板，而搞分拆，似乎想將市值、資產增值攞到最大化，阿媽華夏點計都有着數。事實都係咁，萬嘉上市首日，華夏應佔萬嘉市值，已經上到3.3億銀，仲要大過華夏總市值2.4億銀。除咗佐證華夏價殘，萬嘉價值得到釋放，亦係重點。
又在阿爺「十二．五」底下，尤其針對非公立醫療業務，係重點支持瓣數之一，而祖國可支配收入年複合增長率達到14%，大環境對華夏及萬嘉非常有利。華夏亦講明，「將開始取得豐碩之成果」。
咁睇，華夏自己有靚仔業績，已經係支持本身股價表現最有利驅動器，再加埋日後嚟自萬嘉業績增長及股本資產升值，更加肥仔水。
上星期四，華夏主席翁國亮，完成認購1.2億銀嘅可換股優先股，每股兌換價0.238元。華夏連分拆除淨，現價（0.223元）低過換股價。斷估呢批優先股，唔係擺喺到等煲醋，大、小股東也好，有業績，股價大升，大家先攞到最大增值。華夏係等升！
係咁意估華夏今年EPS增長20%到4.3仙，預期PE得番5.2倍。又華夏最新NAV0.59元，現價大折讓62%。講基本面，亦已經有條件翻一番。上到0.45元計，PE得10倍，PB未有耐到1倍。
262 : greatsoup38(830)@2013-10-20 00:44:02

http://hk.apple.nextmedia.com/financeestate/art/20131018/18468724


賭業股又升到甩轆，買落後，買海王集團（070），目標價？The sky is the limit。海王主打叠碼仔業務，由6月25號港股見底到家陣，集團累升46%，唔算多。場內英皇娛樂酒店（296），同期升咗77%，實德環球（487）更大升近兩倍！又龍頭銀河娛樂（027），6月25號市值高達1,460億銀，但到家陣，亦都升咗65%，海王落後到冇譜。
海王7月踏入2014年財政年度，澳門由該月至9月，博彩收入1,175億銀，大增20%。而大行估計，10月澳門博彩收入，可以上到345億銀，按年大增25%。大環境超級靚仔，加埋海王業務，覆蓋晒威尼斯人、金沙、銀河星際等大孖沙級數賭場，有主場優勢，單係自然增長，海王已經掂過碌蔗。
又今年2月，海王完成收購「精金」20%權益（海王有權加碼），而中介人推廣商向精金保證，喺收購完成日期後頭兩年，精金每年獲保證利潤2.75億銀。照計數，喺2月打後兩個周年，海王因呢壇收購，可以額外增加5,500萬銀利錢，相當於海王2013年度實際純利3億嘅18%。海王進一步通過收購，去擴大財路，掂晒！
2014年PE唔夠3倍

估計海王2014年度純利4.2億銀，增長40%，PE只係得2.47倍，場內賭業股，20倍PE閒閒地，海王平霸。又海王因呢次收購，2月配售7.7億股，每股作價0.173元。集團呢期業績報告先提到，呢批股份，係配畀「機構投資者」。
海王現價（0.222元）較2月配股價升得28%，大孖沙夠喉未？海王翻一番到0.44元，PE得4.9倍，翻兩番到0.88元，PE未到雙位數。

錢雋
細價股專家
本欄逢周二、五刊出

boring
263 : VC(35825)@2013-10-20 00:56:38

262樓提及
http://hk.apple.nextmedia.com/financeestate/art/20131018/18468724


賭業股又升到甩轆，買落後，買海王集團（070），目標價？The sky is the limit。海王主打叠碼仔業務，由6月25號港股見底到家陣，集團累升46%，唔算多。場內英皇娛樂酒店（296），同期升咗77%，實德環球（487）更大升近兩倍！又龍頭銀河娛樂（027），6月25號市值高達1,460億銀，但到家陣，亦都升咗65%，海王落後到冇譜。
海王7月踏入2014年財政年度，澳門由該月至9月，博彩收入1,175億銀，大增20%。而大行估計，10月澳門博彩收入，可以上到345億銀，按年大增25%。大環境超級靚仔，加埋海王業務，覆蓋晒威尼斯人、金沙、銀河星際等大孖沙級數賭場，有主場優勢，單係自然增長，海王已經掂過碌蔗。
又今年2月，海王完成收購「精金」20%權益（海王有權加碼），而中介人推廣商向精金保證，喺收購完成日期後頭兩年，精金每年獲保證利潤2.75億銀。照計數，喺2月打後兩個周年，海王因呢壇收購，可以額外增加5,500萬銀利錢，相當於海王2013年度實際純利3億嘅18%。海王進一步通過收購，去擴大財路，掂晒！
2014年PE唔夠3倍

估計海王2014年度純利4.2億銀，增長40%，PE只係得2.47倍，場內賭業股，20倍PE閒閒地，海王平霸。又海王因呢次收購，2月配售7.7億股，每股作價0.173元。集團呢期業績報告先提到，呢批股份，係配畀「機構投資者」。
海王現價（0.222元）較2月配股價升得28%，大孖沙夠喉未？海王翻一番到0.44元，PE得4.9倍，翻兩番到0.88元，PE未到雙位數。

錢雋
細價股專家
本欄逢周二、五刊出

boring


又係呢隻，不過今次一推就爆升左...
264 : greatsoup38(830)@2013-10-20 00:57:32

因為終於有水魚留意
265 : 鉛筆小生(8153)@2013-10-20 11:16:36

我唔知點解, 覺得海王會想配股咁......因為澳門近日旺
266 : greatsoup38(830)@2013-10-20 11:20:02

265樓提及
我唔知點解, 覺得海王會想配股咁......因為澳門近日旺


隻股唔想配股仲可以搞乜，用來clean money
267 : 鉛筆小生(8153)@2013-10-20 11:22:15

266樓提及
265樓提及
我唔知點解, 覺得海王會想配股咁......因為澳門近日旺


隻股唔想配股仲可以搞乜，用來clean money


營運都要錢.......但垃圾股炒家來說, 其實又冇咩所謂


反正, 多D 股本, 炒賣更勁
268 : greatsoup38(830)@2013-10-20 11:23:24

267樓提及
266樓提及
265樓提及
我唔知點解, 覺得海王會想配股咁......因為澳門近日旺


隻股唔想配股仲可以搞乜，用來clean money


營運都要錢.......但垃圾股炒家來說, 其實又冇咩所謂


反正, 多D 股本, 炒賣更勁


那些公司是印錢的....根本唔使投入，是用來買番那些疊碼仔駛錢之嘛

股本大先炒賣唔好
269 : greatsoup38(830)@2013-10-30 01:33:49

http://hk.apple.nextmedia.com/financeestate/art/20131029/18483783
星期五推中國星（326），到噚日兩個交易日，最高升近80%。再整隻旭光高新材料（067），預測PE得3倍，環保sector之中，旭光都算係最平最抵搞。
先睇報道：新鮮熱辣23號，十大劣質空氣城市榜中，京、津、冀等主要城市，佔咗八個席位。再對上兩日，哈爾濱霧霾，要停課及封閉高速公路。又最新2012年全國腫瘤登記年報，肺癌已經趕過肝癌，成為惡性腫瘤第一位。
城鎮化環保雙概念

空氣質素差，PM2.5（可攜帶二氧化硫等有毒物、直徑細過或等於2.5微米顆粒）係元兇。
睇番旭光，主打PPS，係一種耐高溫、絕緣，及高隔絕性物料，適用喺火電、鋼鐵及水泥等高污染性行業。而PPS兼係阿爺「十二五」重點培育產業。
咁睇，阿爺呢邊城鎮化，但空氣質素黑過墨汁，又要講環保。所以，上邊傳統產業must go on嘅同時，亦都對PPS起到龐大需求。旭光係全球最大PPS嘅生產商，集團亦繼續加碼，呢個月底，新落成兩條生產線，產能翻個半番到5.5萬噸。旭光PPS，食到應一應。
旭光今年上半年度，唔計非現金性減值1.5億銀人仔，實際大賺成9.9億銀人仔，增長率有成20%。集團今年全年純利起個孖，去到近20億銀人仔，預測PE由家陣嘅4.9倍，跌到得番3.6倍。
又旭光2009年上市以嚟，純利年年增長，上年度純利，創上市新高去到13億銀人仔，但現價（1.52港銀）較上市價兩蚊港銀，潛水26%，較2011年高位4.52港銀，大跌67%！
旭光翻一番到3蚊港銀，PE未夠7倍，仍然平過好多PE高到無倫嘅風力、水力發電環保股。
270 : greatsoup38(830)@2013-11-02 19:07:37

http://hk.apple.nextmedia.com/financeestate/art/20131101/18488582


北大青鳥（8095）叫緊三瓣糊，隨便一瓣食糊，都造就爆升動力，如果三瓣都中晒，就真係不得了！
北大青鳥主打消防系統設備，今年上半年純利就爆升咗14倍去到1,376萬人仔，兼超過去年頭九個月純利1,309萬銀。
三大好消息惹憧憬

北大青鳥喺今年7至9月嘅全國房產建築施工及新施工面積，分別達14.7億平方米及4.9億平方米，按年增加11%及15%。
房產開發增加，大圍好景，對集團嘅消防設備有好大支持，嚟緊11號公佈嘅頭三季度業績，應該keep住靚仔。所以，第一瓣，有得博佳績。
又中國城市軌道（8240）10月頭一話轉主板，股價就升咗20%，脫離毫子股行列。另一間9月26號「一周兩件」寫過嘅華彩（1371，前創業板編號8161），炒轉主板，短短七個交易日升咗80%。
北大青鳥對上三年嘅純利，符合晒轉主板要求。加埋集團今年純利應該靚仔，所以，第二瓣，係博集團升格主板，股價炒升。
北大青鳥已經講明，考慮最快今年底，分拆旗下青鳥消防喺深圳上市。估計青鳥消防今年純利上到9,000萬人仔，又以分拆通函內提及隱含33倍PE上市做參考計數，北大青鳥可以額外增值14.5億港銀，即每股1.2港銀，係集團現價0.78港銀嘅1.5倍！
連埋呢壇製作，北大青鳥NAV上到2.3港銀，現價大幅折讓66%。第三瓣，係博北大青鳥超級大增值。
如果北大青鳥反映呢壇潛在增值，要見1.98港銀，即現價升多1.5倍，到時PB不過0.86倍，仲係平過同業過倍嘅PB水位。
271 : greatsoup38(830)@2013-11-10 14:03:50

http://hk.apple.nextmedia.com/financeestate/art/20131108/18499061


喺祖國上市嘅頁岩氣股，已經升到甩轆。香江呢邊，同瓣數股份逆市沉到半年低位。咁啱喺上星期，阿爺講到明會撐頁岩氣產業，資金埋身香江同業，為升浪展開序幕。咁多隻頁岩氣股當中，以宏華（196）最抵買！
中俄合作　定單肥仔水

先睇大局，據美國能源部估計，頁岩油及頁岩氣儲存量最多嘅國家，分別係俄羅斯及祖國。能源儲備已經係大國非常重要嘅課題，但中俄對呢類新能源嘅開探方興未艾。
據估計，2020年前，祖國喺頁岩氣行業嘅總投資額將會高達8,000億人仔。中俄兩大國開探頁岩氣嘅潛力無限，而宏華主打嘅鑽探機業務，喺嚟緊日子真係食到應一應，肥過肥仔水！
又今年3月，阿爺同俄羅斯公佈咗能源全面戰略合作，中俄一家親，宏華對嚟自俄羅斯所需鑽探設備，更加坐定粒六。事實亦係咁，單係今年7月至9月，宏華嚟自俄羅斯嘅合約有成11.6億人仔，相當於該集團今年上半年總收入近半水位。
連埋呢兩份單，宏華最新未入賬總值高達85億人仔，係去年度總收入50.7億人仔嘅1.7倍。嚟緊業績，亦肯定靚仔非常。係咁意估宏華今、明年嘅EPS增長40%，去到0.23元人仔及0.33元人仔，預測PE跌到得番8.4倍及5.9倍。根據大行專業評估，場內同行全部PE約15倍到20倍。
喺祖國上市同行又點？呢批股份，6月尾同A指同步見底，隻隻生猛。好似江鑽及恒泰艾普，累升40%至50%，而今、明兩年嘅PE，高達50倍及40倍！宏華PE，中港兩邊都至抵買，現價（2.44港銀）翻一番到4.9港銀計數，明年度PE都只係11倍多啲。

錢　雋
細價股專家
本欄逢周二、五刊出
272 : Louis(1212)@2013-11-12 18:29:44

一周兩件：威華達現金牛 Apple Daily 12 Nov 2013

http://hk.apple.nextmedia.com/financeestate/art/20131112/18504109

威華達（622）淨現金及待售證券等，足足係現價兩倍，超級現金牛，博開鋪大嘢！威華達淨現金13億銀，連埋絕大部份反映港華燃氣（1083）嘅證券投資，高達25億銀。若果加埋嚟自大孖沙中海石油氣電待收款項5.7億銀，總數足足30.5億銀，或每股0.43元，遠遠超過現價嘅0.206元！

威華達家陣銀行連其他利息收入，3,000萬銀唔夠，而隨着證券及待收款回籠，連埋手頭淨現金，若果拎去做財仔生意，係咁意收8厘息，都年賺過兩億銀（PE等值6.2倍）。威華達大雞唔食細米，但仲揸住咁多錢，做乜？博佢有兩個可能。

變身賣殼俱值博

1）變身大升值。威華達由2007年到家陣，跌咗60%過外，連大股東歐亞平家底都縮水，應佔市值得番5.4億銀。務求市值壯大，就要搵嘢搞，威華達銀彈多，就係優勢。

事實上，啱啱今年5月，威華達就提過搞頁岩氣。雖則，喺今年8月出嘅半年業績報告中，再無提番呢壇製作，但成組思路係，集團一方面積極發憤，同時係睇定嚟食，一係唔出手，一出就要一擊即中，以博取沉寂幾年嚟嘅最大升值！

2）派高息，再賣殼。計吓數，若果威華達派晒手頭上嘅淨現金13億銀出街，市值將會大幅縮減到得番1.8億銀。而呢期殼風盛，經典股萬達商業（169），變身內房殼，股價八個月內爆升超過10倍，家陣市值成過百億銀，大、小原始股東開心到震。所以話，完全唔可以抹殺呢個可能。

呢鋪煲威華達，以集團5月話搞頁岩氣，股價隨即升1倍做參考，首站目標同樣升1倍到0.4元，次站博佢放紙鳶，目標價NAV0.55元樓上。

錢雋
細價股專家

利申: 我有這隻老千股!
273 : greatsoup38(830)@2013-11-17 19:20:22

http://hk.apple.nextmedia.com/financeestate/art/20131115/18509037


三中全會重點得幾個，自貿區創建係其一，當中天津市係大熱。直屬該市全方位水務旗艦，就係天津創業環保（1065）。集團享受自貿區好處，亦食住阿爺長期環保國策，PE又最抵，起碼博翻半番。
據估計，到2015年，祖國各大城市嘅污水排放量，包括天津在內，將會較去年增加15%，去到791億噸。但阿爺講明，同年嘅城市污水處理率要達到85%，所以津創嘅污水處理業，已經唔憂做。
炒埋自貿區概念

又各大城市中線享受自貿區及城鎮化嘅好處，但隨住人流增加，亦會附帶食水需求及水污染問題。津創作為一市旗艦，肯定長做長有。而天津市係繼上海市之後，另一個獲升格做自貿區嘅大熱城市，阿爺咁落力，斷估好快就有公佈，津創有多個自貿區concept可炒。
津創由今年初以嚟，升咗48%，未算巴閉。津創A股及另一家祖國同業碧水源（市值高達462億港銀），同期亦都輕易升咗83%。場內中國水業（1129）仲勁，啱啱創咗52周高位，累升144%。津創實情落後！
又津創現價（3.16元）相對本身A股（約10.45港銀）大折讓70%，津創H股殘到離晒譜。
市場專業評估，津創今、明年度EPS分別係20.3分及22分人仔，明年度PE跌到得番11倍。呢個PE，仲係未計呢期全國醞釀加水費帶嚟嘅潛在增長因素。就算係咁，比對同業碧水源預測31倍PE、北控水務（371）及中國水業21倍，津創都平咁一大截。
津創現價翻半番到4.7元，預測PE16倍，未有耐上到本身A股價位，以及同業PE水位。

錢　雋
細價股專家
本欄逢周二、五刊出
274 : greatsoup38(830)@2013-11-21 01:46:12

http://hk.apple.nextmedia.com/financeestate/art/20131119/18514386


木薯資源（841）上年11月29號派半年度成績單。睇睇日曆，新一期半年度業績，好快又會公佈，買定木薯等漲爆。
木薯8月尾發盈喜，股價一路好地地，但係10月21號打後，五棍陰燭插咗最多23%。同一日，集團公佈以當日收市價0.85元，大折讓19%，即每股0.685元配股。慘跌原因，完全唔關業績事。
木薯呢次配售4,980萬股咁大把，就算以現價（0.84元）計，市值都係得4,180萬銀。又單係上星期五，木薯成交2,020萬股，已經相當於配股股數嘅40%，要消化有幾難？更何況，木薯嚟緊有盈嘉跟尾？
斷估承貨人甚至想博埋全年盈喜，食鋪大茶飯，大家惜貨如金就真。唔信？呢批配股，啱啱係兩個星期前出街，之後，一路都未質穿過配股價。
又根據泰國商務局估計，今年木薯片出口會創新高，去到224億港銀。當局亦指出，木薯片價量齊升，一個好重要原因，係以木薯製造乙醇等新能源燃料嘅需求上升。祖國係泰國乾木薯片最大進口商，糧食需求係其一，空氣污染勁嚴重，阿爺講明環保，要引入木薯製造乙醇，祖國對進口泰國木薯片，相信只會有增無減。木薯既係祖國最大乾木薯進口商，絕對肥仔水。
預期PE僅4倍

木薯上年度，船隻減值2,480萬銀後，純利3,060萬銀。本年度再冇呢項減值，純利已經上到5,540萬銀，來回大幅增長80%。連埋肥仔水優勢，估木薯本年度純利上到9,000萬銀，大幅增長1.9倍，連配股攤薄，EPS0.21元，預期PE得4倍。又木薯呢兩日成交先行，聞到鑊氣。睇佢翻一番到1.68元，PE得8倍。

錢雋
細價股專家
本欄逢周二、五刊出
275 : GS(14)@2013-11-30 15:58:55

http://hk.apple.nextmedia.com/financeestate/art/20131129/18529276
順誠（531）點只11厘高息吸引，佢主打家具業務，食住美國復蘇及祖國城鎮化，預測PE亦非常吸引。博順誠升九成，未有耐追到同行敏華（1999）1年以嚟近4倍嘅升幅。
順誠係全亞洲三大實木傢俬製造商，兼英、美十大傢俬批發商之一。今年上半年，順誠實際純利6,045萬銀，增長37%，而主打嘅美國區，下半年嘅新屋銷售數字好省鏡，睇嚟順誠家具業繼續有運行。
食住中產倍增條水

另一瓣酒店家具業，順誠係以「非常可觀增長」去形容。專業評估，祖國嘅中產人數，三幾年後將會倍增到6億人。全球酒店業磨拳擦掌，大力發展，順誠呢瓣業務一樣爆炸。又順誠祖國收入，佔得總收入2%，基數好低。祖國城鎮化開鑼，順誠食住呢條水，亦一樣不得了。
順誠啱啱發咗公告，話取消投標收購Furniture Brands。咁睇，順誠家陣應該係吼緊好嘢買，而集團淨現金連極高流動性資產，高達16億銀，銀彈勁多係優勢，睇準時機再出擊，亦大大加強日後嘅搵銀能力。
估順誠今、明年度EPS增長50%，分別升到7.7仙及0.116元，明年度PE得9.8倍。
另一邊廂，美國巨無霸Home Depot（市值8,860億港銀）炒美國樓市復蘇，預測PE達到18倍。祖國嘅浙江永強，同樣以出口為主，預測PE去到20倍。
又順誠現價（1.14元）較07年5蚊高位大跌近80%，PB得0.84倍。上邊Home Depot，PB高達8倍，敏華PB亦過3倍。順誠現價殘到爆，升90%到2.17元，PB得1.5倍，預測PE17倍，亦未追到行家。

錢　雋
276 : GS(14)@2013-12-06 18:45:39

http://hk.apple.nextmedia.com/financeestate/art/20131206/18538984

一周兩件10月8日主打亞洲水泥（743），之後股價創咗1年新高，累升30%，跑贏同期恒指3%升幅。
今日整件近磅上下家，兼食正城鎮化半新股中國賽特（153），博有亞泥double升幅。





食正城鎮化概念

賽特主打鋼結構及預製建築組件。咁睇，城鎮化底下，阿爺計劃喺鐵路網絡等交通基建方面，追加高達6萬億人仔嘅投資金額。
再講，喺建築領域，家陣鋼結構佔祖國建築總金額只有2%，比起先進地區30%至50%，差咗一大截。唔單止城鎮化要起橋鋪路，隨住更多自貿區誕生，將會起好多高層商業樓宇，亦助長呢瓣中線發展。專業評估，到2016年，祖國鋼結構建築行業複合年增速，會達到17%。賽特鋼結構業務，已經長賺長有。
又阿爺已經落實嘅，係打造3,600萬套城鎮保障房。為支持預製組件行頭，阿爺推動加大鋼結構嘅份額，估計到咗後年，呢個建築方法，會佔總建築量近30%。
咪睇少呢個百分比，專業評估，喺保障房工程推動需求增長下，所講預製組件預期總產量，由家陣2,190萬平方米，大增到2016年時1.28億平方米，年複合增長率高達80%！賽特單係食住保障房呢條水，已經超級肥仔水。
而賽特招股時，預測純利係咁意增長30%，到近2.7億人仔，有咁好景，係事出有因。唔好多計，賽特明年度純利整多個30%增長，到3.5億人仔，預測PE得番4.5倍。賽特現價（1.21元）升60%到1.9元計數，明年度預測PE都係得6.7倍。又要考慮，賽特啱啱上個月頭先上市，一破1.24元頂，股價可以一支箭咁爆升。

錢雋
細價股專家
本欄逢周二、五刊出
277 : greatsoup38(830)@2013-12-11 01:30:40

http://hk.apple.nextmedia.com/financeestate/art/20131210/18544413


本欄一週兩件10月25號主打中國星（326），兩日最高累升80%，呢個升幅，喺濠賭股中濕濕碎。而中國星呢期股價啱啱調整咗升幅近0.236倍，手頭又揸住隻超級金蛋。再買中國星，博佢大茶飯。
中國星前排公佈，獲獨立第三方洽購澳門蘭桂坊酒店。呢壇製作，若果連埋賭業一齊出售，不得了。
條數係咁計，中國星今年上半年酒店連賭業溢利1.37億銀，濠江好景，係咁意估成瓣業務全年溢利起個孖，已經講緊2.7億銀。
賣酒店售賭業襟計

家陣場內有專業評估嘅濠賭股，今、明年度平均預測PE35.2倍及26倍。就算以行家明年平均26倍PE作準，中國星成瓣賭業售價，去到呢個PE水位，係高達70億銀。打八折都講緊56億銀，或供股後每股0.61元，中國星現價幾多？得0.127元。保守估值係現價5倍，極之肥仔水！
又當中國星齋賣酒店，唔賣賭業。呢項資產，上年尾時，講緊約16億銀，家陣當加多30%到21億銀，唔過太。同樣以供股攤薄基準計，中國星每股套現仍然高達0.23元，貼近現價兩倍，中國星一樣肥仔。
呢期濠賭股再狂炒，半年計數，絕大部份股價起碼翻一番，創曬1年新高，而同行平均PB高達5.2倍。又當中國星最後攬實隻金蛋唔賣，以中國星今年度預測PE得4倍水位，供股後PB得0.53倍，中國星係平霸！
左計右計，中國星賣唔業務，都無得輸，而股價要升250%，先啱啱上番1年高位0.445元，到時PE都係得14.5倍。博中國星賣酒店成事，股價目標係點？都係嗰句：「The sky is the limit！」


唉
278 : hoyin86(39556)@2013-12-11 01:56:30

greatsoup在275樓提及
http://hk.apple.nextmedia.com/financeestate/art/20131129/18529276
順誠（531）點只11厘高息吸引，佢主打家具業務，食住美國復蘇及祖國城鎮化，預測PE亦非常吸引。博順誠升九成，未有耐追到同行敏華（1999）1年以嚟近4倍嘅升幅。
順誠係全亞洲三大實木傢俬製造商，兼英、美十大傢俬批發商之一。今年上半年，順誠實際純利6,045萬銀，增長37%，而主打嘅美國區，下半年嘅新屋銷售數字好省鏡，睇嚟順誠家具業繼續有運行。
食住中產倍增條水

另一瓣酒店家具業，順誠係以「非常可觀增長」去形容。專業評估，祖國嘅中產人數，三幾年後將會倍增到6億人。全球酒店業磨拳擦掌，大力發展，順誠呢瓣業務一樣爆炸。又順誠祖國收入，佔得總收入2%，基數好低。祖國城鎮化開鑼，順誠食住呢條水，亦一樣不得了。
順誠啱啱發咗公告，話取消投標收購Furniture Brands。咁睇，順誠家陣應該係吼緊好嘢買，而集團淨現金連極高流動性資產，高達16億銀，銀彈勁多係優勢，睇準時機再出擊，亦大大加強日後嘅搵銀能力。
估順誠今、明年度EPS增長50%，分別升到7.7仙及0.116元，明年度PE得9.8倍。
另一邊廂，美國巨無霸Home Depot（市值8,860億港銀）炒美國樓市復蘇，預測PE達到18倍。祖國嘅浙江永強，同樣以出口為主，預測PE去到20倍。
又順誠現價（1.14元）較07年5蚊高位大跌近80%，PB得0.84倍。上邊Home Depot，PB高達8倍，敏華PB亦過3倍。順誠現價殘到爆，升90%到2.17元，PB得1.5倍，預測PE17倍，亦未追到行家。

錢　雋


531唔算老千掛？
279 : greatsoup38(830)@2013-12-11 23:28:04

一般般啦
280 : greatsoup38(830)@2013-12-15 14:22:43

http://hk.apple.nextmedia.com/financeestate/art/20131213/18549359


一週兩件轉逢週二、五見報之後，以噚日收市價計，最勁嘅係華彩（1371），累升近兩倍；最削之一，係中國澱粉（3838），10月22號0.245元推介以嚟，升得12%。
不過，中國澱粉點只咁嘅質地？繼續先睇翻一番目標。
中國澱粉已經係祖國三大玉米製造商之一，隨住上年尾完成增購「金遠東」變性澱粉餘下嘅51%股權，及喺壽光市新購用地起新廠房，澱粉產能倍增到9萬噸，講規模曬士，中國澱粉橫掃同行。
又中國澱粉上家玉米，10月以嚟，繼續尋底，家陣祖國玉米價創出三年低位，到每公噸304蚊美金，五個月累跌咗近35%。中國澱粉食正玉米成本價跌，加埋大規模生產效益，攞盡優勢。上期主打木薯（841），話泰國今年進口木薯創新高。祖國糧食需求好大，中國澱粉亦都食正肥仔水。
中國澱粉現價0.275元，仲係貼住歷史低位，PE得5.6倍，維持番先前好輕手估今、明年度純利增長10%及20%，明年度純利2.9億銀人仔，預測PE得番4.6倍。
預測PE得4.6倍

而中國澱粉2010年歷史高位0.9元，PE講緊28倍。就算2009年金融海嘯時最低位0.198元計，當時PE都講緊9倍，中國澱粉PE平咗成截，殘到冇譜！
仲吸引嘅係，中國澱粉最新揸住淨現金近6.6億銀，銀彈勁多已經係另一項優勢。又若果撇除現金資產及利息收入因素，純反映核心業務嘅預測PE，得番2.7倍咁大把。
先睇上期目標價0.49元，中國澱粉現價要升80%，核心業務PE得4.8倍，China play有呢啲PE水位，仲係平到笑。

錢雋
細價股專家
本欄逢週二、五刊出
281 : greatsoup38(830)@2013-12-19 01:31:33

http://hk.apple.nextmedia.com/financeestate/art/20131217/18554611


報載環球傳媒大亨梅鐸，上年入股祖國博納影業，佢對進軍祖國潛力勁豐厚嘅文化媒體產業，係有非常大決心。呢類股份之中，應揀至平靚嘅橙天嘉禾（1132）！
內地電影票房增長勁

今年祖國電影總票房翻咗一番，去到200億銀人仔。業界推算，到咗2015年，祖國總票房會高達300億銀人仔。又祖國13億人口，但全國電影銀幕得1.5萬塊，相對美國2億幾人口就有4萬塊銀幕，可謂差天共地。
祖國電影製作成熟，票房勁收、城鎮化推動更多消費，加埋電影院發展空間極大，橙天嘉禾肥仔水。事實亦係咁，今年上半年，橙天嘉禾喺祖國收入，增加37%到3.2億銀，半年純利亦增長25%，到5,000萬銀。橙天嘉禾亦食住個勢發圍，預計到明年底，喺祖國影城會大增62%到73間，提供526塊銀幕，照咁睇，橙天嘉禾明年仲好境。
係咁易估橙天嘉禾今、明年度純利，可以keep住25%增長，明年純利1.53億銀，PE得8倍。上邊博納，喺花旗國上市，明年度PE20倍，另花旗影院股Carmike，明年度PE19倍，PB達到兩倍。另一方面，歐洲市值最大嘅同行Reading International，PB更加係高達6倍。
祖國呢邊有華誼兄弟，市值高達500億港銀，係橙天嘉禾（市值13億銀）嘅38倍，明年PE52倍，PB11倍。橙天嘉禾現價0.47元，仲貼住三年低位，PB得0.73倍，平到爆。
橙天嘉禾見番1蚊，要升1.1倍，明年度PE得17倍，PB得1.6倍，未有耐追到行家之餘，喺祖國嘅業務，一旦成熟分拆上市，潛在增值係可大可小。
282 : 鉛筆小生(8153)@2013-12-19 08:05:35

本質好但唔炒， 冇用
283 : greatsoup38(830)@2013-12-20 17:03:32

垃圾
284 : greatsoup38(830)@2014-01-05 00:39:59

http://hk.apple.nextmedia.com/financeestate/art/20140103/18577284


百仕達（1168）揸住高達40億銀現金，有搞大龍鳳嘅質地，買入博佢兩個憧憬。百仕達嘅內房樓盤所剩無幾，喺冇乜銷售收入同埋增值之下，最新半年純利跌咗九成，得番1,500萬銀，夠cover其中一位高級管理層三年嘅年薪，但百仕達嘅賣點唔喺業績度。
上年6月底，百仕達嘅現金有39億銀，連埋高流動性投資，合共41億銀，扣曬借貸，淨現金及投資都高達38億銀，或每股1.07元，係現價（0.77元）近1.4倍。
百仕達嘅大股東歐亞平，揸住44%股權，歐生應佔權益市值，由2009年嘅32億銀，大縮水咗64%，去到家陣11.4億銀。歐生嘅持股之中，有2.9億股係喺2009年以每股1.87元增持（即總成本5.4億銀），但百仕達現價大潛水60%。
想家底厚番，最常規嘅諗法，係搵辦法去壯大資產或者變身搞新業務，而百仕達勁多銀彈，有搞大製作嘅潛質，係賣點之一。
又以歐生揸住百仕達權益粗略計，應佔上邊淨現金值18億銀，高過佢本人應佔成間百仕達市值11億銀。而歐生前排先辭任百仕達主席職位。
博派高息兼賣殼

忽發奇想，喺冇新搞作下，百仕達若果將淨現金派曬出街，而經除息後，市值分分鐘縮到得番幾千萬銀，兼成為絕佳靚殼，再博大升值（經典殼股萬達商業（169），股價1年大升近9倍），大小股東可能仲著數。博百仕達派高息兼賣殼，係第二個憧憬。
煲百仕達，首站目標睇佢上番每股淨現金值1.07元咁大把，講緊升40%，到時折讓仲有50%。博上邊兩個可能，特別係後一瓣爆出，百仕達升幅，有機會係以倍數計。


唉
285 : hoyin86(39556)@2014-01-05 14:21:08

又是呢隻
286 : greatsoup38(830)@2014-01-05 20:02:09

我覺得他好悶
287 : hoyin86(39556)@2014-01-05 20:03:30

之後又推威華達，我都識背
288 : hoyin86(39556)@2014-01-05 20:04:32

http://hk.apple.nextmedia.com/financeestate/art/20131112/18504109

2013年11月12日
一周兩件：威華達現金牛

■啱啱今年5月，威華達就提過要搞頁岩氣。圖為內地一個頁岩氣井。

威華達（622）淨現金及待售證券等，足足係現價兩倍，超級現金牛，博開鋪大嘢！威華達淨現金13億銀，連埋絕大部份反映港華燃氣（1083）嘅證券投資，高達25億銀。若果加埋嚟自大孖沙中海石油氣電待收款項5.7億銀，總數足足30.5億銀，或每股0.43元，遠遠超過現價嘅0.206元！
威華達家陣銀行連其他利息收入，3,000萬銀唔夠，而隨着證券及待收款回籠，連埋手頭淨現金，若果拎去做財仔生意，係咁意收8厘息，都年賺過兩億銀（PE等值6.2倍）。威華達大雞唔食細米，但仲揸住咁多錢，做乜？博佢有兩個可能。

變身賣殼俱值博
1）變身大升值。威華達由2007年到家陣，跌咗60%過外，連大股東歐亞平家底都縮水，應佔市值得番5.4億銀。務求市值壯大，就要搵嘢搞，威華達銀彈多，就係優勢。
事實上，啱啱今年5月，威華達就提過搞頁岩氣。雖則，喺今年8月出嘅半年業績報告中，再無提番呢壇製作，但成組思路係，集團一方面積極發憤，同時係睇定嚟食，一係唔出手，一出就要一擊即中，以博取沉寂幾年嚟嘅最大升值！
2）派高息，再賣殼。計吓數，若果威華達派晒手頭上嘅淨現金13億銀出街，市值將會大幅縮減到得番1.8億銀。而呢期殼風盛，經典股萬達商業（169），變身內房殼，股價八個月內爆升超過10倍，家陣市值成過百億銀，大、小原始股東開心到震。所以話，完全唔可以抹殺呢個可能。
呢鋪煲威華達，以集團5月話搞頁岩氣，股價隨即升1倍做參考，首站目標同樣升1倍到0.4元，次站博佢放紙鳶，目標價NAV0.55元樓上。

錢雋
細價股專家
本欄逢周二、五刊出
289 : greatsoup38(830)@2014-01-05 20:06:36

仲有海王
290 : hoyin86(39556)@2014-01-05 20:09:45

http://hk.apple.nextmedia.com/financeestate/art/20131018/18468724

2013年10月18日
一周兩件：海王博翻兩番

■澳門今年7月至9月博彩收入1,175億元，較去年同期大增20%。　資料圖片

賭業股又升到甩轆，買落後，買海王集團（070），目標價？The sky is the limit。海王主打叠碼仔業務，由6月25號港股見底到家陣，集團累升46%，唔算多。場內英皇娛樂酒店（296），同期升咗77%，實德環球（487）更大升近兩倍！又龍頭銀河娛樂（027），6月25號市值高達1,460億銀，但到家陣，亦都升咗65%，海王落後到冇譜。
海王7月踏入2014年財政年度，澳門由該月至9月，博彩收入1,175億銀，大增20%。而大行估計，10月澳門博彩收入，可以上到345億銀，按年大增25%。大環境超級靚仔，加埋海王業務，覆蓋晒威尼斯人、金沙、銀河星際等大孖沙級數賭場，有主場優勢，單係自然增長，海王已經掂過碌蔗。
又今年2月，海王完成收購「精金」20%權益（海王有權加碼），而中介人推廣商向精金保證，喺收購完成日期後頭兩年，精金每年獲保證利潤2.75億銀。照計數，喺2月打後兩個周年，海王因呢壇收購，可以額外增加5,500萬銀利錢，相當於海王2013年度實際純利3億嘅18%。海王進一步通過收購，去擴大財路，掂晒！

2014年PE唔夠3倍
估計海王2014年度純利4.2億銀，增長40%，PE只係得2.47倍，場內賭業股，20倍PE閒閒地，海王平霸。又海王因呢次收購，2月配售7.7億股，每股作價0.173元。集團呢期業績報告先提到，呢批股份，係配畀「機構投資者」。
海王現價（0.222元）較2月配股價升得28%，大孖沙夠喉未？海王翻一番到0.44元，PE得4.9倍，翻兩番到0.88元，PE未到雙位數。

錢雋
細價股專家
本欄逢周二、五刊出
291 : hoyin86(39556)@2014-01-05 20:13:27

其實海王衰咩？又唔似威華達嗰啲勁多現金唔派息，得嗰少少現金假都唔假得去邊。
292 : hoyin86(39556)@2014-01-05 20:15:25

話說在柬埔寨都見到好多人在路邊晒木薯，我就諗起隻木薯資源，原來木薯都上到市，點解柬埔寨咁窮...smiley
293 : VA(33206)@2014-01-05 20:18:13

威華達要再爆升就係佢忍唔住再出港華
294 : greatsoup38(830)@2014-01-05 20:24:07

hoyin86在291樓提及
其實海王衰咩？又唔似威華達嗰啲勁多現金唔派息，得嗰少少現金假都唔假得去邊。


班人真是好白囉
295 : greatsoup38(830)@2014-01-05 20:24:44

hoyin86在292樓提及
話說在柬埔寨都見到好多人在路邊晒木薯，我就諗起隻木薯資源，原來木薯都上到市，點解柬埔寨咁窮...smiley


他做木薯片trading ，唔明條數點解咁勁
296 : greatsoup38(830)@2014-01-05 20:24:52

VA在293樓提及
威華達要再爆升就係佢忍唔住再出港華


真是唔知啦
297 : hoyin86(39556)@2014-01-05 20:26:10

greatsoup38在294樓提及
hoyin86在291樓提及
其實海王衰咩？又唔似威華達嗰啲勁多現金唔派息，得嗰少少現金假都唔假得去邊。


班人真是好白囉


明晒，武裝份子smileysmileysmiley

smiley
298 : greatsoup38(830)@2014-01-08 01:15:51

http://hk.apple.nextmedia.com/financeestate/art/20140107/18582232


金榜（172）揸住會生金蛋嘅祖國融資合營公司融眾，受惠祖國中小企龐大嘅貸款需求，生意越做越有，加埋合營有分拆上市憧憬，金榜肥仔水，買。
金榜主要透過持有40%嘅合營公司融眾，發展祖國財仔業務。單係今個財政年度嘅上半年，金榜嘅純利已經一枝箭咁按年飆升咗27倍到1.1億銀，兼追貼上個財政年度全年純利1.2億銀水位，本年度業績已經坐定粒六。
又家陣支持祖國經濟嘅重要支柱——中小企，佔咗祖國經濟規模超過50%，而單係上年第三季，非銀行嘅貸款公司，釋出嘅新增貸款，高達1,600億銀人仔。祖國中小企對實體經濟嘅支持，起到好關鍵嘅作用，資金鏈唔斷得，所以阿爺明言支持金融租賃業務。又上邊貸款數額亦講明，非銀行貸款業務需求大。喺咁嘅條件底下，金榜掂過碌蔗。
係咁意估金榜今年下半年純利，同上半年1.1億銀相同，全年純利2.2億銀，PE得番5倍。場內中國信貸（8207）預測PE上到11倍，半新股中國信達（1359）14倍，遠東宏信（3360）亦貼近10倍，金榜平咗一半。
又金榜最新PB得0.5倍，上邊中國信貸1.6倍、中國信達兩倍，遠東宏信亦講緊1.3倍，金榜又係平咗一大截。
合營公司具分拆憧憬

金榜最新佔合營公司資產值約15億銀，佔咗金榜總資產值好大比重。隨住合營融眾業務條件成熟，加埋祖國重啟IPO，可以諗到兼憧憬到嘅係，融眾一旦分拆，特別係喺祖國上市，金榜呢壇製作嘅增值可大可小。
呢轉先買金榜優質基本因素，現價（0.42元）翻一番到0.84元，PB先得1倍，未有耐追到行家。
299 : hoyin86(39556)@2014-01-08 01:19:53

今次呢隻千咩呢？
300 : greatsoup38(830)@2014-01-08 01:20:25

賭
PermaLink: https://articles.zkiz.com/?id=270310
Next Page
ZKIZ Archives @ 2019